Isaïas
Imëkata ushakäratsiptikiqa, qamtapis ushakätsiyäshunkim.+
Y wakinkunata traicionariptikiqa, qamtapis traicionayäshunkim.
2 Teyta Jehovä, llakipëkayämë.*+
Qammanmi imëpis confiakayämü.
3 Fuertipa parlanqëkita wiyarqa, mëtsëpita nunakunam qeshpir ëwakuyan.
Qam sharkuptikiqa mëtsë nacionpita nunakunam, wakpa këpa qeshpir ëwakuyan.+
4 Chukllushkuna* juntakäyanqannömi imëkata juntayanki,
y imëkata ushakätseq chukllushkunanömi mëtsika nunakuna tsëman shayämunqa.
5 Ciëluchö kawaq Teyta Jehovämi alabashqa kanqa.
Pë permitiptinmi Sionchö nunakunaqa alli kaqllatana rurayanqa.
6 Pëmi següru kawakuyänëkipaq yanapayäshunki.
Këkunam qamkunapaqqa mas välin: salvayäshunqëki,+ yachëyoq kë,
pë yachatsiyäshunqëkikuna y Teyta Jehoväta respetayanqëki.+
7 ¡Rikäyë! Pëkunapa valienti soldädunkunaqa cällikunachömi qayëkachar këkäyan,
y yamë këta willakoqkunapis llakikurmi alläpa waqayan.
8 Manana puriyaptinmi nänikunapis tsunyëkar quedarishqa.
Ushakätsikoqqa* manam acuerdu rurayanqanta cumplishqatsu,
markakunachö nunakunatapis mana kaqpaqmi churan
9 Kë markakunaqa wëta tsakir ushakaqnömi ushakëkäyan.*
Lïbanupis penqakurmi+ ichikllapa ichikllapa ushakëkan.
Saron kinrëpis tsunyëkarmi quedarishqa,
Basan y Carmëlu kinrëpis raprannaq plantanömi këkan.+
10 Teyta Jehovämi nin: “Kananmi sharkushaq,
kananmi podernïta rikäyanqa,+
y kananmi puëdeq kanqäta musyayanqa.
11 Mana allita ruraqkuna, imëkata pensayanqëkiqa y rurayanqëkiqa,
tsakishqa qewanö y raströjunömi imapaqpis välintsu.
Y mana allikunaman pensayanqëkiqa, ninanömi ushakätsiyäshunki.+
12 Nunakunaqa kuwashqa cali* rumipa uchpannöllanam quedayanqa,
y wallushqa kashatanömi ninawan ushakätsiyanqa.+
13 ¡Karuchö këkaqkuna, imata ruranäpaq kaqta wiyayë!
¡Y amänuchö këkaqkuna, puëdeq kanqäta musyayë!
14 Sionchö jutsa* ruraq nunakunam mantsakashqa këkäyan,+
conträ këkaqkunam mantsakashqa karkaryar kënö nikäyan:
‘¿Mëqantsiktan imëkata ushakätseq nina rurinchö kawëkar këkashwan?+
¿Mëqantsiktan mana upeq* nina rurinchö kawëkar këkashwan?’.
15 Imëpis allillata ruraq,+ imëpis rasumpa kaqllata parlaq,+
mana allikunata rurar pitapis mana suwapaq
y wakinkunata mana engañaq,
imatapis mana chaskipakoq,+
pitapis wanutsiyänampaq parlayaptin mana mëtikoq,
y mana alli rurëkunata mana rikänampaq nawinta wichqaq nunaqa,
16 altu jirkakunachömi kawanqa,
y qeshpir ëwakunan sitiuqa mana ni pï chanqanchömi kanqa.
Mikuynin y yakunqa manam imëpis faltanqatsu”.+
17 Qamkunaqa alläpa puëdeq gobernaqta
y karu markatam rikäyanki.
18 Shonquykikunachömi tsë mantsëpaq tiemputa yarpäyanki:*
“¿Mëchötan secretariu këkan?
¿Mëchötan impuestuta pesaq këkan?+
¿Mëchötan törrikunata yupaq këkan?”.
20 ¡Fiestakunata ruranantsik Sion markata rikäyë!+
Estäcantaqa manam imëpis jipiyanqatsu,
y manam mëqan waskanllapis rachinqatsu.
21 Tsëchöqa, mayukuna* y anchu sekyakuna markata tsapaqnömi,
Alläpa Puëdeq Jehoväqa imëkapita tsapämäshun.
Tsëpaqa guërrapaq barcukuna
ni mantsëpaq jatusaq barcukunapis manam ëwayanqatsu.
22 Teyta Jehovämi Jueznintsik,+
Teyta Jehovämi Leykunata Churamun,+
Teyta Jehovämi Gobernamaqnintsik,+
y pëmi imëkapita salvamäshun.+
23 Chikimaqnintsikkunapa barcunkunachö waskakunapis mana alli watashqam kanqa.
Y barcunkunachö postita y tsëman warkuyanqan tëlallatapis manam tsarëta* puëdiyanqatsu.
Tsë witsanqa pëkunapa imëkankunatam rakipanakuyanqa,
y cöjukunapis imëkatam apakuyanqa.+
24 Manam ni pï nunapis,* “qeshyëkämi”+ ninqanatsu.
Kë patsachö nunakunaqa, jutsata* rurayanqampita perdonashqanam kayanqa.+