Hebrëus
9 Awmi, punta kaq acuerduchöqa, patsachö sagrädu rurëpaq y limpiu sitiupaqmi,+ Leypa wakin mandakuyninkunaqa karqan. 2 Carpa* wayipa punta kaq cuartuntam rurayarqan, tsëchömi candelabru,+ mësa y Diospaq tantakuna karqan,+ tsëtaqa “Sagrädu Sitiu”+ nirmi reqiyaq. 3 Ishkë kaq cortïnapa qepanchönam,+ carpa* wayichö “Alläpa Sagrädu Sitiu”+ nir reqiyanqan karqan. 4 Tsëchömi karqan örupita rurashqa inciensu rupatsina+ y entërumpa öruwan laqashqa Sagrädu Cäja,+ tsëpa rurinchönam këkarqan manä winaraq örupita järra,+ Aaronpa tseqllishqa tukrun+ y acuerdu palta rumikuna;+ 5 tsëpa jananchönam, acuerdu cäjapa tsapananta* tsapaq chipapäkuykaq querubinkuna kayarqan.+ Peru kananqa manam tsë cösaskunapita llapanta parlanantsikraqtsu.
6 Tsëkuna tsënö rurashqa kanqampitam, sacerdötikunaqa sagrädu trabäjunkunata rurayänampaq carpa* wayipa punta kaq cuartunman yëkuyan.+ 7 Peru mandakoq sacerdötiqa watachö juk kutillam,+ ishkë kaq cuartuman yawarta aparkur+ japallan yëkun, tsëtaqa kikimpita+ y mana cuentata qokur nunakuna jutsata* rurayanqampita+ qarëpaqmi apan. 8 Tsënömi santu espïrituqa rikätsikun punta kaq carpa* wayi këkanqanyaqqa, sagrädu sitiuman ëwaq näni manaraq rikakushqa kanqanta.+ 9 Tsë carpa* wayiqa kanan tiempupaq igualatsikuymi,+ y patsätsishqa kanqannömi tsëchöqa qarëkunata y pishtashqa qarëkunata rupatsiyan.+ Tsënö kaptimpis, manam Teyta Diosta sirweq nunapa conciencianta llapanchö alliyätsintsu.+ 10 Tsëkunaqa mikuykunapaq, upuna kaqkunapaq y limpiu kayänampaq rurayanqan kaqkunallapaqmi.*+ Tsëkunaqa patsachö kaqkunapaq ley mandakunqanmi karqan,+ y imëkatapis altsanampaqmi dispunishqa tiempuyaq patsätsishqa karqan.
11 Tsënö kaptimpis, rurakashqana alli kaqkunata ruranampaq mandakoq sacerdöti Cristu shamurqa, makiwan mana rurashqa, jatun y mas alli carpa* wayimanmi yëkurqan, manam patsapita kaqmantsu. 12 Pëqa manam cabrakunapa ni mallwa törukunapa yawarninta aparkurtsu sagrädu sitiuman yëkurqan, sinöqa juk kutilla imëyaqpis kanampaqmi kikimpa yawarninwan yëkurqan.+ Tsënömi imëyaqpis libri këta noqantsikpaq lograrqan.+ 13 Cabrakunapa y törukunapa yawarninkuna,+ y mana limpiu kaqkunapa jananman jichayanqan ternërapa uchpan, Diospa rikëninchö cuerputa limpiu tikrëkätsiptinqa,+ 14 ¿manatsuraq santu espïritu yanapaptin, Teyta Diosta jutsannaq* qarëtanö kikinta entregakoq Cristupa yawarninnäqa,+ kawëkaq Teyta Diosta sirwinapaq mana imachöpis yanapakoq* rurëkunapita concienciantsikta masraq limpiuyätsinqa?+
15 Tsëmi, punta kaq acuerduchö këkar mana allikunata rurayanqampita nunakunata salvanampaq wanur o wañur,+ pëqa mushoq acuerduchö yanapakoq.+ Tsënöpa qayashqa kaqkuna mana ushakaq herenciapaq änikuyta chaskiyänampaq.+ 16 Juk acuerdu rurakaptinqa, tsë acuerduta ruraq nunam wanunan o wañunan, 17 tsëran tsë acuerduqa välir qallan, peru acuerdu ruraq nuna kawëkaptinraqqa manam tsë acuerdu välintsu. 18 Tsëmi punta acuerdupis yawarwanraq välir qallarqan. 19 Awmi Ley mandakunqanta nunakunata willarmi, Moisesqa mallwa törukunapa y cabrakunapa yawarninta, yakuta, puka millwata y tsaqtsukuna plantata* apar libruta* y llapan nunakunata pillchitsirqan,* 20 y kënömi nirqan: “Kë yawarmi qamkunawan ruranqan acuerduta cäsukuyänëkipaq Teyta Dios mandayäshunqëki”.+ 21 Tsënöllam carpa* wayita y sagrädu trabäjuchö utilizäyanqan kaqkunata, tsë yawarwan pillchitsirqan.*+ 22 Tsënömi Ley mandakunqannö cäsi llapan cösaskuna yawarwan limpiuyätsishqa kayan,+ yawar jichashqa mana kaptinqa, manam ni ima perdonpis kantsu.+
23 Tsëmi ciëluchö kaqkunata rikätsikoq kaqkunaqa, tsëkunawan limpiuyätsishqa kayänan karqan,+ peru ciëluchö kaqkunaqa, animalkunapitapis mas alli qarëkunawanmi limpiuyätsishqa kanan.+ 24 Awmi, Cristuqa manam makiwan rurashqa sagrädu sitiumantsu yëkurqan,+ tsëqa rasumpa kaq sagrädu sitiuta rikätsikoqllam,+ sinöqa kikin ciëlumanmi yëkurqan,+ tsënöpam kananqa Teyta Diospa puntanchö favornintsik parlan.+ 25 Tsëtaqa manam mandakoq sacerdöti jukpa yawarninwan sagrädu sitiuman wata wata yëkunqannö kikinta atska kuti qarëtanö entreganampaqtsu rurashqa.+ 26 Mana tsënö karqa, patsachö nunakuna kawar qallayanqampitachi atska kuti sufrinman karqan. Peru kananqa ushanan tiempuchömi,* imëyaqpis kanampaq juk kutilla shamushqa kikinta qarëtanö entregar jutsata* ushakätsinampaq.+ 27 Imanömi nunakunaqa juk kutilla imëyaqpis wanuyan o wañuyan, peru tsëpitaqa juzgashqa kayanqa, 28 tsënöllam Cristupis mëtsikaqpa jutsankunata* apakunampaq juk kutilla imëyaqpis kanampaq qarënö kashqa;+ ishkë kaq kutichöqa manam jutsata ushakätsinampaqtsu shamunqa, y salvakuyta shuyarëkaqkunallam rikäyanqa.+