Salmus

 3 Peru qamqa Teyta Jehovä, entëru lädüpam escüdunö tsapämanki,+

qammi respetatsimanki+ y valienti kanäpaq yanapamanki.+

 4 Llapan kallpäwanmi Teyta Jehoväman qayakushaq,

pëqa sagrädu jirkampitam contestamanqa.+ (Sëlah).

 5 Teyta Jehovä imëpis cuidamaptinmi, patsäkunqäpita y pununqäpita

tranquïlu riyamushaq o rikchamushaq.+

 6 Mëtsika mil nunakunam chikiyäman,

peru ushakätsiyämänampaq entëru lädüman churanakayämuptimpis manam mantsätsu.+

Qammi llapan chikimaqkunata cärankunachö laqyar ushanki

y kirunkunapis shikwaqpaqmi kutanki.+

 8 Teyta Jehovä, qamllam pitapis salvaqqa kanki+

y sirwishoqnikikunatam bendicinki. (Sëlah).