Ageu
2 Qanchis killa veintiunu junaqmi, Teyta Jehoväqa willakoqnin Ageuwan+ kënö willakurqan: 2 “Judächö+ gobernador Sealtielpa tsurin Zorobabelta,+ Jehozadacpa+ tsurin mandakoq sacerdöti Josuëta+ y wakin israelïtakunata këta tapuy: 3 ‘¿Mëqëkikunatan rikäyarqunki kë wayi* unë imanö kanqanta?+ Kanan imanö këkanqampaqqa, ¿ima niyankitan? ¿Manam unë kanqanwanqa ichikllapis igualantsu aw?’.+
4 ‘Zorobabel, valienti kë, qampis Jehozadacpa tsurin mandakoq sacerdöti Josuë, valienti kë’ ninmi Teyta Jehovä.
‘Y kë nacionchö llapëki kawaqkunapis valienti kayë y trabajayë’+ ninmi Teyta Jehovä.
‘Qamkunawanmi këkä,+ ninmi angelkunata mandaq Teyta Jehovä. 5 Egiptupita+ yarqëkäyämuptiki qamkunata äninqäta* yarpäyë. Kanampis podernïwanmi qamkunata pushëkä,*+ tsëmi imatapis mantsayänëkitsu’”.+
6 Angelkunata mandaq Teyta Jehovämi këta nin: ‘Ichikllachönam ciëlukunata, patsata, lamarta y tsaki patsata yapë kuyutsishaq’.+
7 ‘Mëtsë nacionkunata kuyutsiptïmi, tsë nacionkunapita väleq cösaskuna kë wayiman yëkayämunqa,+ tsënömi kë wayita shumaqta tikratsishaq’,+ ninmi angelkunata mandaq Teyta Jehovä.
8 ‘Plätapis y örupis noqapam’ ninmi angelkunata mandaq Teyta Jehovä.
9 ‘Kë wayiqa punta kanqampitapis mas shumaqmi kanqa’+ ninmi angelkunata mandaq Teyta Jehovä.
‘Kë sitiuchömi yamë kayänëkita permitishaq’+ ninmi angelkunata mandaq Teyta Jehovä.
10 Gobernaq Darïu ishkë watanöna gobernëkaptinmi, isqun killa veinticuatru junaq, willakoqnin Ageuta+ Teyta Jehovä kënö parlaparqan: 11 “Angelkunata mandaq Teyta Jehovämi nin: ‘Mandakunqä leykunachö kë asuntupaq ima ninqanta sacerdötikunata tapuy:+ 12 “Pï nunapis Teyta Diospa rikënimpaq limpiu ëtsata röpanchö apëkaptin, tsë röpanta, tantata, guïsuta, vïnuta, aceitita o ima mikuytapis topaptinqa, ¿tsë topanqan kaqkuna Teyta Diospa rikënimpaq limpiuku tikran?”’”.
Tsënam sacerdötikunaqa, “¡manam!” niyarqan.
13 Tsëmi Ageuqa tapurqan: “Pï nunapis ayata* yatanqampita Teyta Diospa rikënimpaq mana limpiu këkar, tsë mikuykunata yataptinqa, ¿tsë yatanqankuna mana limpiutsuraq tikranqa?”.
Tsënam sacerdötikunaqa, “awmi, mana limpium tikranqa” niyarqan.+
14 Tsënam Ageuqa nirqan: “‘Tsënömi kë nacionchö nunakuna y llapan rurayanqampis rikënïpaq këkäyan. Llapan apayämunqanmi rikënïpaq limpiutsu këkan’ ninmi Teyta Jehovä.
15 ‘Kanampitaqa këman alli pensayë: ¿imanötan vïdëkikuna karqan Teyta Jehoväpa wayinta yapë manaraq rurayaptiki?+ 16 Pï nunapis murukunqampita veinti säcusta cosechëta munëkarmi chunka säcusllata cosechaq. Y üvasta jarurnin cincuenta järra vïnu yarqunanta munëkaptimpis veinti järrallam yarqoq.+ 17 Achachaq vientuwan, runtu tamyawan y imëka qeshyakunawan+ murukuynikikunata ushakätsiptïpis, qamkunaqa manam noqaman kutiyämurqëkitsu’ ninmi Teyta Jehovä.
18 ‘Kanampita ima pasakunqankunaman alli pensayë. Awmi, isqun killa veinticuatru junaq Teyta Jehoväpa templumpa cimientunta churayanqampita,+ kanan junaqyaq pasakunqankunaman alli pensayë. 19 ¿Gränu churakuyänëkichö muruyänëkipaq muruykikuna kanraqku?+ ¿Üvas, hïgus, granäda y olïvus plantëkikunapis manam wayunraqtsu, aw? Tsënö kaptimpis, kanampitaqa imëkawanmi bendiciyashqëki’”.+
20 Isqun killa veinticuatru junaqmi, willakoqnin Ageuta Teyta Jehovä yapë parlapar+ kënö nirqan: 21 “Judächö gobernador Zorobabelta këta nï: ‘Ciëlukunata y patsatam kuyutsishaq.+ 22 Nacionkunachö gobernaqkunata y tsë nacionkunapa puëdeq këninkunatam ushakätsishaq.+ Tsënöllam guërrapaq carrëtankunata y manejaqninkunatapis ushakätsishaq. Cawallunkunapis wanuyanqam o wañuyanqam y montaraqninkunapis kikinkunapuram espädankunawan ushakätsinakuyanqa’”.+
23 “‘Sealtielpa+ tsurin Zorobabel,+ tsë junaqqa munanqäta ruranëkipaqmi qayatsishqëki, ninmi angelkunata mandaq Teyta Jehovä. Qamqa noqa Jehoväpa sirwimaqnïmi kanki, y qamta akrashqa karmi sellakuna sortijanö kanëkita permitishaq’ ninmi angelkunata mandaq Teyta Jehovä”.