Isaïas
49 Islakunachö këkaq,
y mas karu nacionchö këkaq nunakuna wiyayämë.+
Manaraq yuriptïmi noqataqa Teyta Jehovä qayamarqan,+
y mamäpa pachanllachöraq këkaptïmi jutïta parlarqan.
2 Parlanqäkuna alli afilashqa espädanö kanantam permitirqan,
y makinwanmi imëkapita tsapäman.+
Alli fïlu flëchamanmi tikratsimarqan,
y flëcha churakunanchömi següru katsiman.
3 Kënömi nimarqan: “Israel nunakuna, qamkunam sirwimaqnïkuna kayanki.+
Qamkunawanmi alläpa puëdeq kanqäta rikätsikushaq”.+
4 Noqanam nirqä: “Mana kaqllapaqku alläpa trabajarqö,
mana kaqllapaqku kallpäta usharqö.
5 Teyta Jehoväqa mamäpa pachanllachöraq këkaptïmi sirweqnin kanäpaq akramarqan,
y kananqa Israel nunakuna pëwan juntakäyänampaqmi+
Jacobpa kastankunata kutitsimunäpaq nimashqa.
Noqaqa Teyta Jehoväpa rikëninchömi alabashqa kashaq,
y Teyta Diosmi kallpä cuenta kanqa”.
6 Pënam nimarqan: “Qamtaqa akrarqoq Jacobpa kastankunata sharkatsinëkipaq
y Israelpita kawëkar quedaq nunakunata kutitsimunëkipaqmi.
Tsënöllam patsapa mas karu kuchunchö+
nunakuna salvashqa kayänampaqpis
nacionkunachö nunakunapaq aktsinö kanëkipaq akrarqoq”.+
7 Despreciayanqan kaqta, mëtsë nacion nunakuna melanäyanqanta,+
y gobernaqkunapa sirweqnintam Israelpa Limpiu Diosnin+
y Yapë Ranteqnin Teyta Jehovä këta nin: “Teyta Jehovä confiakuypaq+ kanqampita
y Israelpa Limpiu Diosnin akrashunqëkipitam gobernaqkunapis sharkuyanqa*
y dirigeqkunapis respetayäshurniki puntëkiman qonqurikuyanqa”.+
8 Teyta Jehovämi këta nin:
“Alli tiempuchömi qamta contestarqaq,+
salvacion tiempuchömi qamta yanaparqaq,+
y imëkapita cuidarmi sïguirqä.+
Tsëtaqa rurarqä, nunakunapaq acuerdunö kanëkipaq, patsata altsanëkipaq,*
pëkunata tsunyaq këkaq herenciankunaman kutitsinëkipaq,+
9 prësu këkaqkunata ‘¡yarqayämuy!’+ ninëkipaq,
y ampichö o tsakëchö*+ këkaqkunata ‘¡rikäyänaqpaq yarqayämuy!’ ninëkipaqmi.
Nänikuna kuchunchömi mikuyänampaq tariyanqa,
y puriräyänan näni kuchunchöpis* mëtsika qewam kanqa.
11 Llapan jirkäkunatam näniman tikratsishaq,
y reqishqa nänikunapis parejashqam kayanqa.+
12 ¡Rikäyë! Karu sitiupitam nunakuna shamuykäyan.+
¡Rikäyë! Norti lädupita y inti o rupay jeqanan lädupitam nunakuna shamuykäyan.
Tsënöllam Sinim nacionpitapis nunakuna shamuykäyan”.+
13 Ciëluchö kaqkuna kushikur büllayë, y imëkata wayur patsa kushikuy.+
Tsënölla jirkakunapis kushikur büllayë.+
14 Peru Sionpita nunakunaqa imëpis kënömi niyaq:
“Teyta Jehoväqa dejaramarquntsikmi,+ Teyta Jehoväqa qonqëkamarquntsikmi”.+
15 ¿Pï warmipis llullunta qonqëkunmantsuraq?
¿O pachanchö apanqan wamranta manatsuraq llakipanman?*
Tsë warmikuna wawankunata qonqëkuyaptimpis noqaqa manam imëpis qamkunata qonqayashqëkitsu.+
16 ¡Rikäyë! Maki paltämanmi jutikikunata qellqarqö,
y murällëkikunaqa imëpis rikënïchömi këkäyan.
17 Tsurikikunaqa rasmi o sasmi kutikäyämun,
y markëkikunata juchutseqkuna* y ushakätseqkunaqa manam qamkunawannatsu këkäyan.
18 Wakpa këpa alli rikachakuy.
Llapankuna juntakëkurmi qamman shamuykäyan.+
Teyta Jehovämi këta nin:
“Noqa rasumpa kawanqänöllam,
llapan tsurikikuna qampaq adornunö kayanqa.
Pëkunawanmi adornashqa novianö kanki.
Y ushakätsiyäshoqnikikunaqa+ qamkunapita karuchömi kayanqa.+
20 Punta wamrëkikuna wanuyashqanchöna yureq wamrëkikunapis kënömi niyäshunki:
‘Kë sitiuqa manam tinkunnatsu tsëchö kawayänäpaq,
sitiükuna ashïkamuy, tsëchö kawayänäpaq’.+
21 Y shonquykichömi kënö ninki:
‘Noqaqa wamrakunatam oqrarqö, qolloqmi kä,
juk markamanmi apashqa karqö y tsëchömi prësu karqö.
Tsëqa, ¿pipa wamrankunatataq kanan chaskikä?
¿Pitan pëkunata wätashqa?+
¡Rikë! Noqaqa japallämi quedakurqä.+
Tsëqa, ¿mëpitataq pëkunaqa yuriyämushqa?’”.+
22 Llapanta Gobernaq Teyta Jehovämi këta nin:
“¡Rikäyë! Mëtsë nacionpita nunakunata castiganäpaqmi makïta pallarkushaq,*
y mëtsë markakunapita nunakunapaqmi señalta churashaq.+
Ollqu wamrëkikunatam mellqarkur apayämunqa,
y warmi wamrëkikunatam hombrurkur apayämunqa.+
23 Gobernaqkunam cuidayäshunki,+
y warmi tsurinkunam sirwishoqnikikuna kayanqa.
Urkunkunapis patsaman chanqanyaqmi
puntëkikunaman qonqurikayämunqa,+ y jaruyanqëki allpatam laqwayanqa.+
Tsënömi musyanki noqa Teyta Jehovä kanqäta.
Noqaman confiakoqkunaqa, manam imëpis penqakuychö ushayanqatsu”.+
24 Alli pelyëta yachaq puëdeq soldädu prësu apëkanqan nunakunata, ¿pillapis salvëta puëdinmantsuraq?
O wakinkunapita provechakoq nuna prësu apëkanqan nunakunata, ¿pillapis salvëta puëdinmantsuraq?
25 Teyta Jehovämi këta nin:
“Pelyëta yachaq puëdeq soldädukuna
prësu apayanqan nunakunapis, salvashqam kayanqa+
y jukkunapita provechakoq nuna prësu apanqan nunakunapis, salvashqam kayanqa.+
Contrëki kaqkunapa contranmi kashaq, y tsurikikunatam salvashaq.+
26 Noqa permitiptïmi sufritsiyäshoqnikikunaqa kikinkunapa cuerpunkunata mikuyanqa,
y mishkeq vïnuta upuyanqannömi kikinkunapa yawarninta machayanqanyaq upuyanqa.