Zacarïas

2 Tsëpitanam medina cordelnin aptashqa ëwëkaq nunata rikarqä.+ 2 Tsëmi “¿mëtataq ëwëkanki?” nir tapurqä.

Pënam, “Jerusalen markapa largun y anchun ëka kanqanta mideqmi ëwëkä” nimarqan.+

3 Tsënam noqawan parlëkaq angelqa ëwakurqan, y juk angelmi pëwan tinkoq shamurqan. 4 Tinkuskirnam nirqan: “Cörripa ëwar taqë jövinta kënö nï: ‘“Mëtsika nunakuna y animalkuna kayaptinmi,+ Jerusalenchöqa mana murallashqa markachönö kawayanqa.+ 5 Pëkunapaqmi ninapita murällanö kashaq+ y chipapäkur-ran pëkunachö këkäshaq” ninmi Teyta Jehovä’”.+

6 Teyta Jehoväqa kënömi nin: “Mëtsëman* apashqa kayänëkitam permitirqö”.+

Teyta Jehoväqa kënöpis ninmi: “¡Shayämuy! ¡Shayämuy! Norti läduchö nacionpita qeshpir ëwakayämuy”.+

7 “¡Ëwakayämuy Sionpita nunakuna! Babiloniachö+ këkäyanqëkipita qeshpir ëwakayämuy. 8 Alläpa väleqpaq churashqa karirmi, angelkunata mandaq Teyta Jehoväqa imëkëkikunata quedatsikoq nacionkunaman mandamarqan,+ y Teyta Diosqa kënömi nin: ‘Qamkunata yatayäshoqnikikunaqa nawi nïñätam* yatëkäyämun.+ 9 Tsëmi imëkata rurar pëkunapa contran churakäshaq, y esclävunkunam imëkankunata apakuyanqa’.+ Tsënömi musyayanki angelkunata mandaq Teyta Jehovä mandamashqa kanqanta.

10 Noqaqa chëkämünam,+ y qamkunawanmi kashaq.+ Tsëmi Sionpita+ nunakuna alläpa kushikuyë” ninmi Teyta Jehovä. 11 Pëqa kënöpis ninmi: “Tsë junaqqa, mëtsika nacionkunam noqa Jehoväman qaqäyämunqa+ y sirwimaqnïkunam kayanqa. Y noqaqa pëkunawanmi këkäshaq”. Tsënömi musyayanki angelkunata mandaq Teyta Jehovä qamkunaman mandamashqa kanqanta. 12 Teyta Jehoväqa sagrädu sitiuchömi Judächö nunakunapa yapë duëñun tikranqa, y Jerusalenchö nunakunatam yapë akranqa.+ 13 Teyta Jehoväqa këkanqan sagrädu sitiupitam imëkata rurëkan. Llapan nunakuna pëpa puntanchö upälla kayätsun.