2 Crönicas
16 Treinta y seis watapa Asä gobernëkaptinmi,+ Israelchö gobernaq Baasäqa+ Judäman yëkuyänanta mana munar y Judäpita yarquyänanta mana munar Ramä markata+ seguratsir qallëkurqan. 2 Tsënam gobernanti Asäqa Teyta Jehoväpa templunchö+ y palaciu wayichö quedaq pläta metalta y öruta, Siria nacionpa gobernantin Ben-Hadadman+ apatsirqan. Pëqa Damascu markachömi täkurqan.* Kënömi Ben-Hadadta nirqan: 3 “Papänïwan papäniki yanapanakuyänampaq acuerduta rurayanqannöllam noqantsikpis acuerduta rurarqantsik. Tsëmi pläta metalta y öruta qampaq apëkätsimü. Kananqa ëwakunampaq Israelpa gobernaqnin Baasäwan ruranqëki acuerduta amana cumplinatsu”.
4 Asä ninqanta cäsurmi, Ben-Hadadqa soldädunkunapa mandaqninkunata nirqan Israelchö Ijon+ markata, Dan+ markata, Abel-Bet-Maacä markata y Neftalïchö+ këkaq churakuyänan markakunata atacayänampaq. 5 Tsëta musyarirmi Baasäqa, Ramä markata segurëkätsinqanta dejarir kutikurqan. 6 Tsënam gobernanti Asäqa, Judäpita llapan nunakunata qayatsirqan. Tsëpitanam Ramä+ markata seguratsinampaq Baasä utilizanqan qerukunata y rumikunata+ apëkur, Guëba+ markata y Mizpä+ markata seguratsirqan.
7 Tsënam Dios munanqanta entiendeq Hananïqa+ Judäta ëwar gobernanti Asäta kënö nirqan: “¿Imanirtan Jehovä Diosman confiakunëkipa rantin Siria nacionpa gobernantinman confiakurqunki? Tsëta ruranqëkipitam kananqa Siria gobernantipa soldädunkunata vencinkinatsu.+ 8 ¿Manaku yarpanki etïopi y libiu soldädukunaqa mëtsikaq kayanqanta? ¿Y carrëtankunawan y cawallunkuna montashqa soldädunkunawan atacayäshunëkipaq shayämunqanta? Qamqa Jehovämanmi confiakurqëki, tsëmi vencinëkipaq yanapashurqëki.+ 9 Jehovä Diosqa entëru Patsamanmi rikëkan,+ y llapan shonqunkunawan sirwiyaptinqa yanapanmi.+ Peru kananqa upanömi llutanta rurarqunki, tsëmi kanampita witsëpaqa guërrallachö kanki”.+
10 Tsënö niptinmi, Asäqa cölerarnin Dios munanqanta entiendeq Hananïta carcelaratsirqan.* Y wakin markakunachö nunakunatapis sufritsirmi qallëkurqan. 11 Gobernanti Asä llapan ruranqankunapitaqa qallanampita ushananyaqmi Judächö y Israelchö Gobernaqkunapaq Willakoq Libru masllata willakun.+
12 Treinta y nuëvi watapa gobernëkarnam Asäqa chaki nanëwan qeshyarqan. Tsënö qeshyëkarnimpis manam Teyta Jehovämanqa confiakurqantsu, sinöqa doctorkunamanmi. 13 Tsëpitanam Asäqa cuarenta+ y ünu watapa gobernëkar wanukurqan. 14 Wanuriptinnam balsamu aceitita y pukutaq o mushkoq wakin aceitikunata camïllaman winarkur ayata churayarqan+ y kikin Asä ruratsinqan shumaq sepultüranmanmi David Marka+ niyanqanman pampayarqan. Y atska yantata qotuykurmi wanukoqpa o wañukoqpa jutinchö ninata tsaritsiyarqan.