1 Juan
1 Qallanampita kawaq* kaqpita, wiyayanqäpita, nawïkunawan rikäyanqäpita, kananyaq rikëkäyanqäpita y makïkunawan yatayanqä kawëman chätsikoq palabrapitam.+ 2 Awmi, Teytapita shamoq imëyaqpis kawëpitam musyayarqö+ y alli entiendiyarqö, y tsë kawëpitam qamkunatapis musyëkätsiyaq y willëkäyaq.+ 3 Awmi, qamkunapis noqakunawan juknölla kayänëkipaqmi,* rikäyanqäta y wiyayanqäta qamkunatapis willëkäyaq.+ Y noqantsikqa Teytawan y Tsurin Jesucristuwanmi juknölla këkantsik.+ 4 Llapan shonquntsikwan kushikunapaqmi, tsëkunapaq qamkunaman qellqëkäyämü.
5 Këtam pëpita wiyayarqä, y tsëtam qamkunatapis willëkäyaq: Diosqa aktsim+ y pëchöqa* manam ima ampipis o tsakëpis* kantsu. 6 “Pëwanmi juknölla këkantsik” nikar, ampichöraq o tsakëchöraq* purikarqa, kikintsiktam engañakuykantsik, y manam rasumpa kaqta yachakunqantsiknötsu kawëkantsik.+ 7 Tsënö kaptimpis, pëpis aktsichö këkanqannö aktsichö purirqa, juknintsik juknintsikmi juknölla këkantsik, y Tsurin Jesuspa yawarninmi llapan jutsantsikpita* limpiamantsik.+
8 “Manam jutsantsik* kantsu” nirqa, kikintsiktam engañakuykantsik, y manam alli kaq yachatsikuykuna shonquntsikchötsu këkan.+ 9 Peru jutsantsikkunata* willakushqaqa, confiakuypaq y allita ruraq karmi Teyta Dios perdonamäshun y mana allikunata ruranqantsikpita limpiamäshun.+ 10 “Manam jutsata* rurarquntsiktsu” nirqa, ulikoq o llullakoq kanqantam nikantsik, y manam ninqankunaman creikantsiktsu.