Hebrëus
2 Tsëmi ni imëpis llutampa apashqa mana kanapaq,+ wiyanqantsikkunaman imëpitapis mas alli pensanantsik.+ 2 Angelkuna willakuyanqan rasumpa kashqa kaptinqa,+ y llapan mana allita ruraqkuna y mana cäsukuyanqanrëkur rasun kaqchö castigashqa kayaptinqa,+ 3 ¿imanöraq tsë castïgupita salvakushun alläpa väleq salvacionta mana kaqpaq churarqa?+ Señornintsikmi puntataqa willakur qallarqan,+ y tsëta wiyaqkunam rasumpa kanqanta willakuyarqan. 4 Tsënöllam Teyta Diospis señalkunawan, alläpa espantëpaqkunawan,+ imëka milagrukunawan y munëninmannö santu espïrituta utilizar tsëta musyatsikurqan.+
5 Pëqa manam angelkunatatsu churashqa, noqantsik willakunqantsik shamoq+ patsata* gobernayänampaq. 6 Tsënö kaptimpis, juk kutim juk testïgu kënö nirqan: “¿Imanatan nunakunaqa kayan pëkunapaq alläpa yarpachakunëkipaq? Nunapa tsurinkunaqa, ¿imanatan kayan pëkunata cuidanëkipaq?+ 7 Nunataqa manam angelkunapita mas puëdeqtatsu kamarqëki, peru respetayänampaqmi gobernantitanö coronatsirqëki. Llapan kamanqëkikunata mandanampaqmi churarqunki, 8 tsënöllam llapan imëkatapis cargunman* churarqunki”.+ Llapan imëkata pëpa cargunman churarqa,+ Teyta Diosqa llapan imëkatam pëpa cargunchö dejashqa.+ Tsënö kaptimpis, kananqa manam rikantsikraqtsu llapampis pëpa poderninchöna këkaqtaqa.+ 9 Peru angelkunapita ichik mënusman churashqa Jesustam,+ wanunqanyaq o wañunqanyaq sufrishqa kanqampita puëdeq këta chaskishqata+ y respetashqa këkaqta rikantsik,+ awmi, Teyta Dios alläpa alli kaptinmi pëqa llapantsikpaq wanurqan.
10 Teyta Dios munaptinmi llapan imëkapis kan, awmi, pë permitiptinmi kan. Tsëmi mëtsika tsurikuna puëdeq këman chäyänampaqqa,+ pëkunata salvacionman chätseq Pushakoqraq+ sufrimientukunapa pasanan karqan.+ 11 Tsëmi limpiuyëkätseq y limpiuyätsishqa këkaqkunapis,+ llapankuna jukllëllapita kayan,+ tsërëkurmi pëqa wawqinkuna kayanqanta nita penqakuntsu,+ 12 kënö nirnin: “Jutikipitam wawqïkunata willashaq; creikoqkunachömi* cancionwan alabashqëki”.+ 13 Kënöpis ninmi: “Pëmanmi imëpis confiakushaq”.+ Yapëmi kënö nin: “¡Rikäyë! Noqawan Teyta Jehovä* permitiptin kapamanqan tsurïkuna”.+
14 Tsëmi “tsurikuna” yawaryoq y ëtsayoq kayaptin, pëpis yawaryoq y ëtsayoq këman charqan,+ tsënöpa wanuyman o wañuyman chätsikuyta puëdeqta, juk parlakuychöqa Diabluta,+ wanunqanwan mana kaqman tikratsinampaq,+ 15 y wanuyta o wañuyta mantsar llapan vïdankunachö esclävu cuenta kashqakunata salvanampaq.+ 16 Rasumpa kaqchöqa, manam angelkunata yanapaqtsu shamurqan, sinöqa Abrahanpa kastankunata yanapaqmi.+ 17 Tsëmi pëqa llapanchö “wawqinkunanö” igual kanan karqan,+ tsënöpa Diosta sirwinqanchö llakipäkoq* y confiakuypaq mandakoq sacerdöti kanampaq. Tsëta rurarmi nunakunapa jutsankunarëkur*+ wanur o wañur Dioswan amishtatsikoq qarënö karqan.+ 18 Kikimpis imëka pruëbakunachö sufrishqa karmi,+ imëka pruëbakunapa pasëkaqkunata yanapëta puëdin.+