JOSUË

1 Jehovä Diospa sirweqnin Moises wanuriptinmi, Jehoväqa Nunpa tsurin Josuëta* parlaparqan.+ Josuëqa karqan Moisespa yanapaqninmi,*+ pëtam kënö nirqan: 2 “Sirwimaqnï Moisesqa wanukushqanam.+ Kananqa, Jordan mayuta* israelïtakunawan tsimpayänëkipaq alistakuy, y entreganäpaq kaq markakunaman pëkunata yëkatsi.+ 3 Moisesta äninqänöllam, llapan yëkuyanqëki markakunaqa qamkunapaq kanqa.+ 4 Markëkikunaqa tsunyaq sitiupita Lïbanuyaq y Eufratis jatun mayuyaqmi* kanqa, tsëqa hitïta nunakuna+ kawayanqan llapan markakunam. Y Jatun lamaryaqmi* kanqa.*+ 5 Kawanqëkiyaqqa contrëki llapan churakaqkunatam vencinki.+ Imanömi Moisesta yanaparqä, tsënöllam qamtapis yanapashqëki.+ Manam imëpis qonqashqëkitsu ni dejashqëkitsu.+ 6 Qammi kë nunakunata yanapanki unë awilunkunata äninqä markakunata chaskiyänampaq.+ Tsëmi valienti kanëki y manam mantsapakunëkitsu.+

7 Valientim kanëki y manam mantsapakunëkitsu, y sirwimaqnï Moises mandashunqëki Leytam wiyakunëki. Llapan Ley ninqantam cäsukunëki,+ tsëmi yanapashunki mëta ëwarnimpis, imatapis alli pensëkur ruranëkipaq.+ 8 Kë libruchö qellqarëkaq Leypitam imëpis parlanëki.+ Kë librutam paqasta junaqta leyinëki y leyinqëkimanmi pensanëki.+ Tsëmi yanapashunki kë libruchö llapan qellqarëkaqkunata cäsukunëkipaq. Tsënöpam ima ruranqëkipis alli yarqapushunki, y alli pensëkurmi imatapis ruranki.+ 9 ¡Noqam mandëkaq valienti kanëkipaq y mana mantsapakunëkipaq! Noqa Jehovä Diosnikiqa, mëta ëwaptikipis qamwanmi këkäshaq, tsëmi imatapis mantsanëkitsu”.+

10 Tsëpitanam Josuëqa mandakoqkunata kënö nirqan: 11 “Campamentuchö këkaq llapan nunakunata kënö niyë: ‘Jehovä Diosnintsik entregamänapaq kaq markakunaman yëkunapaq y duëñun tikranapaqmi, kanampita kima junaqllatana Jordan mayuta* tsimpashun. Tsëmi imëkëkikunata alistayänëki’”.+

12 Rubenpa kastankunata, Gadpa kastankunata y Manasespa pullan kastankunatanam Josuëqa kënö nirqan: 13 “Jehoväpa sirweqnin Moises niyäshunqëkita yarpäyë. Pëqa kënömi mandayäshurqëki:+ ‘Jehovä Diosnintsikmi kë markakunata entregayäshurqunki këchö alli kawakuyänëkipaq. 14 Warmikikuna, wamrëkikuna y animalnikikunaqa Jordan mayupa* kë tsimpanchömi,*+ Moises entregayäshunqëki markakunachö quedakuyanqa. Peru qamkunaqa, pelyapaq valienti nunakunaqa,+ wakin kastëkikunapa puntankunatam guërrapaq listullana tsimpayänëki.+ Pëkunatam yanapayänëki 15 alli kawakuyänampaq qamkunatanölla Jehovä yanapanqanyaq, y Jehovä Diosnintsik entreganampaq kaq markakunata chaskiyanqanyaq. Tsëpitanam Jordan mayupa* kë tsimpanman* kutikayämunki, Jehoväpa sirweqnin Moises entregayäshunqëki markakunaman, tsëchö imëyaqpis kawakuyänëkipaq’”.+

16 Tsënam pëkunaqa Josuëta kënö niyarqan: “Llapan niyämanqëkitam rurayäshaq, y mëpa mandayämaptikipis ëwayäshaqmi.+ 17 Imanömi Moisesta llapanchö cäsukuyarqä, tsënöllam qamtapis cäsuyashqëki. Moisesta yanapanqannölla qamtapis Jehovä Diosnintsik yanapëkushuy.+ 18 Pï nunapis mandakunqëkipa contran churakar y ninqëkita mana cäsukurqa, wanunanmi o wañunanmi.+ Qamqa, valientim kanëki y manam mantsapakunëkitsu”.+

2 Tsënam Nunpa tsurin Josuëqa, Sitim sitiupita+ ishkë rikapakoqkunata mandarqan. Kënömi nirqan: “Ëwar markakunata rikapakarayämuy y masqa Jericö markata”. Tsënam pëkunaqa ëwayarqan, y qellëpaqrëkur jukwan jukwan kakoq* Rahab+ jutiyoq warmipa wayinmanmi chäyarqan y tsëchömi quedakuyarqan. 2 Tsënam Jericöchö gobernaqta kënö nir willayarqan: “Kanan paqasmi israelïtakuna markantsikkunata rikapakoq shayämushqa”. 3 Tsënö niyaptinmi Jericöpa gobernantinqa soldädunkunata mandarqan Rahabta kënö niyänampaq: “Wayikiman chämoq nunakunaqa markantsikta rikapakoqmi shayämushqa. Tsëmi jinan höra qarqamunëki”.

4 Rahabnam ishkan rikapakoqkunata pakëkur, soldädukunata kënö nirqan: “Awmi, tsë nunakunaqa wayïman chäyämurqanmi, peru manam musyarqätsu mëpita kayanqanta. 5 Tardiyäriptinmi, markapa punkunta manaraq wichqayaptin ëwakuyarqan. Y manam musyätsu mëpa ëwakuyanqanta, jinan höra qatiparninqa taripäyankim”. 6 (Rasumpa kaqchöqa, rikapakoqkunataqa wayimpa altusninman apëkurmi lïnupa tullunkuna qoturëkaqman pakëkushqa karqan). 7 Tsënam soldädukunaqa Jordan mayu* kaqpa qatipar ëwayarqan, y mayuta tsimpayänan sitiukunachömi ashiyarqan.+ Y soldädukuna yarquriyaptinllam markapa punkunta wichqayarqan.

8 Tsëpitanam rikapakoqkuna manaraq punukäyaptin, Rahabqa wayimpa altusninman witsarqan. 9 Y pëkunatam kënö nirqan: “Noqaqa musyämi kë markakunata Jehovä entregayäshunëkipaq kaqta.+ Qamkuna shamunqëkita musyarmi, llapäkunapis alläpa mantsakashqa këkäyä.+ Kë markachö nunakunaqa, manam ni imanö këtapis puëdiyannatsu.+ 10 Wiyayarqömi Egiptupita yarqayämuptiki, tsaki patsapa pasayänëkipaq Puka lamarta Jehovä rakirinqanta.*+ Tsënöllam wiyayarqö, amorreukunapa gobernaqninkuna Sehonta+ y Ogta,+ Jordan mayupa* wak tsimpanchö* wanutsiyanqëkitapis. 11 Tsëta musyëkurmi alläpa mantsakäyarqä. Jehovä Diosnikikunaqa, ciëluchö y Patsachöpis alläpa puëdeq Diosmi. Manam pillapis valurantsu qamkunawan pelyëta.+

12 Kananqa Jehovä Diospa jutinchö änïkalläyämë, qamkunata llakipanqänölla,* qamkunapis papänïpa familianta llakipëkuyänëkipaq. Tsëta següru kanäpaqmi juk señalta munä. 13 Papänïta, mamänïta, turïkunata, nanäkunata o ñañäkunata y pëkunapa familiankunata salvëkulläyë, ama mëqätapis wanutsiyämëtsu”.+

14 Tsënam rikapakoqkunaqa kënö niyarqan: “Imata ruraq shayämunqäta mana willakuyaptiki y kë markata Jehovä entregayämaptinqa, äniyanqaqta cumpliyäshaqmi y llakipäyashqëkim.* ¡Qamkunapaqqa, wanurpis wanuyäshaqmi!”. 15 Tsëpitam Rahabqa tsë rikapakoqkunata juk waskata alistapurqan, y tsë waskawanmi ventänapa bajayarqan. Rahabpa wayinqa tsë markata corralaraq perqachömi karqan, pëqa tsë wayipa altusninchömi täkurqan.*+ 16 Tsëpitanam kënö nirqan: “Jirkakunapa ëwakuyë y kima junaq tsëchö quedakuyë, tsënöpa ashiyäshoqniki soldädukuna mana tariyäshunëkipaq. Pëkuna kutirayämuptinnam, qamkunapis ëwakuyanki”.

17 Tsënam rikapakoqkunaqa kënö niyarqan: “Noqakunaqa rasumpam äniyanqaqta cumpliyäshaq. Tsëpaqqa,+ 18 kë markaman yëkarayämuptïmi, kë bajatsiyämanqëki puka waskata ventänëkiman warkunëki.* Y papänikita, mamänikita, turikikunata, nanëkikunata o ñañëkikunata y papänikipa llapan familiantam kë wayikiman pushamunëki.+ 19 Kë wayikipita pillapis yarquptinqa, manam noqakunatsu wanunqampita o wañuqampita culpayoq kayäshaq, sinöqa kikimpa culpanmi kanqa. Culpayoqqa kayäshaq kë wayichö këkar wanuptinllam. 20 Peru imapaq shayämunqäta willakuptikiqa,+ manam äniyanqaqta cumpliyäshaqtsu”. 21 Tsënam Rahabqa, “qamkuna niyanqëkinö kallätsun” nirqan.

Tsëpitanam Rahabqa pëkunapita despidikurqan y puka waskatam ventänanman warkurqan. 22 Tsënam rikapakoqkunaqa jirkakunata ëwakuyarqan. Tsëchömi kima junaq quedakuyarqan, asheqnin soldädukuna kutikuyanqanyaq. Tsë soldädukunaqa mëtsëpa ashirnimpis manam tariyarqantsu. 23 Tsë ishkan rikapakoqkunaqa jirkapita uräramurmi Jordan mayuta* tsimpayarqan. Y Nunpa tsurin Josuëtam llapan pasakunqanta willayarqan. 24 Y kënömi Josuëta niyarqan: “Jehovä Diosqa rasumpam llapan markakunata entregamarquntsik.+ Tsë markachö nunakunaqa noqantsik shamunqantsikta musyarmi, mantsakarnin ni imanö këtapis puëdiyannatsu”.+

3 Tsënam Josuëwan llapan israelïtakunaqa* patsapis manaraq waraptin sharkuyarqan, y Sitim sitiupita+ yarqurninmi Jordan mayuman* chäyarqan. Peru manaraq tsimparmi tsë paqasqa tsëllachö quedakuyarqan.

2 Tsëpita kima junaqtam mandakoqkunaqa,+ entëru campamentuchö 3 llapan israelïtakunata kënö niyarqan: “Levïpa kastan sacerdötikuna Jehovä Diosnintsikpa Sagrädu Cäjanta apëkäyanqanta rikarqa,+ qepantam ëwayänëki. 4 Manam alläpaqa witiyänëkitsu, sinöqa mil metruspanö* karu qepanllatam ëwayänëki, tsënöpam musyayanki më nänipa ëwayänëkipaq kaqta. Qamkunaqa manam imëpis tsë nänipa ëwayarqunkiraqtsu”.

5 Tsëpitanam Josuëqa llapan israelïtakunata kënö nirqan: “Alistakuyë,+ warëmi imëpis mana rikäyanqëkikunata qamkunapaq Jehovä Dios ruramunqa”.+

6 Tsënam Josuëqa sacerdötikunata nirqan: “Sagrädu Cäjata+ hombrurkur llapankunapa puntanta ëwayë”. Tsënam pëkunaqa, Sagrädu Cäjata hombrurkur puntata ëwar qallëkuyarqan.

7 Jehovä Diosqa Josuëtam nirqan: “Kananmi rikätsikushaq Moisesta yanapanqänölla+ qamtapis yanapëkanqaqta.+ Tsënöpam kanampitaqa llapan israelïtakuna respetayäshunki.+ 8 Sagrädu Cäjata apaq sacerdötikunatam mandanëki, Jordan mayupa* kuchunman chärir tsëchö shëkar* quedakuyänampaq”.+

9 Tsënam Josuëqa israelïtakunata nirqan: “Shamur wiyayë Jehovä Diosnintsik nimanqanta”. 10 Tsëpitanam Josuëqa nirqan: “Kananmi cläru rikäyanki rasumpa kawaq Teyta Dios yanapëkäyäshunqëkita,+ y pëmi ushakätsinqa cananeu, hitïta, heveu, perizïta, guirgaseu, amorreu y jebuseu nunakunata.+ 11 ¡Alkäbulla kayanki! Entëru Patsachö gobernaq Diosnintsikpa Sagrädu Cäjanmi, qamkunapa puntëkikunata Jordan mayuman* yëkunqa. 12 Kananqa, Israelchö kastakunapita döci ollqukunata akrayë, jukta cada kastapita.+ 13 Y entëru Patsata kamaq Jehovä Diospa Sagrädu Cäjanta apaq sacerdötikunapa chakinkuna Jordan mayu yakuman yëkuriptinllam, janapita shamoq yakuqa tsapakärinqa y qochakar qallëkunqa”.+

14 Tsënam israelïtakunaqa, Jordan mayupa* tsimpanchö quedakuyanqan sitiupita yarqur qallëkuyarqan, y puntankunatam Sagrädu Cäjata apaq sacerdötikuna ëwayarqan.+ 15 Y Sagrädu Cäjata apaq sacerdötikuna Jordan mayuman* chëkur yakuman yëkuriyaptinllam (cosëcha witsanqa Jordan mayuqa alläpam miran),+ 16 janapita shamoq yakuqa tsapakärirqan. Y Zaretan markapa amänuchö këkaq Adan markayaqmi qochakar kutirqan. Arabä qochaman o Kachi qochaman uraq yakunam ëwarëkarlla ushakärirqan. Yaku qochakashqa quedariptinnam, llapankuna Jericö markapa frentinman tsimpayarqan. 17 Jehoväpa Sagrädu Cäjanta apaq sacerdötikunaqa, llapan israelïtakuna Jordan mayuta tsaki patsapa tsimpayanqanyaqmi,+ mayupa* chowpinchö* tsaki patsachö shëkar* quedariyarqan.+

4 Llapan israelïtakuna Jordan mayuta* tsimpariyaptinllam, Jehovä Diosqa Josuëta kënö nirqan: 2 “Döci ollqukunata akrë, cada kastapita jukta,+ 3 y mandë Jordan mayu* chowpinchö* sacerdötikuna shäräyanqan* sitiupita döci rumikunata ashiyänampaq+ y kanan paqas quedakuyänëki sitiuman apëkur churayänampaq”.+

4 Tsënam Josuëqa, döci akrashqa ollqukunata, cada kastapita jukta qayarqan. 5 Tsëpitanam Josuëqa kënö mandarqan: “Jordan mayupa* chowpinman* ëwayë y Jehovä Diospa Sagrädu Cäjampa puntampita, israelïtakuna ëka kasta kayanqanta cuentaman churëkur, cada ünu hombrurkur juk rumita apayämuy. 6 Tsë rumikunaqa qamkunapaqmi juk señal kanqa. Warë warätin wamrëkikuna, ‘¿imanirtan kë rumikunaqa këchö perqarëkäyan?’+ nir tapuyäshuptikiqa, 7 kënömi niyänëki: ‘Kë perqarëkaq rumikunaqa, Diosnintsik ruranqanta llapan israelïtakuna imëpis yarpäyänampaqmi.+ Jehoväpa Sagrädu Cäjanta sacerdötikuna Jordan mayuta* tsimpatsiyaptinmi, Jordan mayuqa tsapakar qochakärirqan’”.+

8 Tsënam tsë akrashqa ollqukunaqa Josuë ninqannölla rurayarqan. Josuëta Jehovä Dios mandanqannöllam Jordan mayu* chowpinta* ëwayarqan y döci rumikunata ashiyarqan, cada rumim Israelchö juk kastata rikätsikurqan. Tsëpitanam tsë paqas quedakuyänan sitiuman apëkur churayarqan.

9 Josuëqa, Sagrädu Cäjata apaq sacerdötikuna shäräyanqan* sitiumanmi,+ Jordan mayupa* chowpinman,* döci rumikunata perqarqan. Y tsë rumikunaqa kananyaqmi tsëchö këkäyan.

10 Sagrädu Cäjata apaq sacerdötikunaqa, Josuëta Jehovä Dios mandanqannöllam Jordan mayupa* chowpinchö* shëkar* quedayarqan, israelïtakuna llapanta rurar ushayanqanyaq. Tsënölla rurayänampaqmi Moisespis Josuëta mandashqa karqan. Tsëyaqmi israelïtakunaqa Jordan mayuta tsimpayarqan. 11 Israelïtakuna tsimpariyaptinnam, Jehoväpa Sagrädu Cäjanta apaq sacerdötikunapis llapankuna rikarëkäyaptin mayuta* tsimpayarqan.+ 12 Rubenpa kastankuna, Gadpa kastankuna y Manasespa pullan kastankunapis, Moises mandanqannöllam+ wakin israelïtakunapa puntankunata guërrapaq+ listullana Jordan mayuta* tsimpayarqan. 13 Jericö markapa tsunyaq pampankunamanmi, Jehoväpa Sagrädu Cäjampa puntanta guërrapaq listullana cuarenta milnö soldädukuna tsimpayarqan.

14 Tsë junaqmi Teyata Jehoväqa llapan israelïtakunata cläru rikätsirqan Josuëta yanapëkanqanta.+ Y israelïtakunaqa, Moisesta respetayanqannöllam Josuëtapis wanukunqanyaq respetayarqan.+

15 Tsëpitanam Jehovä Diosqa Josuëta nirqan: 16 “Sagrädu Cäjata apaq sacerdötikunata+ ni, Jordan mayupita* yarqayämunampaq”. 17 Tsënam Josuëqa sacerdötikunata, “Jordan mayupita* yarqayämuy” nirqan. 18 Y Jehoväpa Sagrädu Cäjanta apaq+ sacerdötikuna Jordan mayupita* yarqur tsaki patsaman chäriyaptinllam, Jordan mayuqa mashtakar-raq yapë ëwar qallëkurqan.+

19 Israelïtakunaqa diez de Abib* junaqmi Jordanpita witsäyarqan. Jericöpa amänun* Guilgal+ markachömi campamentunkuna armayarqan.

20 Jordan mayupita* apayanqan döci rumikunataqa, Guilgal+ markachömi Josuëqa perqarqan. 21 Tsëpitanam israelïtakunata kënö nirqan: “Warë warätin wamrëkikuna, ‘¿imanirtan kë rumikunaqa këchö perqarëkäyan?’ nir tapuyäshuptikiqa,+ 22 kënömi wamrëkikunata niyänëki: ‘Israelïtakunam Jordan mayuta* tsaki patsapa tsimpayämurqan.+ 23 Jehovä Diosnintsikmi israelïtakuna tsimpayanqanyaq Jordan mayuta* qochakätsirqan. Tsënöllam Teyta Jehoväqa Puka lamartapis rakirqan* noqakuna pasayanqäyaq.+ 24 Tsëtaqa Teyta Jehovä rurarqan, alläpa poderösu kanqanta entëru Patsachö nunakuna musyayänampaq+ y qamkunapis Jehovä Diosnintsikta imëpis respetayänëkipaqmi’”.

5 Lamar lädunmampa kawaq cananeu nunakunapa+ gobernantinkuna y Jordan mayupa* lädunmampa* kawaq amorreu nunakunapa+ gobernantinkunam, israelïtakuna tsimpayänampaq Jordan mayuta Jehovä Dios qochakätsishqa kanqanta musyariyarqan. Tsëta musyëkurmi alläpa mantsakäyarqan+ y manam valorninkunapis karqannatsu israelïtakunawan pelyayänampaq.+

2 Tsëpitanam Jehovä Diosqa Josuëta nirqan: “Pedernal rumipita cuchillukunata rurë,+ ollqukunata penqëninkunachö yapë señalatsinëkipaq”.* 3 Tsënam Josuëqa pedernal rumipita cuchillukunata rurarqan. Tsëpitanam Guibeat-Haaralot* sitiuchö ollqukunata penqëninkunachö señalatsirqan.+ 4 Tsëtaqa Josuë rurarqan Egiptupita yarqamoq guërrapaq akrashqa llapan ollqukuna, tsunyaq jirkachö wanur o wañur ushakäyashqa kayaptinmi.+ 5 Egiptupita yarqoq ollqukunaqa, penqëninkunachö señalakushqam kayarqan. Peru tsunyaq jirkakunachöna yurikoq kaqkunaqa, manam señalakushqatsu kayarqan. 6 Israelïtakunaqa, Egiptupita yarqoq guërrapaq akrashqakuna wanur ushakäyanqanyaqmi cuarenta watapa tsunyaq jirkakunachö puriyarqan.+ Pëkunaqa manam Jehovä Diosta cäsuyarqantsu,+ tsëmi mana cäsukuyanqampita Teyta Jehoväqa nirqan, lichipis, mielpis mëtsika kanqan+ markakunaman mana yëkuyänampaq kaqta.+ Unë awilunkunatam Teyta Jehovä änirqan tsë sitiutaqa cäsukoqkunata entreganampaq.+ 7 Tsë mana cäsukoq nunakunapa rantinmi tsurinkunana kayarqan.+ Tsë tsurinkunataqa, viäjichö mana señalakushqa kayaptinmi penqëninkunachö Josuë señalatsirqan.

8 Ollqu kaqkunata penqëninkunachö señalariyaptinqa, llapan israelïtakunam pëkuna alliyäyanqanyaq campamentuchö quedakuyarqan.

9 Tsëpitanam Jehovä Diosqa Josuëta nirqan: “Kanampitam egipciu nunakuna penqapäyäshunqëkita ushakätsirqö”.* Tsëmi tsë sitiutaqa Guilgal*+ nir kananyaqpis reqiyan.

10 Israelïtakunaqa Jericö markapa tsunyaq pampankunachö këkaq Guilgal sitiuchömi quedakuyarqan. Tsëchömi killapa catorci junaqninchö+ tardipëpa Pascua Fiestata celebrayarqan. 11 Pascua Fiestata celebrayanqampita waränin junaqnam, chakrakuna wayunqantana mikur qallëkuyarqan. Tsë junaqmi levadürannaq tantata+ y ankashqa gränukunata mikuyarqan. 12 Chakrakuna wayunqanta israelïtakuna mikur qallayanqan junaqpitam, manä mikuyqa shikwamurqannatsu.+ Manä mikuy manana shikwamuptimpis, tsë wataqa Canaan markakunachö chakrakuna wayunqantanam mikuyarqan.+

13 Jericö markapa amänunchö këkarmi, Josuëqa juk nunata rikarqan+ espädan aptashqa shëkaqta.*+ Tsënam Josuëqa witïkur kënö tapurqan: “¿Noqakunapa favornïkunaku o chikimaqnïkunapa favorninku këkanki?”. 14 Pënam, “manam, noqaqa Jehovä Diospa soldädunkunapa mandaqnin karmi* shamurqö”+ nirqan. Tsënam Josuëqa urkumpis patsaman chanqanyaq qonqurikurir, “teytallë, ¿ima nillämaqtan shamurqunki?” nirqan. 15 Tsënam Jehovä Diospa soldädunkunapa mandaqninqa Josuëta nirqan: “Sagrädu sitiuchömi këkanki, llanqikita chakikipita jipi”. Tsënam Josuëqa llanqinta jipikurqan.+

6 Israelïtakuna mana yëkuyänampaqmi, Jericö markaqa alli segurashqa karqan. Tsëmi ni pï yëkoqtsu ni pï yarqoqtsu.+

2 Tsëpitanam Jehovä Diosqa Josuëta kënö nirqan: “Jericö markata, gobernantinta y guërrapaq valienti soldädunkunata ushakätsinëkipaqmi qamta entregarqoq.+ 3 Llapëki valienti soldädukunam, marka waqtampa juk kuti tumayänëki. Tsëtaqa joqta junaqpam rurayänëki. 4 Qanchis sacerdötikunam carnërupa waqrankunata aptashqa, Sagrädu Cäjapa puntanta ëwayänan. Y qanchis kaq junaqqa, qanchis kutim tsë marka waqtampa tumayänëki y sacerdötikunam carnërupa waqranta tocayänan.+ 5 Carnërupa waqranta tocayanqanta* wiyaskirmi, llapan soldädukuna guërrachö këkaqnö fuertipa büllayänan. Tsëmi Jericö markapa murällankuna ishkirinqa+ y këkäyanqan lädupam llapan soldädukuna markaman yëkuyänan”.

6 Tsënam Nunpa tsurin Josuëqa, sacerdötikunata qayëkatsir nirqan: “Jehovä Diospa Sagrädu Cäjanta+ hombrurkur apayë, y carnërupa waqrankunata aptashqa qanchis sacerdötikuna Sagrädu Cäjapa puntata ëwayätsun”. 7 Tsëpitanam soldädukunata nirqan: “Ëwar marka waqtampa tumayämuy y armayoq wakin soldädukunaqa,+ Teyta Jehoväpa Sagrädu Cäjampa puntanta ëwayë”. 8 Josuë ninqannöllam qanchis sacerdötikunaqa, Jehoväpa Sagrädu Cäjampa puntanta, carnërupa waqrankunata tocarëkar ëwayarqan, y qepankunatanam Teyta Jehoväpa Sagrädu Cäjanta apayarqan. 9 Armayoq wakin soldädukunaqa, carnërupa waqrankunata mana pärëpa tocaq sacerdötikunapa puntantam ëwayarqan y wakin soldädukunanam Sagrädu Cäjapa qepanta ëwayarqan.

10 Josuëqa kënö nirmi soldädukunata mandashqa karqan: “Ama qapariyankitsu,* ama imatapis parlayankitsu ni büllayankitsu, ‘¡qapariyë!’ niyanqaqyaq, tsëran fuertipa qapariyänëki”. 11 Tsënam Josuë mandakuptin, Jehovä Diospa Sagrädu Cäjanta Jericö marka waqtampa juk kuti tumatsiyämurqan. Tsëpitanam campamentuman kutikuyarqan y tsëchömi waräyarqan.

12 Waränin junaqnam, Josuëqa patsa manaraq waraptin shärikurqan y sacerdötikunam Jehovä Diospa Sagrädu Cäjanta+ hombrurkuyarqan. 13 Tsënam carnërupa waqranta mana pärëpa tocaq qanchis sacerdötikuna, Jehoväpa Sagrädu Cäjampa puntanta ëwar qallëkuyarqan. Tsë sacerdötikunapa puntantam, armayoq wakin soldädukuna ëwayarqan y wakinnam Teyta Jehoväpa Sagrädu Cäjan qepanta ëwayarqan. 14 Tsë junaqpis Jericö marka waqtampam tumayarqan, y tsëpitanam campamentuman kutikuyarqan. Tsënöllam joqta junaqpa rurayarqan.+

15 Qanchis kaq junaqpis patsa waräriptinllam shärikuyarqan y tsë marka waqtampam qanchis kuti tumayarqan. Tsë junaqllam marka waqtampaqa qanchis kuti tumayarqan.+ 16 Qanchis kutipa tumar ushariyaptinnam, sacerdötikuna carnërupa waqrankunata toquëkäyaptin, soldädukunata Josuë kënö nirqan: “¡Qapariyë,+ Jehovä Diosmi ushakätsiyänëkipaq kë markata entregayäshurqunki! 17 Kë markata y tsëchö llapan tariyanqëkitam ushakätsiyänëki;+ llapampis Jehovä Diospam. Peru qellëpaqrëkur jukwan jukwan kakoq* Rahabta,+ y wayinchö këkaqkunataqa manam wanutsiyänëkitsu. Pëqa rikapakoq shamoqkunatam wayinchö pakarqan.+ 18 Y ushakätsinapaq nimanqantsik cösaskunataqa ama rikapäyankitsu,+ tsënöpa munapar mana quedatsikuyänëkipaq.+ Tsëta rurarqa, ushakëman y imëka mana allikunamanmi llapan israelïtakunata chätsiyanki.+ 19 Peru pläta metal, öru, y cobripita y fiërrupita rurashqa cösaskunaqa, Jehovä Diospaqmi kanan.+ Teyta Jehoväpa väleq cösasninkuna këkanqan wayimanmi apayänëki”.+

20 Tsëpitanam, carnërupa waqranta toquëkäyanqanta wiyaskir, soldädukunaqa fuertipa qapariyarqan.+ Tsë höram Jericö markapa murällan ishkirirqan.+ Tsëpitanam soldädukunaqa, këkäyanqan lädupa yëkur markata duëñu tukuriyarqan. 21 Tsë markachö llapankunatam espädawan ushakätsiyarqan: ollqukunata, warmikunata, jövinkunata y edäyashqakunata, tsënöllam törukunata, üshakunata y ashnukunatapis ushakätsiyarqan.+

22 Tsëpitanam Josuëqa ishkan rikapakoqkunata kënö nirqan: “Qellëpaqrëkur jukwan jukwan kakoq* warmipa wayinta ëwëkur, äniyanqëkinö pëta, familiankunata y sirweqninkunata pushayämuy”.+ 23 Tsënam ishkan rikapakoq jövinkunaqa, Rahabpa wayinta ëwër pëta, papäninta, mamäninta, turinkunata, llapan familiankunata+ y sirweqninkunata pushayämurqan. Awmi, llapan familiantam pushayämurqan y juk següru sitiumanmi apayarqan. Tsë sitiuqa israelïtakuna këkäyanqan campamentupa amänunchömi karqan.

24 Tsëpitanam tsë markaman y tsëchö tariyanqan llapan cösaskunaman ninata prendïkuyarqan. Peru pläta metalta, öruta, y cobripita y fiërrupita rurashqa cösaskunataqa, Teyta Jehoväpa väleq cösasninkunata churayänan wayimanmi apayarqan.+ 25 Y qellëpaqrëkur jukwan jukwan kakoq* Rahabta, familiankunata, sirweqninkunata y papänimpa familiantaqa, manam Josuë wanutsirqantsu;+ kananyaqmi Rahabqa Israelchö kawakun.+ Pëqa Jericö markaman Josuë mandanqan rikapakoqkunatam pakarqan.+

26 Tsë kutichömi Josuëqa kënö cläru parlarqan:* “Jehovä Diospa jutinchömi këta nï: Jericö markata sharkatseq nunaqa, maldicishqam kanqa. Kë markapa cimientunta churanqan höram mayor wamran wanunqa o wañunqa, y kë markapa punkunta churanqan höram, ultimu wamrampis wanunqa”.+

27 Tsënömi Jehovä Diosqa Josuëta yanaparqan+ y mëtsëchömi pëpita musyariyarqan.+

7 Tsënö kaptimpis, israelïtakunaqa manam ushakätsiyänampaq kaq cösaskunapaq Teyta Dios mandakunqanta cäsukuyarqantsu. Acanmi+ tsë ushakätsiyänampaq kaq cösaskunata juk ishkëta kikimpaq apakurqan.+ Tsëmi Jehovä Diosqa israelïtakunawan alläpa cölerarqan.+ Acanqa Carmïpa tsurinmi karqan, Carmïnam Zabdïpa tsurin karqan, Zabdïnam Zërahpa tsurin karqan, y Zërahqa Judäpa kastampitam karqan.

2 Tsëpitanam Josuëqa Jericöpita Hai markaman+ rikapakoqkunata mandarqan. Hai markaqa Bet-Även markapa amänunchö y Betel markapa lädunchömi* karqan.+ Tsë rikapakoqkunatam, “witsarnin Hai markata y chakrakunata rikapakayämuy” nirqan. Tsënam rikapakoqkunaqa, witsarnin Hai markata rikapakuyarqan. 3 Tsëpita kutirnam Josuëta kënö niyarqan: “Manam llapan soldädukunaraqtsu witsäyänan. Hai markachö nunakunaqa wallkaqllam kayan, dos mil o tres mil soldädukunallam ushakäratsiyanqa. Ama envänuqa llapan soldädukunata mandëtsu”.

4 Tsëmi tres milnö soldädukuna witsäyarqan, peru Hai markapita nunakuna yarqarayämuptinmi mantsakar qeshpir ëwakuyarqan.+ 5 Hai nunakunaqa treinta y seis israelïta soldädukunatam wanutsiyarqan. Y markankuna punkupita hasta Sebarim* sitiuyaqmi qatipayarqan. Tsë urëchömi israelïtakunata wanutsiyarqan. Tsëmi israelïtakunaqa alläpa mantsakäyarqan y valorninkunapis manam karqannatsu.

6 Tsëta rikëkurmi Josuëqa llakikur röpanta rachirqan, y Teyta Jehoväpa Sagrädu Cäjan puntanmanmi patsamampis urkun chanqanyaq qonqurikurqan. Y tardiyanqanyaqmi Israelchö dirigentikunawan qonquriräyarqan y peqankunamampis o umankunamampis allpata jicharmi kayarqan. 7 Josuëqa kënömi nirqan: “¡Llapanta Gobernaq Teytallä Jehovä! Amorreu nunakuna ushakätsiyämänan këkaptinqa, ¿imapaqraq Jordan mayutapis* tsimpatsiyämar këyaq pushayämarqëki? ¡Mejorqa Jordan mayupa wak tsimpanchö* quedakuyäman karqan! 8 Perdonëkamë Teyta Jehovä, israelïtakuna chikeqninkunapita qeshpir ëwakushqa kayaptinmi ima nitapis puëdïtsu. 9 Cananeu nunakuna y wakin markakunachö nunakuna tsëta musyaskirqa, wakpa këpa shamuykurchi ushakätsiyämanqa.* Qamqa, ¿imataraq ruranki alläpa respetashqa jutikita defendinëkipaq?”.+

10 Tsënam Jehovä Diosqa Josuëta kënö nirqan: “¿Imanirtan patsamampis urkuyki chanqanyaq qonqurikushqa këkanki? ¡Shäri! 11 Israelïtakunam jutsata* rurayashqa. Pëkunaqa manam unë ruranqä acuerduta cumpliyashqatsu.+ Ushakätsiyänampaq ninqä cösaskunatam juk ishkëta apakuyashqa.+ Awmi, suwëkurmi+ cösasninkunatawan juntu pakarëkätsiyan.+ 12 Tsëmi israelïtakunaqa ushakäyänampaq condenakäriyashqa, tsëmi chikeqninkunata vencita puëdiyanqatsu. Tsëpa rantinqa chikeqninkunapitam qeshpir ëwakuyanqa. Manam qamkunata yapë yanapayashqëkitsu, tsë jutsa* ruraq nunata mana wanutsiyaptikiqa.+ 13 ¡Shäri! Israelïtakunata warëpaq alistakuyänampaq+ kënö nï: ‘Warëpaq alistakuyë, Israelpa Diosnin Jehovämi kënö nin: “Israel nunakuna, jutsata* rurashqa nunam qamkunawan juntu këkan. Tsë nunata mana wanutsirqa, manam chikeqnikikunata vencita puëdiyankitsu. 14 Tempränullam cada kasta shayämunëki. Y noqa Jehovä akranqä kastapitam+ mas atska kaq familiakuna shayämunan. Noqa Jehovä akranqä mas atska kaq familiakunapitanam, mas wallka kaq familiakuna shayämunan. Noqa Jehovä akranqä mas wallka kaq familiakunapitanam llapan ollqukuna shayämunan. 15 Y ushakänampaq cösaskunata katseq nunataqa, wanuykatsirmi ninawan rupatsiyänëki,+ tsë nunata y llapan kapunqankunata. Tsë nunaqa, Israelwan noqa Jehovä ruranqan acuerdutam cumplishqatsu+ y Israelchömi penqakuypaq rurëta rurashqa”’”.

16 Waränin junaqnam, Josuëqa patsa waräriptinlla shärikuskir llapan israelïtakunata cada kastapa qayatsirqan, y Judäpa kastankunam akrashqa kayarqan. 17 Tsëpitanam Judäpa kastankunapita llapan familiakunata qayatsirqan, y zerahïta familiakunam+ akrashqa kayarqan. Tsëpitanam zerahïta familiapita cada ollquta qayatsirqan, y Zabdïmi akrashqa karirqan. 18 Tsëpitanam Zabdïpa familiampita cada ollquta qayatsirqan y Acanmi akrashqa karqan. Acanqa Carmïpa tsurinmi karqan, Carmïnam Zabdïpa tsurin karqan, Zabdïnam Zërahpa tsurin karqan, y Zërahqa Judäpa kastampitam karqan.+ 19 Tsëpitanam Josuëqa Acanta kënö nirqan: “Hïju, Israelpa Diosnin Jehoväpa autoridäninta respetë y jutsallakunqëkita* willë. Llapan ruranqëkita willëkamë, ama wakin wakinllataqa”.

20 Tsënam Acanqa Josuëta kënö nirqan: “Awmi, noqam Israelpa Diosnin Jehoväpa contran jutsallakurqö,* y ruranqäta willarishqëki: 21 cösaskuna këkanqanchömi rikarqä Sinar*+ markachö rurashqa mas alli kaq* träjita, ishkë kïlu pullan* lasaq pläta metalta y mediu kïlu* mas lasaq juk bärra öruta. Kuyarninmi apakurqö. Kanan höraqa carpächömi* pamparëkan y pläta metalwan öruqa mas rurinchömi këkan”.

22 Tsënam Josuëqa Acanpa carpanman* ëwayänampaq nunakunata mandarqan, y pëkunaqa jinan höram ëwayarqan. Tsëchömi tsë shumaq träjita tariyarqan, y mas rurinchönam pläta metaltawan örutapis tariyarqan. 23 Y jinan höram, Josuëman y israelïtakunaman apayarqan, y Jehovä Diospa rikëninman churayarqan. 24 Tsëpitanam Josuëwan israelïtakunaqa, Zërahpa familian Acanta,+ apanqan pläta metalta, shumaq träjita, öru bärrata,+ ollqu wamrankunata, warmi wamrankunata, törunta, ashnunta, üshankunata, carpanta* y llapan kapunqanta aparkur Acor sitiuman*+ witsäyarqan. 25 Tsëchömi Josuëqa Acanta kënö nirqan: “¿Imanirtaq kë desgraciaman chätsiyämarqunki?+ Kananmi Jehovä Diosqa qamtapis desgraciaman chätsishunki”. Tsënam llapan israelïtakuna rumiwan* wanutsiyarqan o wañutsiyarqan,+ tsëpitanam ninawan rupatsiyarqan.+ Llapankunatam rumiwan wanutsiyarqan. 26 Tsëpitanam atska rumikunata jananman qotuyarqan, y tsë rumikunaqa kananyaqmi tsëchö qoturëkan. Tsëta rurariyaptinran Jehovä Diospa cöleranqa pasarirqan.+ Tsëmi tsë sitiutaqa Acor* sitiu* nir kananyaqpis reqiyan.

8 Tsëpitanam Jehovä Diosqa Josuëta kënö nirqan: “Valientim kanëki y manam mantsapakunëkitsu.+ Llapan soldädukunata pusharkur Hai markaman witsë. Hai markata, gobernaqninta, tsëchö kawaqkunata y llapan chakrankunatam qamta entregarqoq.+ 2 Jericö markata y gobernaqninta ushakätsinqëkinömi, Hai markata y gobernaqnintapis ushakätsinëki.+ Kë kutichömi sïqa cösasninkunata y animalninkunatapis apakuyta puëdiyanki. Kananqa markapa qepanman churakäyänampaq wakin soldädukunata mandë”.

3 Tsënam Josuëwan llapan soldädukunaqa, Hai markaman witsäyarqan guërrata rurayänampaq. Josuëqa treinta mil valienti soldädukunatam akrarqan y paqaspa ëwayänampaqmi nirqan. 4 Kënö nirmi mandarqan: “Ëwarnin markapa qepanman churakäyë. Ama alläpa karumanqa churakäyankitsu y markata ushakätsiyänëkipaqmi listullana këkäyänëki. 5 Noqakunanam marka frentimpa shayämushaq. Puntatanölla noqakunaman shayämuptinqa,+ qeshpirmi ëwakuyäshaq. 6 Y qatipayämaptinqa, masmi qeshpir ëwakuyäshaq markankunapita karuyaq yarqayämunqanyaq. Tsëmi, ‘puntatanöllam noqantsikpita qeshpir ëwakuykäyan’+ nir pensayanqa. 7 Jehovä Diosnintsikmi ushakätsiyänëkipaq tsë markata entregayäshunki. Tsëmi markapa qepanchö këkäyanqëkipita jinan höra markaman yëkuyänëki. 8 Tsë markaman yëkuskirqa tsë höram ninata prendïkuyänëki.+ Jehovä Dios ninqannömi llapanta rurayänëki. Noqam tsëta rurayänëkipaq mandëkäyaq”.

9 Tsëpitanam Josuëqa soldädukunata witsäyänampaq mandarqan, y pëkunaqa ëwarmi Hai markapa qepanman* churakäyarqan, Betel marka këkanqan läduman. Josuëwan wakin soldädukunaqa këkäyanqanllachömi tsë paqas quedakuyarqan.

10 Waränin junaqnam, patsa waräriptinlla shärikurir Josuëqa soldädukunata qayatsirqan, tsëpitanam Israelchö dirigentikunawan Hai markaman pushayarqan. 11 Llapan soldädukunawanmi+ witsäyarqan y Hai markapa frentinmanmi churakäyarqan.* Juk jatun pampam pëkunata y Hai markata rakirqan. 12 Peru tsëpaqqa, Hai markapa qepanman* churakäyänampaqmi+ Josuëqa cincu mil soldädukunata mandashqana karqan, y tsëpam Betel markapis+ karqan. 13 Tsënömi Josuëqa wakin soldädukunata tsë markapa qepanman* churakäyänampaq mandarqan.+ Pëwan këkaq soldädukunaqa markapa juk kaq lädunmampam* campamentunkuna rurayarqan.+ Tsë paqasqa pampapa* pullanninyaqmi ëwayarqan.

14 Tsëta rikëkurmi Hai markachö gobernaqqa, patsa waräriptinlla soldädunkunawan yarqamurqan, y pampaman ëwaq nänichömi israelïtakunawan pelyarqan. Peru manam musyarqantsu wakin israelïta soldädukuna markampa qepanchö këkäyanqantaqa. 15 Hai soldädukuna pëkunawan pelyar qallëkuyaptinmi, Josuëwan soldädunkunaqa tsunyaq sitiuman ëwaq nänipa qeshpir ëwakuyarqan.+ 16 Tsënam Hai markachö nunakunaqa juntakäyarqan, Josuëta qatipar ëwayänampaq. Qatipar ëwarmi markankunapita karupäkuriyarqan. 17 Llapanmi israelïtakunata qatipar ëwayarqan, tsëmi Hai markachö y Betel markachöqa ni juk soldädullapis quedarqantsu. Markankunapa punkunkunatapis kicharëkaqtam dejariyarqan.

18 Tsëpitanam Jehovä Diosqa Josuëta nirqan: “Këkätsinqëki lanzawan* Hai markata apuntë,+ kananmi tsë markata entregashqëki y vencinkim”.+ Tsënam Josuëqa këkätsinqan lanzawan Hai markata apuntarqan. 19 Y lanzawan* apuntanqan höram, tsë markapa qepanchö këkaq soldädukunaqa, markaman jinan höra yëkurir ninata prendïkuyarqan.+

20 Hai soldädukuna rikäriyänampaqqa, entëru markankunam pasëpa* qoyëkarqan o qoshnïkarqan, tsëmi mëpa qeshpiyänampaqpis valorninkuna karqannatsu. Tsënam israelïtakunaqa tsunyaq sitiuman qeshpir ëwëkäyanqampita, qatipëkaq soldädukunawan pelyar qallëkuyarqan. 21 Awmi, marka qepanchö këkaq soldädukuna markaman yëkurishqa kayanqanta y entëru marka pasëpa* qoyëkanqanta o qoshnïkanqanta rikarmi, Josuëwan soldädunkunaqa, qeshpir ëwëkäyanqampita kutïkur Hai soldädukunawan pelyar qallëkuyarqan. 22 Hai markaman yëkushqa israelïta soldädukunapis pëkunata yanapaqmi yarqayämurqan, tsënöpam Hai soldädukunaqa chowpichö* quedariyarqan. Y israelïta soldädukunaqa llapankunatam wanuratsiyarqan y manam jukllëllatapis kawëkaqtaqa dejayarqantsu.+ 23 Hai markachö gobernaqtaqa kawëkaqtam prësuyarqan,+ tsëpitanam Josuëman apayarqan.

24 Tsunyaq sitiupa qatipaq Hai soldädukunata espädawan llapanta wanuratsirmi, israelïtakunaqa Hai markaman kutiyarqan. Tsëchö quedaqkunatam espädawan llapanta wanutsiyarqan. 25 Tsë junaqmi Hai markachö llapan ollqukunata y warmikunata wanutsiyarqan. Wanoqkunaqa döci milmi kayarqan. 26 Hai nunakunata llapanta ushakätsiyanqanyaqmi+ Josuëqa lanzanwan apuntararqan.+ 27 Israelïtakunaqa, Josuëta Jehovä Dios mandanqannömi Hai marka nunakunapa cösasninkunata y animalninkunata kikinkunapaq apakuyarqan.+

28 Tsëpitanam Josuëqa Hai markata ninawan ushakätsirqan, tsëmi rumillana qoturëkar quedarqan.+ Kananyaqpis tsënömi këkan. 29 Tsëpitanam Hai markapa gobernaqnimpa ayanta qeruman warkutsirqan, y tsëchömi tardiyanqanyaq katsirqan. Tardiyäriptinnam ayata bajatsiyänampaq mandakurqan.+ Tsëpitanam markapa punkunman jitëkur atska rumikunata jananman qotuyarqan. Tsë rumikunaqa kananyaqmi tsëchö qoturëkan.

30 Tsëpitanam Josuëqa, Israelpa Diosnin Jehoväpaq Ebal jirkachö+ juk altarta perqatsirqan. 31 Jehovä Diospa sirweqnin Moises israelïtakunata mandanqannö y Moises qellqanqan Leychö+ ninqannömi rurayarqan. Tsë Leychöqa, “entëru rumikunawanmi juk altarta ruranëki, y manam labrashqa rumikunata utilizänëkitsu”+ ninmi. Tsë altarchömi pishtashqa animalkunata y Dioswan amïgu kayanqanta rikätsikoq* qarëkunata Jehovä Diospaq rupatsiyarqan.+

32 Tsëpitanam Josuëqa, llapan israelïtakuna rikarëkäyaptin Moises qellqanqan Leyta+ tsë rumikunaman copiarqan.+ 33 (Jehoväpa sirweqnin Moises mandakushqa kanqannömi)+ Bendicishqa kayänampaq llapan israelïtakuna, tsëchö dirigentikuna, mandakoqkuna, juezkuna y forastërukunapis+ Jehovä Diospa Sagrädu Cäjampa ishkan lädunchö y Levïta sacerdötikunapa frentinchö këkäyarqan. Pullan kaq israelïtakunam Guerizim jirkapa chakinchö këkäyarqan y pullan kaq israelïtakunanam Ebal jirkapa+ chakinchö këkäyarqan. 34 Tsëpitanam Josuëqa Ley libruchö llapan ninqanta,+ bendicionkunapaq+ y maldicionkunapaq+ ninqantapis fuertipa leyirqan. 35 Llapan israelïtakuna wiyëkäyaptinmi, Josuëqa Moises llapan mandakunqanta fuertipa leyirqan.+ Tsëtaqa wiyayarqan warmikuna, wamrakuna y pëkunawan juntu+ këkaq forastërukunam.+

9 Jordan mayupa* inti o rupay jeqanan lädu+ jirkakunachö, Sefelächö, Jatun lamarpa*+ entëru kuchunchö y Lïbanu frentinchö kawaq gobernantinkunam, tsë llapan pasakunqankunata musyayarqan. Pëkunaqa hitïtakunapa, amorreukunapa, cananeukunapa, perizïtakunapa, heveukunapa y jebuseukunapa gobernantinkunam kayarqan.+ 2 Tsë llapan gobernantikunam juntakäyarqan, Josuëwan y israelïtakunawan guërrata rurayänampaq.+

3 Gabaon+ nunakunapis Jericö+ markatawan Hai+ markata Josuë ushakätsishqa kanqantam musyariyarqan. 4 Tsëmi pëkunaqa alli pensarir, makwa costalkunaman mirkapankuna winayarqan. Tsënöllam vïnutapis remendashqa makwa porongukunaman winayarqan. Tsë llapantam ashnunkunaman cargayarqan. 5 Y makwa y remendashqa llanqikunatam churakuyarqan y ratas röpakunatam vistikuyarqan. Alistayanqan tantapis chukrushqa y pakir ushakashqam karqan. 6 Tsëpitanam Josuëta ashirnin Guilgalchö+ campamentuman ëwayarqan. Chëkurnam Josuëta y Israelchö dirigeqkunata niyarqan: “Alläpa karu markapitam shayämurqö. Qamkunawanmi juk acuerduta rurëta munalläyä”. 7 Tsënam Israelchö dirigeqkunaqa heveukunata+ niyarqan: “¿Imanir-raq qamkunawan juk acuerduta rurayäman?+ Capazchi qamkunaqa kë amänullapita kayanki”. 8 Tsënam pëkunaqa Josuëta niyarqan: “Noqakunaqa sirweqnikikunam* kayä”.

Tsënam Josuëqa, “¿pikunatan kayanki y mëpitataq shayämurqunki?” nir tapurqan. 9 Tsënam pëkunaqa kënö niyarqan: “Diosnikikuna Jehoväpa jutimpaq parlayanqanta wiyarmi, alläpa karu markapita shayämurqö.+ Mëtsëchömi parlayan alläpa puëdeq kanqanta y Egiptuchö ruranqanta.+ 10 Y musyayarqömi, Hesbon markachö Sehon jutiyoq gobernantita+ y Astarot markapita Basanta mandakoq Og jutiyoq gobernantita+ imanö wanutsinqantapis. Pëkunaqa Jordan mayupa* wak tsimpanchö* kawaq amorreukunapa gobernantikunam kayarqan. 11 Tsëmi markäkunachö dirigentikuna y llapan marka mayïkuna mandayämarqan: ‘Viäjipaq mirkapëkikuna aparkur pëkuna kaqta ëwayë, y kënö niyë: “Sirweqnikikunam kayäshaq,+ juk acuerduta rurëkulläshun”’.+ 12 Wayïkunapita yarqayämunqä junaqqa kë tantakunaqa qoñuykarqanmi, y kananqa rikäyanqëkinöpis chukrushqa y pakir ushashqam këkan.+ 13 Kë qara porongukunapis vïnuta winayämunqä junaqqa mushoqmi karqan, y kananqa remendashqanam këkan.+ Alläpa karupita shayämushqa kayaptïmi, röpäkuna y llanqïkunapis makwayashqana”.

14 Tsënam Israelchö dirigeqkunaqa, tsë nunakunapa wakin cösasninkunata rikapar qallëkuyarqan, peru manam Jehovä Diostaqa tapuyarqantsu.+ 15 Tsëpitanam Josuëqa, tsë nunakunawan juk acuerduta rurarqan alli kawakuyänampaq+ y mana wanutsiyänampaq. Tsënöllam Israelchö dirigeqkunapis tsë acuerduta cumpliyänampaq äniyarqan.+

16 Peru acuerduta rurayanqampita kima junaqllatam musyariyarqan, tsë nunakuna vecïnunkunalla kayanqanta y amänunkunallachö kawayanqanta. 17 Tsënam israelïta ollqukunaqa tsë nunakunapa markankunaman ëwayarqan, y kima junaqtam chäyarqan. Tsë nunakunaqa Gabaon,+ Kefirä, Beerot y Quiryat-Jearim+ markakunapitam kayänaq. 18 Israelchö dirigeqkuna, Israelpa Diosnin Jehoväpa jutinchö pëkunata mana wanutsiyänampaq änishqa kayaptinmi,+ israelïta ollqukunaqa tsë nunakunata wanutsiyarqantsu. Tsëmi llapan israelïtakunaqa dirigeqkunapaq rimar qallëkuyarqan. 19 Tsënam Israelchö dirigeqkunaqa llapan israelïtakunata kënö niyarqan: “Israelpa Diosnin Jehoväpa jutinchömi mana wanutsiyänäpaq pëkunata äniyarqö, tsëmi wanutsita puëdintsiktsu. 20 Äniyanqäta mana cumpliyaptïqa Teyta Diosnintsikmi noqantsikwan cölerakunqa, tsëmi kawëkaqta dejanantsik”.+ 21 Dirigeqkunaqa kënöpis niyarqanmi: “Kawëkaqta dejarishun, peru pëkunaqa yantantsik ashimoq y yakuntsik ashtamoqmi kayanqa”. Tsëtam Israelchö dirigeqkunaqa decidiyarqan.

22 Tsënam Josuëqa tsë nunakunata qayëkatsir kënö nirqan: “¿Imanirtaq kë amänullapita këkarnin, ‘alläpa karu markapitam shayämurqö’ nir engañayämarqunki?+ 23 Tsëmi kanampita witsëpaqa, engañayämanqëkipita maldicishqa kayanki,+ y imëyaqpis esclävum kayanki. Diosnïpa wayimpaqmi yantata ashiyämunki y yakuta ashtayämunki”. 24 Tsënam pëkunaqa Josuëta kënö niyarqan: “Tsëtaqa rurayarqä wanutsiyämänëkita mantsarmi.+ Sirweqnin Moisesta Jehovä Diosniki mandanqantam willayämarqan. Pëtash mandanaq kë markakunata entregayäshunëkipaq y llapan nunakunata wanutsiyänëkipaq.+ 25 Kananqa makikichömi këkäyä, munanqëkinö imatapis rurëkayämë”. 26 Josuëqa niyanqannömi rurarqan. Tsëmi israelïtakunaqa wanutsiyarqannatsu. 27 Tsë junaqmi Josuëqa, Jehovä Diospa altarnimpaq y llapan israelïtakunapaq yantata ashiyänampaq y yakuta ashtayänampaq churarqan.+ Teyta Diospa* altarnin mëchöpis kanqanmanmi+ yantata y yakuta apayaq. Tsëtam kananyaqpis rurëkäyan.+

10 Jerusalen markachö gobernaq Adoni-Zëdecmi musyaskirqan Jericö markata y gobernaqninta+ ushakätsinqannölla, Hai markatawan gobernaqnintapis+ Josuë ushakätsishqa kanqanta. Tsënöllam musyaskirqan israelïtakunawan alli kawakuyänampaq, Gabaon markapita nunakuna juk acuerduta rurashqa kayanqanta+ y juntakäyanqanta, 2 tsëmi alläpa yarpachakurqan.+ Gabaon markaqa, gobernaqkuna mandakuyanqan markakunanömi jatun karqan, Hai markapitapis+ mas jatunmi karqan. Gabaon markachö ollqukunaqa, guërrachö pelyëta yachaqmi kayarqan. 3 Tsëmi Jerusalen markachö gobernaq Adoni-Zëdecqa, Hebron markachö+ gobernaq Hohamta, Jarmut markachö gobernaq Piramta, Lakis markachö gobernaq Jafïata y Eglon markachö+ gobernaq Debirta kënö nir qayatsirqan: 4 “Gabaon markapita nunakunaqa Josuëwan y israelïtakunawanmi alli kawakuyänampaq acuerduta rurayashqa. Tsëta rurayanqampita wanutsinapaq shamur yanapëkayämë”.+ 5 Tsënam Jerusalenchö, Hebronchö, Jarmutchö, Lakischö y Eglonchö amorreukunapa pitsqa gobernaqninkunaqa,+ llapan soldädunkunawan juntakëkur Gabaonchö nunakunaman guërrata ruraq ëwayarqan.

6 Tsënam Gabaon markachö ollqukunaqa, Josuëta kënö niyänampaq Guilgalchö+ campamentuman willakoqkunata mandayarqan: “Jirkakuna këkanqan läduchö amorreukunapa gobernaqninkunam wanutsiyämänampaq juntakäyashqa. ¡Jinan höra shamur salvëkayämë y yanapëkayämë! Sirwishoqnikikunam kayä, ama qonqëkalläyämëtsu”.+ 7 Tsënam Josuëqa llapan soldädunkunata y valienti nunakunata pusharkur Guilgalpita witsarqan.+

8 Tsënam Jehovä Diosqa Josuëta nirqan: “Ama pëkunata mantsëtsu,+ noqam ushakätsinëkipaq entregarqoq.+ Y manam mëqampis vencishunkitsu”.+ 9 Tsënam Josuëqa soldädunkunawan paqaspa Guilgalpita witsarqan, y illaqpita chëkurmi chikeqninkunawan pelyar qallëkurqan. 10 Teyta Jehovämi amorreu soldädukunata alläpa mantsakätsirqan, tsëmi israelïtakunata rikëkur mantsakäyarqan.+ Y israelïtakunaqa Gabaonchömi mëtsikaqta wanutsiyarqan o wañutsiyarqan. Qeshpir ëwaqkunatanam, Bet-Horon markaman witsaq nänipa qatipayarqan. Y Azecä y Maquedä markakunayaqmi wanutsir wanutsir chäyarqan. 11 Bet-Horon bajädapa israelïtakunapita qeshpir ëwëkäyaptinmi, Azecä marka kinrëyaq ruminö jatusaq runtukunata Jehovä Dios ciëlupita shikwatsimurqan, tsëwanmi amorreu nunakuna wanuyarqan. Espädawan atskaqta wanutsishqa kayaptimpis, runtuwanmi masqa wanuyarqan.

12 Israelïtakuna rikëkäyaptin amorreu nunakunata Jehovä Dios wanutsinqan junaqmi, Josuëqa Teyta Jehoväta mañakurnin israelïtakunapa puntanchö kënö nirqan:

“¡Inti o rupay, ama Gabaon marka+ janampita kuyukuytsu!+

¡Qampis killa, Ayalon pampa* jananllachö quedakuy!”.

13 Tsëmi intiqa o rupayqa këkanqanllachö quedakurqan y killapis manam kuyukurqantsu, hasta chikeqninkunata israelïtakuna wanutsir ushayanqanyaq. ¿Manaku Jasar libruchöpis tsënö nikan?+ Intiqa juk junaqpanömi këkanqanllachö quedakurqan, y manam jeqarqantsu. 14 Tsë junaqchö pasanqannöqa manam ni imëpis pasashqatsu, ni unëpis ni kanampis. Tsë junaqmi Jehovä Diosqa juk nuna mañakunqanta wiyarqan,+ y kikin Jehovämi israelïtakunata yanaparnin pelyëkarqan.+

15 Tsëpitanam Josuëqa israelïta soldädukunawan Guilgalchö campamentuman kutirqan.+

16 Tsëyaqmi amorreukunapa pitsqan gobernaqninkunaqa, qeshpirnin Maquedächö machëman yëkuyarqan.+ 17 Tsëpitanam Josuëta, “pitsqan gobernantikunatam Maquedä machëchö këkaqta* tariyashqa” nir willayarqan.+ 18 Tsënam Josuë nirqan: “Jatusaq rumikunawan machëpa punkunta tsaparkuyë, y täpayänampaq soldädukunata churayë. 19 Y wakinnikiqa chikimaqnintsikkunata qatipar ëwayë, y taripëkur wanutsiyë.+ Jehovä Diosnintsikmi ushakätsinapaq entregamarquntsik. Ama markankunaman yëkuyänanta dejayëtsu”.

20 Josuëwan soldädunkunaqa cäsi llapan chikeqninkunatam wanutsiyarqan, juk ishkëllam qeshpir ëwakuyarqan y alli murallashqa markakunaman yëkuyarqan. 21 Tsëpitanam llapan israelïta soldädukunaqa, Maquedächö campamentuman Josuë kaqta kutiyarqan, llapampis sänum këkäyarqan. Tsë junaqpitaqa, manam ni pï nunapis israelïtakunapa contran parlarqannatsu. 22 Tsëpitanam Josuëqa nirqan: “Machëpa punkunta kichëkur, tsëchö këkaq* pitsqan gobernantikunata këman apayämuy”. 23 Tsënam Jerusalen, Hebron, Jarmut, Lakis y Eglon markakunapa gobernaqninkunata+ machëchö këkaqta, Josuëman apayarqan. 24 Tsë gobernantikunata chäratsiyaptinnam, Josuëqa Israelchö llapan ollqukunata qayatsirqan y guërraman ëwaq soldädukunapa comandantinkunatam nirqan: “Shayämuy, kë gobernantikunapa matankankunaman chakikikunata churayë”. Tsënam pëkunaqa ëwëkurnin tsë gobernantikunapa matankankunaman chakinkunata churayarqan.+ 25 Tsëpitanam Josuëqa nirqan: “Ama mantsakäyëtsu.+ Valienti kayë y ama mantsakäyëtsu. Jehovä Diosqa wanutsiyänëkipaq kaq llapan chikiyäshoqnikikunatam tsënö ruranqa”.+

26 Tsëpitanam Josuëqa tsë gobernantikunata wanuratsir pitsqa qerukunaman warkutsirqan, tsëchömi tardiyanqanyaq katsirqan. 27 Y inti o rupay jeqanampaq këkaptinnam, Josuëqa mandakurqan tsë ayakunata qerupita bajatsiyänampaq+ y qeshpir yëkuyanqan machëman jitëkuyänampaq. Tsëpitanam jatusaq rumikunawan machëpa punkunta tsaparkuyarqan, tsë rumikunaqa kananyaqmi tsëchö këkan.

28 Tsë junaqmi Josuëqa Maquedä markaman yëkurqan+ y gobernantita y llapan nunakunata espädawan wanutsirqan. Manam jukllëllatapis kawëkaqtaqa dejarqantsu.+ Jericöchö gobernaqtanöllam, Maquedächö gobernaqtapis wanutsirqan.+

29 Tsëpitanam Josuëqa, israelïta soldädunkunawan Maquedäpita Libnä markaman ëwarqan, y tsë markachö nunakunawanmi guërrata rurarqan.+ 30 Tsë markata y gobernantintapis, Jehovä Diosqa israelïta soldädukunatam entregarqan.+ Tsë markatam ushakätsiyarqan, llapan nunakunatam espädawan wanutsiyarqan, manam ni jukllëllatapis kawëkaqtaqa dejayarqantsu. Awmi, Jericöchö gobernaqtanöllam, Libnä markachö gobernaqtapis wanutsiyarqan.+

31 Tsëpitanam Josuëqa, israelïta soldädunkunawan Libnäpita Lakis markaman ëwarqan.+ Tsëchö campamentuta rurëkurmi, tsë markachö nunakunawan guërrata rurarqan. 32 Y waränin junaqran Lakis markachö nuakunata venciyarqan. Jehovä Diosmi israelïta soldädukunata yanaparqan tsë markata ushakätsiyänampaq, tsëmi llapan nunakunata espädawan wanutsiyarqan.+ Libnä markatanöllam, Lakis markatapis ushakätsiyarqan.

33 Tsëta rikarnam Guëzer markapa+ gobernantin Horamqa, Lakis markaman yanapakoq witsarqan. Peru Josuëqa pëta y markanchö llapan nunakunatam wanutsirqan, manam ni jukllëllatapis kawëkaqtaqa dejarqantsu.

34 Tsëpitanam Josuëqa, israelïta soldädunkunawan Lakispita Eglon markaman+ ëwarqan. Tsëchö campamentuta rurëkurmi, tsë markachö nunakunawan guërrata rurarqan. 35 Tsë junaqllam Eglon markaman yëkuyarqan, y llapan nunakunatam espädawan wanutsiyarqan. Lakis markatanöllam, Eglon markatapis ushakätsiyarqan.+

36 Tsëpitanam Josuëqa, israelïta soldädunkunawan Eglonpita Hebron markaman+ witsarqan. Y tsë markachö nunakunawanmi guërrata rurarqan. 37 Yëkuskirmi tsë markata, gobernantinta, entërunchö markankunata y llapan nunakunata espädawan ushakätsiyarqan, manam ni jukllëllatapis kawëkaqtaqa dejayarqantsu. Eglon markatanöllam, Hebron markata y tsëchö llapan nunakunatapis ushakätsiyarqan.

38 Tsëpitanam Josuëqa, israelïta soldädunkunawan Debir+ markaman kutirqan. Y tsë markachö nunakunawanmi guërrata rurarqan. 39 Yëkuskirmi gobernantinta, llapan markankunata y llapan nunakunata espädawan ushakätsiyarqan,+ manam ni jukllëllatapis kawëkaqtaqa dejayarqantsu.+ Hebron markatawan Libnä markata y gobernantinta ushakätsiyanqannöllam, Debir markata y gobernantintapis ushakätsiyarqan.

40 Josuëqa jirkakuna këkanqan läduchö, Nëguebchö, Sefelächö+ y ladërakunachö llapan markakunata y llapan gobernantinkunatam ushakätsirqan, manam ni jukllëllatapis kawëkaqtaqa dejarqantsu.+ Awmi, Israelpa Diosnin Jehovä mandanqannömi Josuëqa llapan nunakunata wanutsirqan.+ 41 Josuëqa Cades-Barnëapita+ Gäzayaqmi+ markakunata ushakätsirqan. Y Gosenchö llapan markakunatam+ hasta Gabaonyaq+ ushakätsirqan. 42 Tsë kuti guërrata ruraq yarqunqanchöqa, israelïtakunata yanaparnin Israelpa Diosnin Jehovä pelyaptinmi, Josuëqa tsë llapan markakunata y gobernantinkunata ushakätsirqan.+ 43 Tsëpitanam Josuëqa israelïta soldädunkunawan, Guilgalchö+ campamentuman kutirqan.

11 Hazor markachö gobernaq Jabinmi, tsë llapan pasakunqanta musyaskirqan. Tsëmi willakoqkunata mandarqan Madon markachö gobernanti+ Jobabman, Simron markachö gobernantiman, Acsaf markachö gobernantiman,+ 2 jirkakunapa lädunkunachö* këkaq markakunachö gobernantikunaman, Kinëret lädun* pampakunachö* gobernantikunaman, Sefelächö gobernantikunaman, Dor markapa lädun* ladërakunachö+ gobernantikunaman, 3 inti o rupay yarqamunan y jeqanan läduchö cananeu nunakunaman,+ amorreu nunakunaman,+ hitïta nunakunaman, perizïta nunakunaman, jirkakuna lädunchö jebuseu nunakunaman y Hermon jirka+ chakinchö këkaq Mizpächö mandakoq heveu nunakunaman.+ 4 Tsënam pëkunaqa lamar kuchunchö arënanöraq yupëtapis mana puëdipaq mëtsika soldädunkunawan, mëtsika cawallunkunawan y guërrapaq carrëtankunawan ëwayarqan. 5 Tsë llapan gobernantikunam juntakäyarqan, y israelïtakunawan pelyayänampaqmi Merom marka lädumpa pasaq yaku kuchunchö campamentunkuna rurayarqan.

6 Tsënam Jehovä Diosqa Josuëta kënö nirqan: “Ama pëkunata mantsëtsu.+ Warë kënö höram, llapankunata wanutsiyänëkipaq entregayashqëki. Cawallunkunapa ankunkunatam roqukacharkuyänëki+ y guërrapaq carrëtankunamanmi ninata prendïkunëki”. 7 Tsënam Josuëwan soldädunkunaqa, Merom marka lädumpa pasaq yaku kuchunman illaqpita chëkur pëkunawan pelyar qallëkuyarqan. 8 Israelïta soldädukunaqa Jehovä Dios yanapaptinmi llapankunata wanutsiyarqan o wañutsiyarqan.+ Qeshpir ëwaqkunatapis, jatun Sidon markayaq,+ Misrefot-Mäim sitiuyaq+ y Mizpë* pampayaqmi qatipayarqan. Llapankunatam wanutsiyarqan, manam ni jukllëllatapis kawëkaqtaqa dejayarqantsu.+ 9 Tsëpitanam Josuëqa Jehovä Dios mandanqannölla, cawallunkunapa ankunkunata roqukacharkurqan y guërrapaq carrëtankunaman ninata prendïkurqan.+

10 Tsëpitanam, Josuëqa kutïkurnin Hazor markaman yëkurqan, y gobernantitam espädawan wanuratsirqan.+ Tsë läduchö gobernantikuna mandakuyanqan markakunapitaqa, Hazor markam mas reqishqa karqan. 11 Tsë markachö llapan nunakunatam espädawan wanutsiyarqan,+ manam ni jukllëllatapis kawëkaqtaqa dejayarqantsu.+ Tsëpitanam Josuëqa Hazor markaman ninata prendïkurqan. 12 Tsë gobernantikuna mandakuyanqan markakunaman yëkuskirmi, Josuëqa gobernantinkunata espädawan wanutsirqan.+ Jehoväpa sirweqnin Moises mandanqannömi, tsë markakunachö llapan nunakunata wanutsirqan.+ 13 Tsënö kaptimpis, jirkankunachö këkaq markakunamanqa, manam israelïtakuna ninata prendiyarqantsu. Hazor markallamanmi Josuëqa ninan prendïkurqan. 14 Israelïtakunaqa tsë markakunachö llapan täkoqkunatam espädawan wanutsiyarqan,+ manam ni jukllëllatapis kawëkaqtaqa dejayarqantsu.+ Cösasninkunatawan animalninkunataqa, kikinkunapaqmi apakuyarqan.+ 15 Teyta Jehovä llapan mandanqantam Moisesqa Josuëta mandarqan,+ y Josuënam Moises ninqannölla Jehovä Dios llapan mandakunqanta rurarqan.+

16 Josuëqa, jirkakuna kanqan läduchö, Nëguebchö,+ Gosenchö, Sefelächö,+ Arabächö,+ Israelpa jirkankunachö y ichikllan jirkankunachö markakunapa duëñunmi tikrarirqan. 17 Seir jirka lädunmampa këkaq Halac jirkapita hasta Lïbanu pampachö këkaq Baal-Gad+ markayaqmi duëñu tukurqan. Lïbanuqa Hermon jirkapa+ chakinchömi këkan. Tsë entëru markakunachö gobernantikunatam prësurqan y wanutsirqan. 18 Josuëqa atska tiempupam tsë gobernantikunawan guërrachö karqan. 19 Gabaonchö+ kawaq heveu nunakunallam, israelïtakunawan alli kawakuyänampaq acuerduta rurayarqan. Tsëpita kaqqa, manam ni mëqan markapis pëkunawan acuerduta rurarqantsu. Tsëmi israelïtakunaqa guërrata rurarnin tsë markakunapa duëñun tikrayarqan.+ 20 Jehovä Diosmi tsë markakunachö nunakuna chukru shonqu tikrayänanta dejarqan,+ tsënöpa israelïtakunawan guërrata rurayaptin ushakätsinampaq.+ Moisesta Jehovä mandanqannömi, pëkunataqa llapanta ushakätsiyänan karqan.+

21 Tsë witsanmi Josuëqa, jirkakuna kanqan läduchö, Hebron markachö, Debir markachö, Anab markachö, Judäpa jirkankunachö y Israelpa jirkankunachö kawaq llapan Anaquim nunakunata+ y markankunata ushakätsirqan.+ 22 Israelïtakuna kawayanqan markakunachöqa, manam Anaquim nunakuna karqannatsu. Pëkunaqa Gäza,+ Gat+ y Asdod+ markakunallachönam quedayarqan.+ 23 Moisesta Teyta Jehovä äninqannöllam,+ Josuëqa tsë entëru markakunapa duëñun tikrarqan. Tsëpitanam cada ünuta tocanqanmannö, Israelchö llapan kastakunata herenciankuna entregarqan.+ Tsëpitaqa manam tsë markakunachö guërra karqannatsu.+

12 Jordan mayupa* wak tsimpanchö* gobernantikunata wanuratsirmi, israelïtakunaqa Arnon+ pampapita Hermon+ jirkayaq y Arabäpa+ lädumampa* këkaq llapan markakunapa duëñun tikrayarqan. Wanutsiyanqan gobernantikunaqa këkunam kayarqan: 2 amorreukunapa gobernantin Sehon.+ Pëqa Hesbon markachömi kawaq. Y Galaadpa pullan markankunachömi mandakoq, Arnon+ pampa kuchunchö këkaq Aroer markapita,+ ammonïta nunakunapa lindërunchö këkaq Jaboc pampayaq. 3 Y Arabächö markakunatapis gobernaqmi, Kinëret qochapita*+ Arabä qochayaq o Kachi qochayaq, y Kachi qochapa amänunchö Bet-Jesimot markayaq. Juk kaq lädupanam* Pisgä jirka+ chakinyaq gobernaq.

4 Basanchö gobernaq Og+ mandakunqan markakunapapis duëñunmi tikrayarqan. Ogqa refaim nunakunapita+ juk ishkëllana quedaqkunapitam karqan, y Astarot y Edrei markakunachömi täkurqan.* 5 Ogqa Hermon jirkachö, Salecächö y entëru Basan+ markakunachömi, guesurïta nunakunapa y maacatïta nunakunapa+ lindërunkunayaq mandakurqan. Y Hesbonchö+ gobernanti Sehon mandakunqan markakunawan tinkoq Galaadpa pullan markankunatapis gobernarqanmi.

6 Jehoväpa sirweqnin Moises y israelïtakunam tsë gobernantikunata wanutsiyarqan.+ Tsëpitanam Jehoväpa sirweqnin Moisesqa, Rubenpa kastankunata, Gadpa kastankunata y Manasespa pullan kastankunata tsë entëru markakunata entregarqan.+

7 Josuëwan israelïtakunaqa, Jordan mayupa* inti o rupay jeqanan läduchö mandakoq atska gobernantikunatapis venciyarqanmi. Tsë gobernantikunaqa, Lïbanu+ pampachö Baal-Gad+ markapita, Seir jirkapa+ lädunchö Halac jirkayaqmi+ gobernayarqan. Tsë gobernantikunata wanuratsirmi, Josuëqa Israelchö cada kastata tocanqanmannö markakunata entregarqan,+ 8 jirkakuna kanqan läduchö, Sefelächö, Arabächö, ladërakunachö, tsunyaq sitiuchö y Nëguebchö.+ Këkunaqa hitïta, amorreu,+ cananeu, perizïta, heveu y jebuseu nunakunapa+ markankunam karqan. Tsë venciyanqan gobernantikunaqa, kë markakunachömi gobernayarqan:

13 Josuëqa awkinyashqanam karqan.+ Tsëmi Jehovä Diosqa kënö nirqan: “Alläpa awkinnam kanki, y atska markakunata venciyänëkiran pishin. 2 Tsë pisheq markakunaqa këkunam:+ filisteu nunakuna y guesurïta nunakuna+ kawëkäyanqan llapan markakuna 3 (cananeu nunakuna unë kayanqan markakuna+ Egiptupa frentinchö* këkaq Nïlu mayupa* kuchumpita,* norti läduchö Ecron markapa lindërunyaq). Tsënöllam filisteukunapa pitsqa gobernaqninkuna+ mandakuyanqan llapan markakuna: Gäza, Asdod,+ Asquelon,+ Gat,+ Ecron+ y avim+ nunakuna kawayanqan markakuna;* 4 cananeu nunakuna kawayanqan llapan markakuna; Sidon nunakunapa+ Mearä markankuna, hasta Afec markayaq y amorreu nunakunapa lindërunyaq; 5 guebalïta nunakuna+ kawayanqan markakuna y inti o rupay yarqamunan lädupa Lïbanuchö llapan markakuna, Hermon jirka chakinchö Baal-Gad markapita Lebö-Hamat+ markayaq;* 6 Lïbanupita+ hasta Misrefot-Mäim+ jirkakunachö markakuna, y sidoniu nunakunapa+ llapan markankuna. Noqam tsë llapan markakunachö nunakunata israelïtakuna ushakätsiyänampaq yanapashaq.+ Y qamqa mandayanqaqnöllam* israelïtakunata herenciankuna entreganëki.+ 7 Ëka kayanqanta cuentaman churëkurmi, Israelchö isqun kastakunata herenciankuna entreganëki, y Manasespa pullan kastankunatapis entreganëkim”.+

8 Rubenpa kastankuna, Gadpa kastakuna y Manasespa pullan kastankunaqa, Jordan mayupa* wak tsimpanchömi* herenciankuna chaskiyarqan. Tsëtaqa Jehoväpa sirweqnin Moisesmi entregarqan.+ 9 Tsë markakunaqa karqan, Arnon pampa+ kuchunchö Aroer markapita+ y tsë amänunchö markapita Dibon markayaqmi, y Medebä jirkakunachö pampakunapis; 10 y Hesbon markapita mandakoq amorreukunapa gobernantin Sehon mandakunqan llapan markakuna, hasta ammonïta nunakunapa+ lindërunyaq; 11 tsënöllam Galaadchö markakuna y guesurïta nunakunapa y maacatïta nunakunapa+ markankuna, Hermon jirkachö entëru markakuna, y Basanchö+ markakuna hasta Salecä+ markayaq; 12 y Og gobernanqan Basanchö llapan markakuna. Pëqa Astarot y Edrei markakunapitam gobernaq. (Ogqa refaim nunakunapita juk ishkëllana quedaqkunapitam karqan).+ Moisesmi tsë markakunachö nunakunata wanutsir markankunawan quedakurqan.+ 13 Tsënö kaptimpis israelïtakunaqa, manam guesurïta nunakunapa ni maacatïta nunakunapa markankunapa duëñun tikrayarqantsu.+ Tsëmi pëkunaqa Israel nacionchö kananyaq kawakuyan.

14 Levïpa kastankunataqa, manam ima herenciatapis Moises entregarqantsu.+ Pëkunapa herenciankunaqa karqan Israelpa Diosnin Jehoväpaq apayanqan rupatsina qarëkunam.+ Tsëtam Teyta Diosqa pëkunata änishqa karqan.+

15 Tsëpitanam Moisesqa, ëka familiakuna kayanqanta cuentaman churëkur, Rubenpa kastankunata herenciankuna entregarqan. 16 Markankunaqa karqan, Arnon pampa kuchunchö Aroer markapita y tsë amänunchö markapita, Medebä jirkakunachö pampakunayaq; 17 Hesbon y jirkakunachö këkaq pampachö llapan markankuna,+ Dibon marka, Bamot-Baal marka, Bet-Baal-Meon+ marka, 18 Jähaz+ marka, Quedemot+ marka, Mefaat+ marka, 19 Quiryatäim marka, Sibmä+ marka, pampa* janan jirkachö Zëret-Sähar marka, 20 Bet-Peor marka, Pisgä+ ladërakunachö markakuna, Bet-Jesimot+ marka, 21 jirka pampachö llapan markakuna, y Hesbonpita+ mandakoq amorreu nunakunapa gobernantin Sehon mandakunqan llapan markakuna. Moisesqa Sehonta y pëpa mandädunchö këkaq Evï, Rëquem, Zur, Hur y Reba+ nunakunatam wanutsirqan.+ Pëkunaqa madianïta nunakunapa dirigeqninkunam kayarqan, y Sehon mandakunqan markakunachömi kawakuyarqan. 22 Tsë markakunachö nunakunata wanutsirmi, israelïtakunaqa suerti qateq+ Balaamtapis+ espädawan wanutsiyarqan. Balaamqa, Beorpa tsurinmi karqan. 23 Rubenpa kastankunaqa, familiakuna ëka kayanqanmannömi herenciankuna chaskiyarqan. Tsë chaskiyanqan markakunapa y taksha markakunapa lindërunqa, Jordan mayum* karqan.

24 Ëkaq familiakuna kayanqanta cuentaman churëkurmi, Moisesqa Gadpa kastankunata herenciankuna entregarqan. 25 Markankunaqa karqan Jazer+ marka, Galaadchö llapan markakuna y ammonïta+ nunakunapa pullan markankunapita, Rabä+ frentinchö Aroer markayaqmi; 26 y Hesbon+ markapita, Ramat-Mizpë y Betonim markakunayaq, y Mahanäim+ sitiupita, Debir markapa lindërunyaq; 27 y pampachö* këkaq Bet-Haram marka, Bet-Nimrä+ marka, Sucot+ sitiu y Zafon marka, y Hesbonpa+ gobernantin Sehon mandakunqan wakin markakuna. Lindërunqa Jordan mayum* karqan,* hasta Kinëret+ qocha* kuchunyaq. 28 Gadpa kastankunaqa, tsë markakunata y taksha markakunatam herenciatanö chaskiyarqan.

29 Manasespa pullan kastankunatapis, familiakuna ëka kayanqanta cuentaman churëkurmi Moisesqa herenciankuna entregarqan.+ 30 Markankunaqa karqan, Mahanäim+ sitiupita Basanchö llapan markakunayaqmi. Basanpa gobernantin Og mandakunqan llapan markakuna, y Jair+ kasta nunakuna carpankuna* rurayanqan llapan markakuna. Llapanqa sesenta markakunam karqan. 31 Galaadchö pullan markakuna y Basanchö gobernaq mandakunqan Astarot y Edrëi+ markakunaqa, Makirpa+ pullan wamrankunapa familiankunapaqmi karqan. Makirqa Manasespa tsurinmi karqan.

32 Tsëkunam kayarqan Moabpa tsunyaq pampankunachö, israelïtakunata Moises entreganqan herenciankuna. Tsëqa Jericö markapa+ y Jordan mayupa* wak tsimpanchömi* karqan.

33 Peru Levïpa kastankunataqa, manam ima herenciatapis Moises entregarqantsu.+ Pëkunapa herenciankunaqa Israelpa Diosnin Jehovämi karqan. Tsëtam Teyta Diosqa pëkunata änishqa karqan.+

14 Tsë sitiukunam israelïtakuna Canaanchö chaskiyanqan markakuna karqan. Tsëtaqa entregayarqan sacerdöti Eleazar, Nunpa tsurin Josuë y Israelchö kastakunata dirigeqkunam.+ 2 Moisesta Jehovä Dios mandanqannömi, Israelchö isqun kastakunata+ y Manasespa pullan kastankunata sorteupa herenciankuna entregayarqan.+ 3 Wakin ishkë kastakunata y Manasespa pullan kastankunataqa, Moisesmi Jordan mayupa*+ wak tsimpanchö* herenciankuna entregashqa karqan. Peru Levïpa kastankunataqa manam herenciankuna entregarqantsu.+ 4 Josëpa tsurinkuna Manaseswan Efrainmi,+ Israelchö ishkë kastaman tikrayarqan.+ Levïpa kastankunaqa manam ima herenciatapis chaskiyarqantsu, pëkunaqa täkuyänampaq* markakunallata+ y animalninkunapaq qewayoq sitiukunallatam chaskiyarqan.+ 5 Tsënömi israelïtakunaqa, ëka kayanqanmannö herenciankuna chaskiyarqan. Tsënö entregayänampaqmi Jehovä Diosqa Moisesta mandashqa karqan.

6 Guilgalchö+ këkarmi, Judäpa kastankuna Josuëman ëwayarqan. Y quenizïta* Jefunëpa tsurin Calebmi+ Josuëta kënö nirqan: “Qamqa wiyarqëkim Cades-Barnëachö+ këkashqa, Jehovä Diosnintsik+ sirweqnin Moisesta ishkantsikpaq ima ninqanta.+ 7 Kë markakunata rikapakunapaq Cades-Barnëapita Jehoväpa sirweqnin Moises mandamanqantsik witsanqa, cuarenta watayoqllaran karqä.+ Y kutiramurqa, rasumpa kaqllatam willakurqä, manam imatapis ulikurqätsu o llullakurqätsu.+ 8 Noqantsikwan ëwaqkuna willakuyanqanwan israelïtakunata mantsakätsishqa kayaptimpis, noqaqa Jehovä Diosnintsik mandakunqantam llapan shonqüwan rurarqä.+ 9 Tsë junaqmi Moisesqa kënö änimarqan: ‘Llapan purimunqëki markakunam qampaq y wamrëkikunapaq imëyaqpis kanqa. Qamqa Jehovä Diosnintsik mandakunqantam llapan shonquykiwan rurarqunki’.+ 10 Israelïtakuna tsunyaq jirkachö këkäyaptin+ Moisesta Jehovä Diosnintsik äninqannöllam,+ Teyta Jehoväqa kë cuarenta y cincu watakuna kawanäta permitimashqa,+ kananqa ochenta y cincu watayoqna këkarpis këchömi këkä. 11 Rikapakoq ëwanapaq Moises mandamanqantsik witsanchönömi, kanampis kallpayoqllaraq këkä. Guërraman ëwanäpaq y juk cösaskunata ruranäpaqpis kallpäqa këkanllaran. 12 Tsëmi shamurqö tsë junaq Jehovä Diosnintsik änimanqannölla, kë jirkachö markakunata entregamänëkipaq. Qamqa wiyarqëkim Anaquim nunakuna,+ tsë alli murallashqa markakunachö kawayanqanta.+ Segürum këkä Teyta Jehovä yanapamänampaq kaqta+ y Jehovä änimanqannölla tsë markakunapa duëñun tikranäpaq kaqta”.+

13 Tsëmi Josuëqa Jefunëpa tsurin Calebta bendicïkunampaq Teyta Diosman mañakurqan. Y Hebron markatam herenciatanö entregarqan.+ 14 Quenizïta Jefunëpa tsurin Calebqa, Israelpa Diosnin Jehovä mandakunqantam llapan shonqunwan rurarqan. Tsëmi Hebron markaqa, kananyaqpis pëta pertenecin.+ 15 Hebron markapa unë jutinqa Quiryat-Arbämi+ karqan (Arbäqa anaquim nunakunachö reqishqa nunam karqan). Y tsëpita witsëpaqa, mananam tsë markakunachö guërra karqannatsu.+

15 Judäpa kastanta y tsë kastapa familiankunata tocanqan* herenciaqa,+ Zin niyanqan tsunyaq sitiuyaq, Edompa lindërunyaq+ y Nëguebyaqmi karqan.* 2 Sur kaq lädupaqa Kachi lamarpa*+ ura kuchumpitam qallaq. 3 Tsëpitam Acrabim subïda+ wak lädumpa* ëwaq, y Zin niyanqan tsunyaq sitiupa pasaq. Tsëpitanam Cades-Barnëapa+ sur kaq lädumpa witsar Hezron markayaq ëwaq, y Addar markapa witsarmi Carcä sitiupa tumamoq. 4 Tsëpitanam Azmon+ sitiuyaq ëwaq, y Egiptu pampaman+ chaq y Lamarchömi* ushaq. Tsëmi sur kaq lädupa lindërunkuna karqan.

5 Inti o rupay yarqamunan lädupa lindërunnam Kachi lamar* karqan, y Kachi lamarpa norti lädunmanmi chaq, Jordan mayu*+ chanqan kuchunman. 6 Tsë lindëruqa Bet-Hoglä+ markayaqmi witsaq, y Bet-Arabä+ markapa norti kaq lädumpam pasaq. Tsëpitanam Bohanpa jutimpa reqiyanqan rumiyaq+ witsaq. Bohanqa Rubenpa tsurinmi karqan, 7 y Acor pampachö*+ Debir markayaqmi witsaq. Tsëpitanam, Adumim* subïda frentinchö këkaq Guilgal+ markapa wak* lädumpa tumamoq, y En-Sëmes+ pukyuyaq pasaq y En-Roguel+ pukyuchö ushaq. 8 Tsëpitanam Hinon* pampayaq+ witsaq, jebuseu nunakuna+ täkuyanqan* sur lädu ladërayaq, tsëchömi Jerusalen marka+ karqan. Tsëpitanam Hinon pampapa inti o rupay jeqanan läduchö jirka jananyaq witsaq. Hinonqa Refaim pampapa* wak* lädunchömi karqan. 9 Jirka janampitanam, Neftöah+ pukyuyaq y Efron jirkachö markakunayaq ëwaq. Y Baalä markayaqmi pasaq, tsë markataqa Quiryat-Jearim+ nirpis reqiyaqmi. 10 Baalä markapitanam, Seir jirka lädumpa* tumamoq, y tsëpitam Jearim jirkapa ladërankunayaq* ëwaq, tsëchömi Kesalon markapis karqan. Tsëpitanam Bet-Sëmes+ bajädapa pasaq, y Timnä+ markayaq ëwaq. 11 Y Ecron+ markapa* ladëranyaqmi ëwaq. Tsëpitanam Sikeron sitiupa pasaq Baalä jirkayaq y Jabneel sitiuyaq ëwaq, y lamarchömi ushaq.

12 Juk kaq lädupa* lindërunqa, Jatun lamarpa*+ kuchunmi karqan. Tsëkunam karqan Judäpa kastankuna chaskiyanqan markakunapa lindërunkuna.

13 Jehovä Dios mandanqannöllam Josuëqa, Judäpa kastankuna chaskinqan markakunachö Jefunëpa tsurin Calebta herencian entregarqan.+ Tsë markaqa Quiryat-Arbämi karqan, y Hebron nirpis reqiyaqmi (Arbäqa Anacpa papäninmi karqan).+ 14 Calebqa, Anacpa+ kima tsurinkunatam qarqurqan. Këkunam Anacpa tsurinkunapa jutinkuna karqan: Sesäi, Ahiman y Talmäi.+ Pëkunaqa Anac kastapitam kayarqan. 15 Tsëpitanam Debir markachö nunakunawan pelyaq witsarqan (Debir+ markapa unë jutinqa, Quiryat-Sëfermi karqan). 16 Tsënam Calebqa, “Quiryat-Sëfer markachö nunakunata atacar venceq kaqtam, Acsä jutiyoq wamrätawan casatsishaq” nirqan. 17 Y Quenazpa+ tsurin Otnielmi+ tsë markachö nunakunata vencirqan, tsëmi Calebqa wamran Acsätawan+ casatsirqan. Quenazqa Calebpa wawqinmi karqan. 18 Wayinkunaman kutikarnam, Acsäqa qowan o runan* Otnielta rogarqan Calebta chakrata mañakunampaq. Tsëpitanam Acsäqa montarëkanqan ashnupita bajarirqan.* Y papänin Calebnam, “¿imata munëkanki?”+ nir tapurqan. 19 Tsënam pëqa nirqan: “Papä, mas chakrallä qarëkamë. Nëguebchö* qaramanqëkinölla, Gulot-Mäim* kaqtapis qarëkamë”. Tsëmi papäninqa Uma kaq Gulotchö y Ura kaq Gulotchö chakrata rikätsirqan.

20 Këkunam karqan Judäpa kastankuna chaskiyanqan markakuna.

21 Edomwan+ colindaqchö* Judä chaskinqan markakuna: Cabzeel, Ëder, Jagur, 22 Quinä, Dimonä, Adadä, 23 Quedes, Hazor, Itnan, 24 Zif, Tëlem, Bealot, 25 Hazor-Hadatä y Queriyot-Hezron o Hazor niyanqan, 26 Amam, Sema, Moladä,+ 27 Hazar-Gadä, Hesmon, Bet-Pëlet,+ 28 Hazar-Sual, Beer-Sëba,+ Biziötias, 29 Baalä, Iyim, Ëzem, 30 Eltolad, Kesil, Hormä,+ 31 Ziclag,+ Madmanä, Sansanä, 32 Lebaot, Silhim, Ain y Rimon.+ Llapanqa veintinuëvi markakunam karqan, y ichik markankunapis karqanmi.

33 Sefelächö+ chaskiyanqan markakuna: Estaol, Zorä,+ Asnä, 34 Zanöah, En-Ganim, Tapüah, Enam, 35 Jarmut, Adulam,+ Socö, Azecä,+ 36 Saaräim,+ Aditäim, Guederä y Guederotäim.* Llapanqa catorci markakunam karqan, y ichik markankunapis karqanmi.

37 Zenan, Hadasä, Migdal-Gad, 38 Dilean, Mizpë, Jocteel, 39 Lakis,+ Bozcat, Eglon, 40 Cabon, Lahmam, Kitlis, 41 Guederot, Bet-Dagon, Naamä y Maquedä.+ Llapanqa dieciseis markakunam karqan, y ichik markankunapis karqanmi.

42 Libnä,+ ËLib, Asan,+ 43 Iftä, Asnä, Nezib, 44 Queil, Aczib y Mares, Llapanqa isqun markakunam karqan, y ichik markankunapis karqanmi.

45 Ecron marka amänunchö markankuna y ichik markankuna; 46 Ecron markapita,* Asdod markapa lädunchö llapan markakunayaq y ichik markakunayaq.

47 Asdod+ marka, amänunchö markankuna y ichik markankuna; Gäza+ marka, amänunchö markankuna y ichik markankuna, hasta Egiptuchö pampayaq, Jatun lamaryaq* y lamar kuchunkunayaq.+

48 Jirkakunachö chaskiyanqan markakuna: Samir, Jatir,+ Socö, 49 Danä, Quiryat-Sanä o Debir niyanqan. 50 Anab, Estemö,+ Anim, 51 Gosen,+ Holon y Guilö.+ Llapanqa onci markakunam karqan, y ichik markankunapis karqanmi.

52 Arab, Dumä, Esan, 53 Janim, Bet-Tapüah, Afecä, 54 Humtä, Quiryat-Arbä o Hebron+ niyanqan y Zior. Llapanqa isqun markakunam karqan, y ichik markankunapis karqanmi.

55 Maon,+ Carmëlu, Zif,+ Jutä, 56 Jezreel, Jocdeam, Zanöah, 57 Cayin, Guibeä y Timnä.+ Llapanqa chunka markakunam karqan, y ichik markankunapis karqanmi.

58 Halhul, Bet-Zur, Guedor, 59 Maarat, Bet-Anot y Eltecon. Llapanqa joqta markakunam karqan, y ichik markankunapis karqanmi.

60 Quiryat-Baal o Quiryat-Jearim+ nir reqiyanqan y Rabä. Llapanqa ishkë markakunam karqan, y ichik markankunapis karqanmi.

61 Tsunyaq sitiuchö chaskiyanqan markakuna: Bet-Arabä,+ Midin, Secacä, 62 Nibsan, Kachi Marka y En-Guedï.+ Llapanqa joqta markakunam karqan, y ichik markankunapis karqanmi.

63 Tsënö kaptimpis, Jerusalen markachö+ kawaq jebuseu nunakunataqa,+ manam Judäpa kastankuna vencita puëdiyarqantsu.+ Tsëmi jebuseukunaqa, Jerusalen markachö Judäpa kastankunawan juntu kananyaqpis kawakuyan.

16 Josëpa tsurinkuna+ sorteupa chaskiyanqan+ markakunapa lindërunqa, Jordan mayupitam* Jericöpa inti o rupay yarqamunan lädunchö pukyuyaq karqan. Tsëpitanam tsunyaq sitiupa witsaq, Jericö markapita hasta Betelchö jirkakunayaq.+ 2 Y Luz markachö Betel sitiupitam Atarot markachö arkïta nunakunapa lindërunyaq ëwaq. 3 Tsëpitanam inti o rupay jeqanan lädupa ëwaq jafletïta nunakunapa lindërunyaq, Bet-Horon Bäja+ markapa lindërunyaq y Guëzer+ markapa lindërunyaq uraq y lamarchömi ushaq.

4 Tsënömi Josëpa tsurinkuna+ Manaseswan Efrainqa herenciankuna chaskiyarqan.+ 5 Efrainpa tsurinkunapa familiankuna chaskiyanqan markakunapa lindërunqa, inti o rupay yarqamunan läduchö Atarot-Addar+ markapitam, Bet-Horon Alta+ markayaq karqan. 6 Y lamaryaqmi ëwaq. Norti kaq lädupanam Micmetat+ sitiupita qallaq, y inti o rupay yarqamunan lädupam ëwaq. Y tsëpam Taanat-Silö sitiuman tumamoq, y Janöah markayaqmi pasaq. 7 Tsëpitanam Janöah markapita hasta Atarot markayaq y Naarä markayaq uraq. Y Jericö+ markapa pasarmi Jordan mayuman* chaq. 8 Inti o rupay jeqanan lädupanam Tapüah+ markapita, hasta Canä mayuyaq* ëwaq, y lamarchömi+ ushaq. Tsëkunam Efrainpa kastankuna chaskiyanqan markakuna karqan. 9 Manasespa+ kastankuna chaskiyanqan herenciapa rurinchömi, Efrainpa kastankunaqa, markakunata y ichik markakunata chaskishqa kayarqan.

10 Peru Guëzer+ markachö kawaq cananeukunataqa manam qarquyarqantsu. Tsë nunakunaqa, kananyaqmi Efrainpa kastankunawan juntu kawayan,+ y esclävunkunam kayan.+

17 Tsëpitanam sortiayanqanchö+ Manasespa kastankunata+ herenciankuna tocarqan. Y Makirmi+ valienti soldädu kanqampita, Galaadchö y Basanchö+ markakunata chaskirqan. Makirqa Galaadpa papänin y Manasespa mayor tsurinmi karqan, y Manasesnam Josëpa mayor tsurin karqan.+ 2 Manasespa wakin kastankunaqa, familiapam herenciankuna chaskiyarqan: Abi-Ezerpa+ tsurinkuna, Hëlecpa tsurinkuna, Asrielpa tsurinkuna, Siquempa tsurinkuna, Hëferpa tsurinkuna y Semidäpa tsurinkuna. Pëkunam kayarqan Manasespa kastankunapa ollqu familiankuna. Manasesqa Josëpa tsurinmi karqan.+ 3 Peru Zelofehadpaqa+ warmillam wamrankuna karqan, y jutinkunam karqan Mahlä, Noä, Hoglä, Milcä y Tirzä. Zelofehadqa Hëferpa tsurinmi karqan, Hëfernam Galaadpa tsurin karqan, Galaadnam Makirpa tsurin karqan y Makirnam Manasespa tsurin karqan. 4 Zelofehadpa wamrankunam sacerdöti Eleazarman,+ Nunpa tsurin Josuëman y dirigeqkunaman ëwar niyarqan: “Teytantsik Jehovämi Moisesta mandarqan familiäkunata tocanqan herenciata entregayämänampaq”.+ Tsënö niyaptinmi Jehovä Dios mandakunqannölla papänimpa wawqinkunata tocanqanchö, herenciankuna entreguëkuyarqan.+

5 Manasespa kastankunaqa Jordan mayuta* manaraq tsimparmi* Galaadchö y Basanchö markakunata chaskishqa kayarqan. Y Jordan mayuta+ tsimparirpis* chunka markakuna mastam chaskiyarqan. 6 Manasespa kastankunaqa, warmipis ollqupis llapankunam herenciankuna chaskiyarqan. Y Manasespa kastampita wakin familiakunapa herenciankunaqa, Galaadchö markakunam karqan.

7 Manases kastapa lindërunqa, Aser kastapa lindërumpita Siquem+ markapa frentinchö Micmetat+ markayaqmi ëwaq. Tsëpitanam uraq* En-Tapüah nunakuna kawayanqan markakunayaq. 8 Tapüahchö+ markakunaqa, Manasespa kastankunapam karqan. Peru Manasespa kastankunapa lindërunchö këkaq Tapüah markaqa, Efrainpa kastankunapam karqan. 9 Lindërunqa Canä mayupa* lädunyaqmi* uraq. Y Efrainpa kastankunapa wakin markankunaqa, Manasespa+ kastankunata tocanqan markakunapa rurinchömi karqan. Y Manasespa kastankunapa lindërunqa, mayu lädumpam* karqan, y lamarchömi ushareq.+ 10 Sur läduchö markakunaqa Efrainpa kastankunapam karqan, y norti läduchö kaqnam Manasespa kastankunapa karqan,+ y lamarmi lindërunkuna karqan. Manasespa kastankunapa norti läduchö lindërunqa, Aser kastapa herencianwanmi tinkoq y inti o rupay yarqamunan lädupanam Isacar kastapa herencianwan colindaq.

11 Isacarpa y Aserpa kastankunapa herencian rurinchömi, Manasespa kastankunaqa Bet-Sean markata y ichik markankunata,* Ibleam+ markata y ichik markankunata, y Dor+ markata y ichik markankunata chaskiyarqan. Y kima jirkakunachönam kë markakunata chaskirqan: En-Dor+ markata y ichik markankunata, Taanac+ markata y ichik markankunata y Meguidö markata y ichik markankunata.

12 Peru Manasespa kastankunaqa, manam tsë markakunapa duëñun këta puëdiyarqantsu. Tsë markakunataqa manam cananeu nunakuna dejayarqantsu.+ 13 Israelïtakuna mas puëdeq tikrarirqa, cananeu nunakunatam esclävunkuna tikratsiyarqan,+ peru wakin markakunapitaqa manam qarquyta puëdiyarqantsu.+

14 Tsënam Josëpa tsurinkunapa kastankunaqa Josuëta niyarqan: “¿Imanirtan sorteuchöqa wallkallata markäkuna entregayämarqunki?+ Noqakunaqa, kananyaqpis Jehovä Dios bendiciyämaptin mëtsikaqmi kayä”.+ 15 Tsënam Josuëqa kënö nirqan: “Efrainpa kastankuna+ chaskiyanqan jirkachö markakunaqa, manam llapëkipaq tinkunqatsu. Mëtsikaq këkarninqa, montikunaman witsarnin perizïta nunakuna+ y refaim nunakuna+ kawayanqan wakin markakunaman yëkuyë”. 16 Tsënam Josëpa tsurinkunapa familiankunaqa Josuëta niyarqan: “Jirkachö markakunaqa manam noqakunapaq tinkunqatsu. Peru ura pampachö kawaq cananeukunaqa, fiërrupita höciyoq* guërrapaq carrëtakunayoqmi* kayan,+ tsënöllam kayan Bet-Sean+ markachö y ichik markankunachö* y Jezreel+ ura pampachö täkoqkunapis”.* 17 Tsënam Josuëqa, Josëpa tsurinkuna Efrainpa y Manasespa kastankunata kënö nirqan: “Qamkunaqa puëdeq y mëtsikaqmi kayanki, tsëmi wallka markakunallatatsu chaskiyanki,+ 18 sinöqa jirkakunachö llapan markakunam qamkunapaq kanqa.+ Montikuna kaptimpis, limpiariyankim, y tsëyaqmi lindëruykikuna kanqa. Cananeu nunakunataqa, puëdeq kayaptimpis y guërrapaq carrëtankunapa ruëdankunachö jatusaq höcikuna* kaptimpis venciyankim”.+

18 Israelïtakunaqa Silö markapa duëñunnam kayarqan,+ y tsëchö juntakaskirmi,+ juntakäyänan Teyta Diospa carpa* wayinta armayarqan.+ 2 Peru Israelchö qanchis kastakunaqa, manam herenciankuna chaskishqaraqtsu kayarqan. 3 Tsënam Josuëqa pëkunata kënö nirqan: “¿Imëyaqtan shuyaräyanki unë awiluykikunapa Jehovä Diosnin entregayäshunqëki markakunachö kawakuyänëkipaq?+ 4 Cada kastapita kima nunakunata akrayämuy, markakunaman rikapakoq mandanäpaq y mäpakunata rurayämunampaq. Tsëpitanam noqaman kutiyämunan. 5 Y qanchis kastakunapaqmi llapan markakunata rakiyämunan.+ Judäpa kastanqa, sur lädumampa chaskinqan herenciachömi quedakunqa,+ y Josëpa tsurinkunapa familiankunapis, norti läduchö chaskiyanqan herenciachömi quedakuyanqa.+ 6 Y qamkuna ëwayänëkipaq kaqkunaqa, llapan markakunatam qanchisman rakiyämunëki y mäpakunatam rurayämunëki. Tsë mäpakunatam apayämunëki, y noqanam Jehovä Diosnintsikpa rikëninchö tsë markakunata sortiarirnin qamkunata rakipäyashqëki.+ 7 Peru Levïpa kastankunaqa,+ manam herenciata chaskiyanqatsu. Pëkunataqa Jehovä Diosmi akrashqa carpa* wayinchö sirwiyänampaq.+ Y Gadpa kastankunata, Rubenpa kastankunata y Manasespa pullan kastankunataqa,+ Jehoväpa sirweqnin Moisesnam Jordan mayupa* wak tsimpanchö* herenciankuna entregashqa”.

8 Mäpakunata rurayänampaq akrashqa nunakunaqa, ëwayänampaqmi alistakuyarqan. Tsënam Josuëqa pëkunata kënö mandarqan: “Markakunapa ëwarnin mäpakunata rurayämuy. Tsëpita kë Silö markaman kutiyämunki. Noqanam Jehovä Diospa rikëninchö tsë markakunata sortiarirnin rakipäyashqëki”.+ 9 Tsënam tsë nunakunaqa, llapan markakunapa ëwarnin tsë markakunata qanchisman rakiyarqan. Tsëpitanam mäpakunata rurayarqan. Y tsë llapan rurayanqantam juk libruman apuntayarqan. Tsëpitanam Josuë këkanqan Silöchö campamentuman kutiyarqan. 10 Tsënam Josuëqa, Jehovä Diospa rikëninchö israelïtakunata sorteupa herenciankuna entregarqan.+ Tsëtaqa Silö markachömi rurarqan.+

11 Sorteuchöqa Benjaminpa kastankunatam cada familiapa herenciankuna tocarqan. Y lindërunqa, Judäpa y Josëpa familiankunapa+ herencianwanmi colindaq.+ 12 Norti lädupa lindërunqa, Jordan mayupita* hasta Jericö markapa+ norti läduchö ladërayaqmi witsaq. Tsëpitanam inti o rupay jeqanan läduchö jirkakunapa witsaq, hasta Bet-Aven+ markapa tsunyaq sitiunkunayaq. 13 Tsëpitanam Luz markapa o Betel markapa+ sur läduchö ladërakunayaq ëwaq. Y Bet-Horon Bäjapa+ sur lädu jirkapam hasta Atarot-Addar+ markayaq uraq. 14 Tsëpitanam inti o rupay jeqanan lädupa ëwaq, y Bet-Horon markapa sur kaq lädu jirkapa* tumamoq. Y Judäpa kastankunata tocanqan Quiryat-Baal markachömi ushaq, tsëtaqa Quiryat-Jearim+ nirpis reqiyaqmi. Tsëmi inti o rupay jeqanan lädupa lindërun karqan.

15 Sur kaq lädupa lindërunqa, Quiryat-Jearim markapa kuchumpitam qallaq. Y inti o rupay jeqanan lädupam ëwaq hasta Neftöah+ pukyuyaq. 16 Tsëpitanam Hinon pampapa*+ lädunchö jirka kuchunyaq uraq. Hinon pampaqa Refaim+ pampa* lädunchömi* karqan. Tsëpitanam jebuseu nunakuna+ täkuyanqan* markapa* lädunchö ladërayaq o Hinon* pampayaq uraq, y En-Roguel+ pukyuyaqmi uraq. 17 Norti kaq lädupanam En-Sëmes pukyuyaq ëwaq, y Adumim+ subïdapa frentinchö Guelilot sitiuyaq pasaq. Tsëpitanam Bohan nir reqiyanqan rumiyaq+ uraq. Bohanqa+ Rubenpa tsurinmi karqan. 18 Tsëpitanam Arabäpa frentin* ladërayaq ëwaq, y Arabäyaqmi uraq. 19 Tsëpitanam Bet-Hoglä+ markapa norti lädunchö ladërayaq ëwaq y Kachi lamarpa+ norti kaq lädun kuchunchömi ushaq, Jordan mayupa* sur lädunchö. Tsëmi karqan sur kaq lädumpa lindërun. 20 Inti o rupay yarqamunan läduchö lindërunqa, Jordan mayum* karqan. Tsëmi karqan Benjaminpa kastankunapa herenciankuna y llapan lindërunkuna.

21 Benjaminpa kastankuna chaskiyanqan markakunaqa, këkunam karqan: Jericö, Bet-Hoglä, Ëmec-Queziz, 22 Bet-Arabä,+ Zemaräim, Betel,+ 23 Avim, Parä, Ofrä, 24 Kefar-Amonï, Ofnï y Guëba.+ Llapanqa döci markakunam karqan y ichik markankunapis karqanmi.

25 Gabaon,+ Ramä, Beerot, 26 Mizpë, Kefirä, Mozä, 27 Rëquem, Irpeel, Taralä, 28 Zelä,+ Hä-Ëlef, Jebusï o Jerusalen,+ Guibeä+ y Quiryat. Llapanqa catorci markakunam karqan y ichik markankunapis karqanmi.

Tsëmi Benjaminpa kastankunapa herenciankuna karqan.

19 Yapë sortiariyaptinnam,+ Simeonpa kastankunata+ cada familiapa herenciankuna tocarqan. Y Judäpa kastankunapa herencian rurinchömi herenciankuna chaskiyarqan.+ 2 Chaskiyanqan markakunaqa këkunam karqan: Beer-Sëba,+ Seba, Moladä,+ 3 Hazar-Sual,+ Balä, Ëzem,+ 4 Eltolad,+ Betul, Hormä, 5 Ziclag,+ Bet-Marcabot, Hazar-Susä, 6 Bet-Lebaot+ y Saruhen. Llapanqa trëci markakunam karqan y ichik markankunapis karqanmi. 7 Ain, Rimon, Ëter y Asan.+ Llapanqa chusku markakunam karqan y ichik markankunapis karqanmi, 8 y tsë markakunapa lädunchö llapan markakuna, hasta Baalat-Beer markayaq, juk kaq jutinqa Ramämi karqan y sur läduchömi karqan. Tsëmi Simeonpa kastankunapaqa cada familiapa herenciankuna karqan. 9 Y Simeonpa kastankunaqa, Judäpa kastankunapa herencian rurinchömi herenciankuna chaskiyarqan. Judäpa kastankunaqa atska markakunatam chaskishqa kayarqan, tsëmi wakin markankunataqa, Simeonpa kastankunata entregayarqan.+

10 Yapë sortiariyaptinnam,+ Zabulonpa kastankunata cada familiapa herenciankuna tocarqan.+ Y chaskiyanqan herenciapa lindërunqa, Sarid markayaqmi charqan. 11 Tsëpitanam inti o rupay jeqanan lädupaqa, Mareal markayaq witsaq y Dabëset markayaq ëwaq, y Jocneam markapa frentin pampayaq pasaq. 12 Tsëpitanam Sarid markapita, inti o rupay yarqamunan lädupa ëwaq, hasta Kislot-Tabor markapa lindërunyaq, y Daberat+ markayaq pasaq, y Jafïa sitiuyaq witsaq. 13 Tsëpitanam inti o rupay yarqamunan lädupa ëwaq Gat-Hëfer+ markayaq y Et-Cazin sitiuyaq, y Rimon markayaq pasaq, y Neä markayaqmi chaq. 14 Tsëpitam norti kaq lädupa tumamur Hanaton markayaq ëwaq, y Iftä-El niyanqan pampachömi ushaq. 15 Y chaskiyanqan markakunachömi Catat, Nahalal, Simron,+ Idalä y Belen+ markakunapis karqan. Llapanqa döci markakunam karqan y ichik markankunapis karqanmi. 16 Tsëmi Zabulonpa kastankunata cada familiapa tocanqan herenciankuna+ karqan. Tsëkunam chaskiyanqan markakuna y ichik markankuna karqan.

17 Yapë sortiariyaptinnam,+ Isacarpa kastankunata cada familiapa herenciankuna tocarqan.+ 18 Kë markakunawanmi lindërunqa colindaq: Jezreel,+ Kesulot, Sunem,+ 19 Hafaräim, Shion, Anaharat, 20 Rabit, Quision, Ëbez, 21 Rëmet, En-Ganim,+ En-Hadä y Bet-Pazez. 22 Lindërunqa, Tabor,+ Sahazuma y Bet-Sëmes sitiukunayaqmi ëwaq, y Jordan mayuchömi* ushaq. Llapanqa dieciseis markakunam karqan y ichik markankunapis karqanmi. 23 Tsëmi Isacarpa kastankunata cada familiapa tocanqan herenciankuna karqan.+ Tsëkunam chaskiyanqan markakuna y ichik markankuna karqan.

24 Yapë sortiariyaptinnam,+ Aserpa kastankunata cada familiapa herenciankuna tocarqan.+ 25 Kë markakunam lindërunkuna karqan: Helcat,+ Halï, Beten, Acsaf, 26 Alamëlec, Amad y Misal. Inti o rupay jeqanan lädupanam Carmëlu+ jirkayaq y Sihor-Libnat mayuyaq* ëwaq. 27 Juknin* lädupanam Bet-Dagon markayaq kuteq. Tsëpitanam Zabulonpa kastankunapa lindërunyaq y Iftä-El niyanqan pampa lädunyaq,* Bet-Ëmec markayaq y Neiel markayaq ëwaq. Tsëpitanam Cabul markapa juknin lädunyaq ëwaq. 28 Y Ebron, Rehob, Hamon, Canä y Sidon Jatun markayaqmi+ pasaq. 29 Tsëpitanam Ramä markayaq kuteq, y Tïru markayaq+ ëwaq. Tïruqa alli murallashqa markam karqan. Tsëpitanam Hosä markayaq kuteq, y lamarchömi ushaq. Tsë lädupam Aczib, 30 Umä, Afec+ y Rehob+ markakuna karqan. Llapanqa veintidos markakunam karqan y ichik markankunapis karqanmi. 31 Tsëmi Aserpa kastankunata cada familiapa tocanqan herenciankuna karqan.+ Tsëkunam chaskiyanqan markakuna y ichik markankuna karqan.

32 Yapë sortiariyaptinnam,+ Neftalïpa kastankunata cada familiapa herenciankuna tocarqan. 33 Lindërunqa, Hëlef markapita y Zaananimchö+ jatun montipitam o qerupitam qallaq. Tsëpitanam Adamï-Nëqueb sitiupa y Jabneel sitiupa pasaq, Lacum sitiuyaq ëwaq y Jordan mayuchömi* ushaq. 34 Tsëpitanam juk kaq* lädupa kuteq Aznot-Tabor sitiuyaq y Hucoc markapam ëwaq sur läduchö Zabulonpa kastankunapa lindërunyaq, y inti o rupay jeqanan läduchö Aserpa kastankunapa lindërunyaq y Jordan mayuyaq. Jordan mayupa inti o rupay yarqamunan läduchö Judäpa* lindërunyaqmi karqan. 35 Y chaskiyanqan alli murallashqa markakunaqa, këkunam karqan: Zidim, Zer, Hammat,+ Racat, Kinëret, 36 Adamä, Ramä, Hazor,+ 37 Quedes,+ Edrëi, En-Hazor, 38 Yiron, Migdal-El, Horem, Bet-Anat y Bet-Sëmes.+ Llapanqa diecinuëvi markakunam karqan y ichik markankunapis karqanmi. 39 Tsëkunam Neftalïpa kastankunata cada familiapa tocanqan herenciankuna karqan.+ Tsëkunam chaskiyanqan markakuna y ichik markankuna karqan.

40 Yapë sortiariyaptinnam,+ Danpa kastankunata cada familiapa herenciankuna tocarqan.+ 41 Kë markakunam lindërunkuna karqan: Zorä,+ Estaol, Ir-Sëmes, 42 Saalabin,+ Ayalon,+ Itlä, 43 Elon, Timnä,+ Ecron,+ 44 Eltequë, Guibeton,+ Baalat, 45 Jehud, Bene-Berac, Gat-Rimon,+ 46 Me-Jarcon y Racon. Y Jope+ markapa frentinchömi ushaq. 47 Peru Dan chaskinqan herenciaqa alläpa wallkallam karqan.+ Tsëmi Lësem+ markachö nunakunawan pelyaq witsäyarqan, y llapankunatam espädawan wanutsiyarqan. Tsëpitanam markakunapa duëñun tikrayarqan y tsëchömi kawakuyarqan. Lësem markataqa Dan nirnam jutin churayarqan. Dan nirqa churayarqan unë awilunkunapa jutin kaptinmi.+ 48 Tsëmi Danpa kastankunata cada familiapa tocanqan herenciankuna karqan. Tsëkunam chaskiyanqan markakuna y ichik markankuna karqan.

49 Tsënömi tsë llapan markakunata rakirir, Israelchö kastakunata herenciankuna entregayarqan. Tsëpitanam israelïtakunaqa, chaskiyanqan herenciapita Nunpa tsurin Josuëta herencian entregayarqan. 50 Josuë mañakuptinmi, Efrainpa kastankunata tocanqan jirkakunachö Timnat-Sërah+ markata entregayarqan. Jehovä Diosmi, Josuë mañakunqan markata entregayänampaq mandakushqa karqan. Y Josuëqa tsë markata yapë altsarkurmi, tsëchö kawakurqan.

51 Tsë markakunatam sacerdöti Eleazar, Nunpa tsurin Josuë y Israel kastakunachö dirigeqkuna, Israel kastakunata sorteupa entregayarqan.+ Tsë sorteutaqa, Teyta Jehoväpa rikëninchömi Silö markachö+ juntakäyänan Diospa carpa* wayimpa punkunchö+ rurayarqan. Tsënömi tsë llapan markakunata, cada kastata entregayarqan.

20 Tsëpitanam Jehovä Diosqa Josuëta kënö nirqan: 2 “Israelïtakunatam këta ninëki: ‘Moisesta ninqänömi, qeshpir ëwayänëkipaq markakunata akrayänëki.+ 3 Tsënöpa pitapis accidentipa wanutsirqa, tsë wanutseq o wañutseq nuna tsë markakunaman qeshpir ëwakunampaq. Tsë markakunaman yëkuyaptikim wanutsiyanqëki nunapa familianqa* wanutsiyäshunkinatsu.+ 4 Y pitapis wanutseq nunaqa, tsë markakunamanmi mëqanman karpis qeshpir ëwakunan,+ y tsë markapa punkunman chëkurmi,+ tsëchö dirigentikunata llapan pasakunqanta willanan. Pëkunanam tsë markachö chaskiyänan, y quedakunampaqmi juk sitiuta rikätsiyänan, y tsë nunaqa pëkunawan juntum täkunan.* 5 Wanushqa nunapa familian qatipar chäriptinqa, manam wanutsikoq nunata entregayänantsu. Tsë nunaqa manam chikiparnintsu nuna mayinta wanutsishqa, sinöqa accidentipam.+ 6 Tsë wanutsikoq nunaqa, juezkuna cäsunta rikäyanqanyaqmi tsë markachö quedakunan.+ Tsëpitanam tsë witsan mandakoq sacerdöti+ wanunqanyaq tsë markachö kawanan. Y mandakoq sacerdöti wanukuptinran, munarqa markanta y wayinta kutikunan’”.+

7 Tsëmi kë markakunata akrayarqan sagrädu kanampaq: Quedes markata,+ tsëqa Galilëa markachömi karqan, Neftalïpa kastankunata tocanqan jirkakunachö; Siquem markata,+ tsëqa Efrainpa kastankunata tocanqan jirkakunachömi karqan; Quiryat-Arbä+ o Hebron markata, tsëqa Judäpa kastankunata tocanqan jirkakunachömi karqan. 8 Y Jordan mayupa* wak tsimpanchö y Jericö markapa inti o rupay yarqamunan läduchönam, kë markakunata akrayarqan: Bëzer markata,+ tsëqa Rubenpa kastankunata tocanqan tsunyaq sitiupa jirka pampankunachömi karqan; Ramot markata,+ tsëqa Gadpa kastankunata tocanqan Galaadchömi karqan; y Golan markata,+ tsëqa Gadpa kastankunata tocanqan Basanchömi karqan.+

9 Tsëkunam karqan israelïtakuna y pëkunawan kawaq forastërukuna qeshpir ëwayänampaq akrashqa markakuna. Tsënöpa pitapis accidentipa wanutsirqa, tsë markakunaman qeshpir ëwakuyänampaq,+ y juezkuna manaraq juzgayaptin, wanushqa nunapa familian mana wanuratsinampaq.+

21 Levïpa kastankunata dirigeqkunam, sacerdöti Eleazarman,+ Nunpa tsurin Josuëman y Israel kastakunachö dirigeqkunaman ëwayarqan. 2 Y Canaanchö këkaq Silö markachömi+ niyarqan: “Jehovä Diosmi Moisesta nirqan täkuyänäpaq* markakunata y animalnïkunapaq qewayoq sitiukunata entregayämänëkipaq”.+ 3 Tsëmi israelïtakunaqa chaskiyanqan herenciapita, Teyta Jehovä mandakunqannölla, Levïpa kastankunata markankuna+ y qewayoq sitiunkuna+ entregayarqan.

4 Sortiariyaptinqa Cohatpa familiankunatam puntata tocarqan,+ y sorteupam sacerdöti Aaronpa levïta familiankunata trëci markakunata entregayarqan.* Tsë markakunaqa, Judäpa kastankunapa,+ Simeonpa kastankunapa+ y Benjaminpa kastankunapa+ herencianchömi karqan.

5 Cohatpa wakin familiankunatanam chunka markakunata entregayarqan.* Tsë markakunaqa, Efrainpa kastankunapa,+ Danpa kastankunapa y Manasespa pullan kastankunapa herencianchömi+ karqan.

6 Guersonpa+ familiankunatanam trëci markakunata entregayarqan. Tsë markakunaqa Basanchömi karqan, Isacarpa kastankunapa, Aserpa kastankunapa, Neftalïpa kastankunapa y Manasespa pullan kastankunapa herencianchö.+

7 Merarïpa+ familiankunatanam döci markakunata entregayarqan. Tsë markakunaqa, Rubenpa kastankunapa, Gadpa kastankunapa y Zabulonpa kastankunapa herencianchömi+ karqan.

8 Tsënömi israelïtakunaqa, Moisesta Teyta Jehovä mandanqannölla, markankuna y qewayoq sitiunkuna Levïpa kastankunata sorteupa entregayarqan.+

9 Judäpa y Simeonpa kastankunapita, levïta familiakuna chaskiyanqan markakunapa jutinqa këchömi qellqarëkan.+ 10 Tsë markakunatam levïta Aaronpa tsurinkunata entregayarqan. Pëkunataqa sorteuchömi puntata tocarqan y Cohatpa familiankunapitam kayarqan. 11 Judäpa kastankunata tocanqan jirkakunachömi, Quiryat-Arbä+ markata o Hebron+ markata y lädunkunachö qewayoq sitiukunata entregayarqan. Arbäqa Anacpa papäninmi karqan. 12 Jefunëpa tsurin Calebtam taksha markakunata y lädunchö chakrakunatapis entregayarqan.+

13 Sacerdöti Aaronpa tsurinkunataqa, accidentipa pitapis wanutseqkuna qeshpir ëwayänampaq akrayanqan+ markakunatam entregayarqan: Hebron markata+ y qewayoq sitiunkunata, Libnä markata+ y qewayoq sitiunkunata, 14 Jatir markata+ y qewayoq sitiunkunata, Estemöa markata+ y qewayoq sitiunkunata, 15 Holon+ markata y qewayoq sitiunkunata, Debir markata+ y qewayoq sitiunkunata, 16 Ain markata+ y qewayoq sitiunkunata, Jutä markata+ y qewayoq sitiunkunata, Bet-Sëmes markata y qewayoq sitiunkunata. Tsë ishkan kastapitam, isqun markakunata chaskiyarqan.

17 Këkunam karqan Benjaminpa kastankunapita chaskiyanqan markakuna: Gabaon marka+ y qewayoq sitiunkuna, Guëba marka y qewayoq sitiunkuna,+ 18 Anatot marka+ y qewayoq sitiunkuna, y Almon marka y qewayoq sitiunkuna. Llapanqa chusku markakunam karqan.

19 Aaronpa sacerdöti familiankunaqa trëci markakunatam chaskiyarqan, y cada markapam qewayoq sitiunkuna kapurqan.+

20 Levïpa kastankunapita Cohatpa wakin familiankunaqa, Efrainpa kastankunapa herencianchömi sorteupa markankuna chaskiyarqan. 21 Y accidentipa pitapis wanutseqkuna qeshpir ëwayänampaq akrayanqan markakunatam+ entregayarqan: Siquem markata+ y qewayoq sitiunkunata, tsëqa karqan Efrainpa kastankunata tocanqan jirkakunachömi. Tsënöllam entregayarqan Guëzer markata+ y qewayoq sitiunkunata, 22 Quibzäim markata y qewayoq sitiunkunata, Bet-Horon+ markata y qewayoq sitiunkunata. Llapanqa chusku markakunam karqan.

23 Këkunam karqan Danpa kastankunapita chaskiyanqan markakuna: Eltequë marka y qewayoq sitiunkuna, Guibeton marka y qewayoq sitiunkuna, 24 Ayalon+ marka y qewayoq sitiunkuna, Gat-Rimon marka y qewayoq sitiunkuna. Llapanqa chusku markakunam karqan.

25 Këkunam karqan Manasespa pullan kastankunapita chaskiyanqan markakuna: Taanac+ marka y qewayoq sitiunkuna, Gat-Rimon marka y qewayoq sitiunkuna. Llapanqa ishkë markakunam karqan.

26 Cohatpa wakin kastankunaqa chunka markakunatam chaskiyarqan, y cada markapam qewayoq sitiunkuna kapurqan.

27 Levïpa kastankunapita Guersonpa familiankunaqa,+ Manasespa pullan kastankunapitam kë markakunata chaskiyarqan: Basanchö Golan markata+ y qewayoq sitiunkunata, Beesterä markata y qewayoq sitiunkunata. Llapanqa ishkë markakunam karqan. Tsëkunaqa accidentipa pitapis wanutseqkuna qeshpir ëwayänampaq akrayanqan markakunam karqan.

28 Këkunam karqan Isacarpa kastankunapita+ chaskiyanqan markakuna: Quision marka y qewayoq sitiunkuna, Daberat+ marka y qewayoq sitiunkuna, 29 Jarmut marka y qewayoq sitiunkuna, En-Ganim marka y qewayoq sitiunkuna. Llapanqa chusku markakunam karqan.

30 Këkunam karqan Aserpa kastankunapita+ chaskiyanqan markakuna: Misal marka y qewayoq sitiunkuna, Abdon marka y qewayoq sitiunkuna, 31 Helcat marka+ y qewayoq sitiunkuna, Rehob marka+ y qewayoq sitiunkuna. Llapanqa chusku markakunam karqan.

32 Neftalïpa kastankunapis, accidentipa pitapis wanutseqkuna qeshpir ëwayänampaq akrayanqan markakunatam+ entregayarqan: Galilëachö Quedes markata+ y qewayoq sitiunkunata, Hamot-Dor markata y qewayoq sitiunkunata, Cartan nir reqiyanqan markata y qewayoq sitiunkunata. Llapanqa kima markakunam karqan.

33 Guersonpa familiankunaqa trëci markakunatam chaskiyarqan, y cada markapam qewayoq sitiunkuna kapurqan.

34 Levïpa kastankunapita Merarïpa familiankunaqa,+ Zabulonpa kastankunapitam+ kë markakunata chaskiyarqan: Jocneam markata+ y qewayoq sitiunkunata, Cartä nir reqiyanqan markata y qewayoq sitiunkunata, 35 Dimnä markata y qewayoq sitiunkunata, Nahalal markata+ y qewayoq sitiunkunata. Llapanqa chusku markakunam karqan.

36 Këkunam karqan Rubenpa kastankunapita chaskiyanqan markakuna: Bëzer marka+ y qewayoq sitiunkuna, Jähaz marka y qewayoq sitiunkuna,+ 37 Quedemot marka y qewayoq sitiunkuna, Mefaat marka y qewayoq sitiunkuna. Llapanqa chusku markakunam karqan.

38 Gadpa kastankunanam,+ accidentipa pitapis wanutseqkuna qeshpir ëwayänampaq akrayanqan markakunata entregayarqan: Galaadchö+ Ramot markata y qewayoq sitiunkunata, Mahanäim markata+ y qewayoq sitiunkunata, 39 Hesbon markata+ y qewayoq sitiunkunata, Jazer markata+ y qewayoq sitiunkunata. Llapanqa chusku markakunam karqan.

40 Levïpa kastankunapita Merarïpa familiankunaqa, döci markakunatam chaskiyarqan.

41 Israelïtakunapa herenciankunachömi Levïpa kastankunaqa, cuarenta y öchu markakunata chaskiyarqan, y cada markapam qewayoq sitiunkuna kapurqan.+ 42 Y llapan chaskiyanqan markakunapa lädunchömi qewayoq sitiukuna karqan.

43 Tsënömi Jehovä Diosqa, unë awilunkunata äninqan markakunata israelïtakunata entregarqan.+ Tsënam pëkunaqa tsë markakunaman yëkuskir tsëchö kawakuyarqan.+ 44 Teyta Jehoväqa, unë awilunkunata äninqannömi, israelïtakuna kushishqa kawakuyänanta permitirqan.+ Y chikeqninkunaqa manam vencita puëdiyarqantsu.+ Jehovä Diosmi llapan chikeqninkunata venciyänampaq yanaparqan.+ 45 Israelïtakunata imëka allikunata äninqantam, Jehovä Diosqa ninqannölla llapanta cumplirqan.+

22 Tsëpitanam Josuëqa, Rubenpa kastankunata, Gadpa kastankunata y Manasespa pullan kastankunata qayatsirqan. 2 Y kënömi nirqan: “Qamkunaqa Jehoväpa sirweqnin Moises llapan mandakunqantam rurayarqunki,+ y noqatapis llapanchömi cäsuyämarqunki.+ 3 Kananyaqpis+ manam israelïta mayikikunata dejayarqunkitsu, Jehovä Diosnintsik llapan mandakunqantam cumpliyarqunki.+ 4 Y Jehovä Diosnintsikqa änimanqantsikta cumplirmi,+ israelïta mayikikuna tranquïlu kawakuyänanta permitishqa. Tsëmi kananqa, Jehoväpa sirweqnin Moises Jordan mayupa* wak tsimpanchö* entregayäshunqëki markëkikunaman* kutikuyta puëdiyanki.+ 5 Peru Jehovä Diosnintsiktam kuyayänëki,+ munanqannömi kawayänëki+ y mandakunqantam cäsukuyänëki.+ Manam pëpita rakikäyänëkitsu,+ llapan shonquykikunawan y llapan kawënikikunawanmi*+ sirwiyänëki.+ Tsëta rurarmi Jehoväpa sirweqnin Moises entregayäshunqëki Leyta y mandamientukunata cumpliyänëki”.+

6 Tsëpitanam Josuëqa, bendicïkunampaq Diosnintsikta mañakurirnin wayinkunata* kutikuyänampaq nirqan. Tsënam pëkunaqa kutikuyarqan. 7 Manasespa pullan kastankunataqa, Moisesmi Jordan mayuta* manaraq tsimpar Basanchö herenciankuna entregarqan.+ Y wakin kaqtanam Josuë entregarqan israelïta mayinkunatawan juntu Jordan mayupa inti o rupay jeqanan läduchö.+ Y wayinkunata* kutikuyänampaq niskirmi, Josuëqa bendicïkunampaq Diosnintsikman mañakurqan. 8 Kënömi nirqan: “Kananqa chikeqnikikunata vencirir tariyanqëki cösaskunata,+ mëtsika animalkunata, plätata, öruta, cobrita, fiërruta y mëtsika röpata aparkur wayikikunata* kutikuyë.+ Y apayanqëkitaqa israelïta mayikikunata rakipäyë”.

9 Tsëpitanam Rubenpa kastankuna, Gadpa kastankuna y Manasespa pullan kastankunaqa, Canaanchö këkaq Silö markachö israelïta mayinkunata dejarir, Galaadchö markankunaman kutikuyarqan.+ Sirweqnin Moisesta Jehovä Dios mandashqa kaptinmi,+ tsë markakunata herenciankuna chaskishqa kayarqan, y tsëchönam täkuyarqan.* 10 Tsëpitanam Rubenpa kastankuna, Gadpa kastankuna y Manasespa pullan kastankunaqa, Canaan këkanqan läduchö Jordan mayupa* kuchunman chëkurnin, juk jatun altarta rurayarqan. 11 Tsëpitanam israelïta mayinkunaqa, kënö parlëkäyanqanta+ wiyayarqan: “Rubenpa kastankuna, Gadpa kastankuna y Manasespa pullan kastankunam, Jordanchö, herenciantsik ushaqchö juk altarta rurayashqa, tsëqa këkan kë tsimpachömi, Canaan läduchö”. 12 Tsëta wiyarirmi israelïta mayinkunaqa, pëkunawan pelyaq ëwayänampaq Silö+ markachö juntakäyarqan.

13 Tsëpitanam israelïtakunaqa, sacerdöti Eleazarpa tsurin Finehasta+ mandayarqan, Galaadchö këkaq Rubenpa kastankunaman, Gadpa kastankunaman y Manasespa pullan kastankunaman ëwanampaq. 14 Finehaswanqa chunka nunakunam ëwayarqan. Y cada nunam Israelchö juk kastapa jutinchö ëwarqan. Tsë nunakunaqa papäninkunapa kastankunachö dirigeqkunam* kayarqan.+ 15 Galaadman chëkurnam, Rubenpa kastankunata, Gadpa kastankunata y Manasespa pullan kastankunata kënö niyarqan:

16 “Jehovä Diospa llapan sirweqninkunam kënö niyänaqpaq mandayämashqa: ‘¿Imanirtaq kë mana allita rurar+ Israelpa Diosninta traicionayarqunki? ¿Imanirtaq Jehovä Diosta dejarir juk altarta rurayarqunki y Teyta Jehoväpa contran churakäyarqunki?+ 17 ¿Manaku yarpäyanki Peor niyanqan sitiuchö pasanqanta? ¿Qonqariyarqunkinaku Teyta Jehovä castigaptin sirweqninkuna muyakoq* qeshyawan wanuyanqanta o wañuyanqanta? Tsë jutsata* rurayanqampitam kananyaq sufrikantsik.+ 18 ¿Tsënö pasakushqa këkaptinku qamkunaqa Jehovä Diosta dejarita munayanki? Jehoväta kanan dejariyaptikiqa, llapantsikmi castïguta chaskishun.+ 19 Kawëkäyanqëki markakuna Teyta Jehoväpa rikëninchö mana alli kaptinqa, Jehoväpa carpa* wayin+ këkanqan läduchö markakunaman pasakayämuy+ y noqakunawan quedakuyë. Peru ama Teyta Jehoväpa contran churakäyëtsu, ni Jehovä Diosnintsikpa altarnin këkaptin, juk mas altarta rurarnin culpayoqta tikratsiyämëtsu.+ 20 O ¿manaku yarpäyanki Zërahpa familian Acan+ ushakätsiyänampaq cösaskunata juk ishkëta quedatsikuptin, Diosnintsik llapan israelïtakunawan cölerakunqanta?+ Tsë jutsata* ruranqampitaqa manam pëllatsu wanurqan’”.+

21 Tsënam Rubenpa kastankuna, Gadpa kastankuna y Manasespa pullan kastankunaqa, Israelchö atska waranqa nunakunapa dirigeqninkunata kënö niyarqan:+ 22 “¡Alläpa puëdeq Jehovä Diosmi! Awmi, ¡alläpa puëdeq Jehovä+ Diosmi musyan! Y kananqa Israel nunakunapis musyayanqam. Teyta Jehoväpa contran churakashqa kayaptïqa o pëta dejarishqa kayaptïqa, ama kanan junaq salvayämätsuntsu. 23 Jehovä Diosta dejëta munarnin juk altarta rurashqa kayaptï o rupatsina qarëkunata, gränupita rurashqa qarëkunata o Dioswan amïgu kayanqäta rikätsikoq qarëkunata rupatsiyänäpaq rurashqa kayaptïqa, kikin Teyta Jehovämi juzgayämanqa.+ 24 Noqakunaqa manam tsëpaqtsu rurayarqö, sinöqa tiempu pasariptin wamrëkikuna noqakunapa wamräkunata kënö niyänanta mantsarmi: ‘¿Qamkunaqa ima derëchuyoqtaq kayanki Israelpa Diosnin Jehoväta noqakunawan juntu adorayänëkipaq? 25 Rubenpa kastankunata y Gadpa kastankunataqa, Jordan mayuwanmi* noqakunapita Jehovä Dios rakiyäshurqunki. Tsëmi qamkunaqa derëchuyoqtsu kayanki noqakunawan juntu Teyta Jehoväta adorayänëkipaq’. Tsënö nirmi qamkunapa wamrëkikunaqa, wamräkunata permitiyanqatsu Jehovä Diosta adorayänanta.

26 Tsëmi kënö niyarqä: ‘Ama tsënöllaqa dejarishuntsu, antis juk altarta rurashun. Tsëqa manam rupatsina qarëkunata ni pishtashqa animalkunata rupatsiyänäpaqtsu karqan, 27 sinöqa qamkuna, noqakuna y wamrantsikkunapis Diosnintsikpa sirweqnin kanqantsikta yarpätsimänapaqmi.+ Y Teyta Jehoväpaq rupatsina qarëkunata, pishtashqa animalkunata y Dioswan amïgu kayanqäta rikätsikoq qarëkunata+ noqakunapis rupatsiyanqäta yarpätsimänapaqmi. Tsënöpa wamrëkikuna noqakunapa wamräkunata shamoq tiempuchö kënö mana niyänampaq: “Qamkunaqa manam derëchuyoqtsu kayanki noqakunawan juntu Jehovä Diosta adorayänëkipaq”’. 28 Tsëmi kënö pensayarqä: ‘Noqantsikta o wamrantsikkunata warë warätin pëkuna tsënö nimashqaqa, kënömi nishun: “Rikäyë, Teyta Jehoväpa altarnin niraqta unë kastäkuna rurayanqan altarta. Tsëqa manam rupatsina qarëkunata ni pishtashqa animalkunata rupatsiyänampaqtsu karqan, sinöqa noqakunapis y qamkunapis Diospa sirweqnin kanqantsikta yarpätsimänapaqmi”’. 29 Carpa* wayimpa puntanchö Jehovä Diosnintsikpa altarnin këkaptinqa,+ manachi rupatsina qarëkunata, gränupita rurashqa qarëkunata ni pishtashqa animalkunata rupatsiyänäpaq juk altarta rurarnin Jehoväpa contran churakäyämantsu ni Jehoväta dejariyämantsu”.+

30 Rubenpa kastankuna, Gadpa kastankuna y Manasespa pullan kastankuna niyanqanta wiyarirqa, sacerdöti Finehas, markachö dirigeqkuna y atska waranqa nunakunata dirigeqkunapis tranquïlum quedariyarqan.+ 31 Tsënam sacerdöti Eleazarpa tsurin Finehasqa, Rubenpa kastankunata, Gadpa kastankunata y Manasespa pullan kastankunata kënö nirqan: “Kananqa allim musyayä Jehovä Diosnintsikta mana traicionayanqëkita, tsëmi Teytantsik Jehoväqa dejamarquntsiktsu, y Jehoväqa manam castigamäshuntsu”.

32 Tsëpitanam sacerdöti Eleazarpa tsurin Finehas y dirigeqkunaqa, Rubenpa kastankunata y Gadpa kastankunata Galaadchö dejarir, Canaanchö markankunaman kutikuyarqan y israelïta mayinkunatam ima pasanqanta willayarqan. 33 Tsëta wiyarirnam israelïtakunaqa tranquïlu quedariyarqan y Teyta Diosta alabayarqan. Y manam masqa parlayarqannatsu Rubenpa kastankunawan y Gadpa kastankunawan pelyaq ëwayänampaq ni markankunata ushakätsiyänampaq.

34 Y Rubenpa kastankuna y Gadpa kastankunaqa, tsë altarpa jutinmi churayarqan,* y kënömi niyarqan: “Kë altarqa, Teyta Jehovälla noqantsikpaq rasumpa Dios kanqantam yarpätsikun”.

23 Chikeqninkunapita salvarirmi, Jehovä Diosqa permitirqan israelïtakuna tranquïlu kawakuyänanta.+ Tsëpitaqa atska tiempunam pasashqa karqan y Josuëqa awkinnam karqan.+ 2 Tsënam Josuëqa llapan israelïtakunata,+ autoridäkunata, dirigeqkunata, juezkunata y oficialkunata qayëkatsir+ kënö nirqan: “Pasëpa* awkinnam kä. 3 Y qamkunaqa clärum rikäyarqunki cuidayäshurniki Jehovä Diosnintsik tsë llapan nacionkunata vencinqanta. Kikin Jehovä Diosnintsikmi qamkunata yanapayäshurniki pelyashqa.+ 4 Noqaqa Jordan mayupita* qallëkur hasta inti o rupay jeqanan läduchö Jatun lamaryaqmi,* ushakätsinqantsik+ nunakunapa markankunata y manaraq ushakätsinqantsik+ nunakunapa markankunatapis cada kastata sorteupa entregayarqoq.+ 5 Teyta Jehoväqa tsë markakunachö kawaq nunakunatam qarqurqan.+ Y qamkunaqa, Teyta Jehovä äniyäshunqëkinömi tsë markakunapa duëñun tikrayarqunki.+

6 Kananqa, Moises qellqanqan libruchö Teyta Diospa Leyninta cäsukuyänëkipaq+ y cumpliyänëkipaqmi valienti kayänëki. Tsë libruchö llapan mandakunqantam rurayänëki.+ 7 Y tsë markakunachö kawaq nunakunawanqa manam imëpis juntakäyänëkitsu.+ Y manam santunkunapa jutinta parlayänëkitsu,+ ni tsë santukunapa jutinchö imatapis änikuyänëkitsu. Ni manam tsë santukunaman qonqurikuyänëkitsu ni tsëkunata sirwiyänëkitsu.+ 8 Tsëpa rantinqa, kananyaq rurëkäyanqëkinömi Jehovä Diosnintsiktaqa imëpis dejayänëkitsu.+ 9 Kanan junaqyaqqa, manam ni pillapis venciyäshurqunkitsu.+ Tsënöllam Jehovä Diosqa, tsë markakunachö mëtsikaq y puëdeq nunakunatapis puntëkikunapita qarqunqa.+ 10 Jehovä Diosnintsikqa, äniyäshunqëkinömi+ yanapayäshurniki pelyanqa.+ Qamkunaqa, jukllaqllam mil nunakunata venciyanki.+ 11 Tsëmi Jehovä Diosnintsikta imëpis kuyayänëki.+

12 Peru Teyta Diosnintsikta dejarir tsë markakunachö nunakunawan juntakäyaptikiqa,+ y ollqu o warmi wamrankunawan casakuyaptikiqa,+ 13 manam Jehovä Diosnintsik yanapayäshunkinatsu ni tsë markakunachö nunakunata qarqunqanatsu.*+ Y pëkunam trampa cuenta, chikuti cuenta y nawikikunachö kasha cuenta qamkunapaq kayanqa.+ Tsëmi Teytantsik Jehovä entregayäshunqëki alli wayoq patsachöqa ni jukllëllapis quedayankitsu.

14 Kananqa wanukunäpaqnam këkä. Y qamkunaqa llapan shonquykikunawan y llapan kawënikikunawanmi* musyayanki Jehovä Diosnintsik llapan äniyäshunqëkita cumplinqanta. Llapampis biennikikunapaqmi kashqa, y llapan äniyäshunqëkim cumplikashqa.+ 15 Imanömi Teyta Jehoväqa llapan äniyäshunqëkita cumplishqa,+ tsënöllam Jehovä Diosnintsikqa parlanqanta cumplirnin castigayäshunki, hasta Jehovä Dios entregayäshunqëki alli wayoq patsachö ushakäyanqëkiyaq.+ 16 Jehovä Diosnintsik mandayäshunqëkita mana cumpliyaptiki, santukunaman qonqurikuyaptiki y pëkunata sirwiyaptikiqa, Jehovä Diosmi castigayäshunki.+ Y manam entregayäshunqëki alli wayoq patsachöqa ni jukllëllapis quedayankitsu”.+

24 Tsëpitanam Josuëqa, Israelchö llapan kastakunata Siquem markachö juntakäyänampaq nirqan. Y autoridäkunata, dirigeqkunata, juezkunata y oficialkunatam qayatsirqan.+ Tsënam pëkunaqa, Teyta Diospa* puntanman juntakäyarqan. 2 Tsënam Josuëqa llapan israelïtakunata nirqan: “Israelpa Diosnin Jehovämi kënö nin: ‘Unë witsanqa Eufratis mayupa* wak tsimpanchömi unë awiluykikuna+ kawayarqan.+ Tsëchömi Abrahanpa y Nacorpa papänin Tarëpis kawarqan. Pëkunaqa santukunatam adorayarqan.+

3 Tiempu pasariptinnam, unë awiluykikuna Abrahanta+ mandarqä Eufratis mayupa* wak tsimpampita ëwakunampaq. Y Canaan markakunapam puritsirqä y familian miranantam permitirqä.+ Tsurin Isaacmi yurirqan,+ 4 tsëpitanam Isaacpa tsurinkuna Jacobwan Esaü+ yuriyarqan. Esaütam Seir jirkata herencian entregarqä,+ y Jacobwan tsurinkunanam Egiptuman uräyarqan.+ 5 Tiempu pasariptinnam, Moisestawan Aaronta+ Egiptuman mandarqä. Y egipciu nunakunatam imëkawan castigarqä.+ Tsëpitanam qamkunata pushamurqä. 6 Y unë kastëkikunata Egiptupita pushamuptï+ y Puka lamarman chäriyaptikim, egipciu soldädukunaqa cawallunkuna montashqa y guërrapaq carrëtankunawan, unë kastëkikunata Puka lamaryaq qatipayämurqan.+ 7 Tsënam unë kastëkikunaqa, noqa Jehoväman qayakayämurqan.+ Tsëmi noqaqa qamkunata salvanäpaq egipciu nunakunapa puntanman yana pukutëta churarqä. Tsëpitanam egipciukunata lamar yakuwan tsaparkurqä.+ Y qamkunaqa Egiptuchö llapan ruranqätam rikäyarqëki.+ Tsëpitanam atska watakunapa tsunyaq sitiuchö kawayarqëki.+

8 Tsëpitanam Jordan mayupa* wak tsimpanchö* amorreu nunakuna kawayanqan markankunaman pusharqä, y pëkunam qamkunawan pelyayarqan.+ Tsë nunakunata wanuratsir markankunapa duëñun tikrayänëkipaqmi qamkunata yanaparqä, y rikëkäyaptikim llapankunata ushakätsirqä.+ 9 Tsëpitanam, Moabchö gobernaq y Ziporpa tsurin Balac qamkunawan pelyarqan. Pëqa maldiciyäshunëkipaqmi Beorpa tsurin Balaamta mandamurqan.+ 10 Peru noqaqa manam Balaamta wiyarqätsu.+ Tsëmi pëqa kutin kutin bendiciyäshurqëki,+ tsënömi pëkunapita qamkunata salvarqä.+

11 Tsëpitanam Jordan mayuta*+ tsimparir Jericö markaman+ chäyarqëki. Tsënam amorreu, perizïta, cananeu, hitïta, guirgaseu, heveu y jebuseu nunakuna y Jericöchö nunakuna* qamkunawan pelyayarqan, y noqam pëkunata venciyänëkipaq yanaparqä.+ 12 Qamkunata mantsayäshunëkipaqmi permitirqä, tsëmi pëkunaqa, amorreu nunakunapa ishkë gobernantinkunanöpis qamkunapita qeshpir ëwakuyarqan.+ Manam espädëkikunawantsu ni flëchana arcuykikunawantsu venciyarqunki, sinöqa noqa yanapaptïmi.+ 13 Tsënömi imatapis mana rurëkäyaptiki listu chakrakunata y listu markakunata herenciëkikuna entregarqä,+ y tsëkunachömi yachakäyarqëki. Y mana plantakushqa këkarmi, üvas y olïvus wayunqantapis mikuykäyanki’.+

14 Tsëmi Jehovä Diosnintsikta respetayänëki y limpiu shonquykikunawan sirwiyänëki.+ Eufratis mayupa* wak tsimpanchö y Egiptuchö unë kastëkikuna adorayanqan santukunatam ushakätsiyänëki,+ y Teyta Jehovällatam sirwiyänëki. 15 Peru Teyta Jehoväta mana sirwita munarqä, kanan akrakuyë pita sirwiyänëkipaq kaqta:+ Eufratis mayupa* wak tsimpanchö+ unë kastëkikuna adorayanqan santukunata kar o kanan këkäyanqëki markakunachö amorreu nunakuna adorayanqan santukunata karpis.+ Peru noqawan familiäqa, Jehovä Diostam sirwiyäshaq”.

16 Tsënam israelïtakunaqa kënö niyarqan: “Noqakunaqa manam Jehovä Diosta imëpis dejayäshaqtsu ni santukunata sirwiyäshaqtsu. 17 Noqantsikta y unë kastantsikkunataqa, Jehovä Diosnintsikmi Egiptuchö+ esclävu kanqantsikpita salvamarqantsik.+ Rikëkashqam imëka milagrukunata rurarqan.+ Y pasamunqantsik markakunachö nunakunapita y shamunqantsik nänichöpis imëkapitam ciudamarqantsik.+ 18 Teyta Jehovämi kanan këkanqantsik markakunata y amorreu nunakunapa markankunapa duëñun tikranapaq yanapamarquntsik. Tsëmi noqakunapis Teyta Jehovällata sirwiyäshaq, pëllam Diosnintsikqa”.

19 Tsënö niyaptinmi, Josuëqa israelïtakunata kënö nirqan: “Qamkunaqa manam Jehovä Diosta sirwita puëdiyankitsu. Pëqa alläpa limpiu Diosmi,+ y pëllata adorayänantam munan.+ Y manam pantayanqëkikunata* ni jutsëkikunata* perdonayäshunkitsu.+ 20 Jehovä Diosta dejarir juk nacion nunakunapa santunkunata sirwiyaptikiqa, qamkunapaq imëka allikunata rurashqa këkarpis, castigayäshunkim y ushakätsiyäshunkim”.+

21 Tsënam israelïtakunaqa Josuëta niyarqan: “Noqakunaqa Teyta Jehovätam sirwiyäshaq”.+ 22 Josuënam israelïtakunata nirqan: “Qamkunaqa kikikikuna munarmi Jehovä Diosta sirwiyänëkipaq decidiyarqunki. Tsëtaqa kikikikunam testïgu kayanki”.+ Y pëkunaqa, “awmi, ¡testïgum kayä!” niyarqanmi.

23 Tsënam Josuëqa nirqan: “Tsëqa, kanan adorëkäyanqëki juk nacion nunakunapa santunkunata ushakätsiyë, y Israelpa Diosnin Jehoväta llapan shonquykikunawan sirwiyë”. 24 Tsënö niptinmi israelïtakunaqa Josuëta niyarqan: “Jehovä Diosnintsiktam sirwiyäshaq, y llapan niyämanqantam cäsukuyäshaq”.

25 Tsë kutim Josuëqa Siquem markachö, imata rurayänampaq kaqta llapan israelïtakunawan parlarir, juk acuerduta rurarqan y juk leyta patsätsirqan. 26 Tsëpitanam Josuëqa llapan parlanqankunata Teyta Diospa Leynin këkanqan libruman qellqarqan,+ y Teyta Jehoväpa carpa* wayin lädunchö jatun montipa o qerupa chakinmanmi jatun rumita churarqan.+

27 Tsëpitanam Josuëqa israelïtakunata nirqan: “Rikäyë, kë rumim Teyta Dios llapan nimanqantsikpita testïgu kanqa,+ kë rumita rikarmi yarpäyanki Jehoväta imëpis mana dejayänëkipaq”. 28 Tsëpitanam Josuëqa israelïtakunata ëwakuyänampaq nirqan, y cada ünum herenciankunaman kutikuyarqan.+

29 Tsëpitanam Jehovä Diospa sirweqnin Josuëqa, cientu diez watayoq këkar wanukurqan o wañukurqan, pëqa Nunpa tsurinmi karqan.+ 30 Y herencian chaskinqan Timnat-Sërah+ markachömi pampayarqan. Tsëqa Gaas jirkapa norti lädunchö Efrainpa kastankunata tocanqan jirkakunachömi karqan. 31 Josuë kawanqan tiempu y israelïtakunapaq Jehovä Dios llapan ruranqanta musyaq dirigentikuna kawayanqan tiempuqa, israelïtakunaqa mana dejëpam Teyta Jehoväta sirwiyarqan.+

32 Egiptupita apayämunqan Josëpa tulluntaqa,+ Hamor jutiyoq nunapa tsurinkunapita Jacob rantinqan chakrachömi israelïtakuna pampayarqan. Tsë chakrataqa, Josëpa tsurinkunata+ tocanqan Siquem markachömi cien pläta qellëwan rantirqan.+ Hamorqa+ Siquem nunapa papäninmi karqan.

33 Tsëpitanam Aaronpa tsurin Eleazarpis+ wanukurqan. Y Finehaspa+ jirkan nir reqiyanqan sitiuchömi pampayarqan (Finehasqa Eleazarpa tsurinmi karqan). Finehaspa jirkanqa, Efrainpa kastankunata tocanqan jirkakunachömi karqan.