39 a 43 kaqchö imakunapaq willakunqan

Këchöqa Gobernaq Saulpita y Gobernaq Davidpitam yachakushun, cäsi 80 watakunachö pasakunqantam yachakushun. Saulqa puntataqa humildi y cäsukoqmi karqan, peru tsëpitaqa mana cäsukoqmi tikrakurirqan. Tsëmi Jehoväqa Saul gobernanti kananta munarqannatsu, y Samueltam nirqan Davidna gobernaq kanampaq kaqta. Tsëmi Saulqa Davidta chikiparnin wanutsita munarqan, peru Davidqa manam vengakurqantsu. Saulpa tsurin Jonatanqa musyarqanmi Davidtana Jehovä akranqanta, tsëmi pëta yanaparqan. David ruranqan jutsaqa alläpa grävim karqan, peru alli portakunampaq Jehovä consejanqantaqa chaskikurqanmi. Wamrëkikuna kaptinqa, yachatsi Diosnintsik decidinqankunata respetanantsik allipaq kanqanta.