¿Ima qarëtataq Jehoväta qarashwan?

JUK kutim Jesus kënö nirqan: “Imatapis [qarakïmi] imata chaskipitapis mas kushikïtaqa apamun” (Hëch. 20:35). Tsëqa cumplikan Jehoväwan amïgu kanqantsikchömi. ¿Imanirtaq tsënö nintsik? Jehoväqa imëkatam qomarquntsik kushishqa kanapaq, peru mas kushishqaqa kashun noqantsikpis pëta qararninmi. Y ¿imatataq qarëta puëdintsik? Proverbius 3:9 textum kënö nin: “Jehoväta alabë tukï väleq cösasnikikunawan”. Tsë ‘väleq cösasnintsikkunaqa’ kayan, tiempuntsik, imata rurëta yachanqantsik, kallpantsik y kapamanqantsik cösaskunam. Jehoväpita yachatsikï më tsëman chänampaq kapamanqantsikkunawan yanapakurninqa, Jehovätam juk qarëta rurëkantsik y tsëqa alläpam kushitsimantsik.

¿Imataq yanapamäshun kapamanqantsikkunata mana qonqarlla Jehoväta qaranapaq? Apostol Pablum Corintu cristiänukunata nirqan, ‘kayäpuyanqampita ëkallatapis rakiyänampaq’ (1 Cor. 16:2). Täranqëki sitiuchö qellënikiwan imanö yanapakunëkipaq kaqta masllata musyëta munarqa, jawanchö këkaq recuadruta rikäri.

Wakin nacionkunachöqa manam puëdiyantsu Internetpa qellënikikunawan yanapakïta. Tsënö kaptimpis, donate.jw.org nishqan päginachöqa juknöpapis qellënintsikwan yanapakïta puëdinqantsiktam tarintsik. Y wakin nacionkunachöqa kë päginachömi qellënikiwan yanapakunëkipaq tapukïnikipa respuestanta tarinki.