Alli yachatsikoq kë: estudiantikunata yanapë yachatsikuyänampaq

¿Imanirtaq alläpa precisan? Jesuspa mushoq discïpulunkunaqa ‘llapan mandacungancunata’ cäsukïtam yachakuyänan, jukqa rasumpa kaqta yachatsikïmi (Mat. 28:19, 20, NTCN). Mëtsikaq estudiantikunam Yachatsikunapaq Diospa Escuëlanchöna këkäyan y itsa kastankunata y amïgunkunata Diospita yachëkätsiyanna. Ichikllapa ichikllapam yachakïkäyanqanta mas kuyayanqa. Jehoväqa munan llapan nunakuna alli willakïninta musyayänantam y tsëta alli entiendirirqa, itsa pëkunapis niyanqa yachatsikoq yarqïta munayanqanta, tsëqa Diospa kaqchö poqïkäyanqantam rikätsikun (Rom. 10:13, 14). Congregacionwan yachatsikuyänampaq aprobariyaptinqa, alli preparakïtam wanayanqa, tsëmi yanapanqa mana mantsapakuyänampaq (Lüc. 6:40).

¿Imanötaq rurashwan?

Mushoq publicadorta yanapë yachatsikunampaq wananqan publicacionkunata jorqunampaq. Maletinnikichö o cartërëkichö puritsinqëki publicacionkunata rikäratsi y entiendiratsi cada publicacion imapaq yanapakunqanta.
Diospita Yachatsikunapaq höjachö “Imanö yachatsikunapaq” neqpita mëqanllatapis akrarir yachakuriyë. Benefíciese librupa 82 kaq päginanchö këkaq marco de circunstancias nishqanta territoryïki wananqanmannö akrarir utilizäyë. Estudiantita yanapë entiendinqampita yachatsikunampaq. Shumaq y sencïllulla vistikï alläpa precisanqantapis yarpäratsi (2 Cor. 6:3, 4).
Preparakurqa mastaran ruranantsik. Congregacionnikipa territoriumpa tarjëtanta rikäratsi y animari registro de casa en casa nishqanta imëpis puritsinampaq, y yachakïta munayaptin tsëman qellqanampaq. Yachatsikïta mas munanampaq yanapë (1 Cor. 3:6). Buenas nuevas para gente de todas las naciones neq follëtuta y jw.org päginata imanö utilizänampaq kaqta yacharatsi.
Pacienciakoq kë, y felicitë rurëkanqampita (Prov. 25:11). Rurënikiwan yachatsi. Mushoq publicadorqa manam qonqanqatsu kuyëllapa yanapanqëkita y kushishqa yachatsikunqëkita.

Entëru killachö këta rurëta procurë:

Estudiantikiwan wayin wayin yachatsikoq yarquyë y yachakïta munaqkunata watukaq o estudiu biblicuta dirigeq ëwayë. Estudiantiki mana kaptinqa, congregacionchö mushoq publicadorta niri yanaqäshunëkipaq.