Diospa Palabrampita japallantsik yachakunapaq tiemputa patsätsishun

¿IMANIRTAQ PRECISAN? Dios imanö kanqanta, imaman pensanqanta y imata munanqanta musyanapaqqa, Palabrampita japallantsik yachakunqantsikmi yanapamäshun (Ef 3:18). Jina kanan witsan nunakuna mana allikunata rurëkäyaptimpis, culpannaq y limpiu shonquyoq kanapaq, y “Diospa kawatsikoq palabrampita” alli musyanapaqmi yanapamäshun (Flp 2:15, 16). Japallantsik Diospa Palabrampita yachakurqa, imata yachakunapaq kaqtapis kikintsikmi akrëta puëdintsik. Tsëqa, ¿Bibliata leyinapaq y estudianapaq patsätsinqantsik tiemputa alliku utilicëkantsik?

¿IMANÖTAQ RURASHWAN?

• Papelchö, tabletchö o celularchö katsirpis, estudianqantsik Bibliapa wakin versïculunkunata marcar y kuchunkunaman qellqarmi.

• Leyinqantsik höra kë tapukïkunaman pensarmi: “¿Pitaq?”, “¿imataq?”, “¿mëchötaq?”, “¿imëtaq?”, “¿imanötaq?” y “¿imanirtaq?”.

• Tukïnöpa shumaq yachakurninmi. Yachakïta munanqantsikta o Bibliapa juk versïculumpitaqa, Diospa markan jorqamunqan yanapakïkunawanmi yachakïta puëdintsik.

• Leyikanqantsik imanö yanapamanqantsikman yarpachakurmi.

• Yachakunqantsikmannö rurarmi (Lü 6:47, 48).

JAPALLANTSIK DIOSPA PALABRANTA ESTUDIANQANTSIKQA ALLÄPAM YANAPAMANTSIK NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Japallankuna Bibliapita yachakuyanqan imanö yanapëkanqantataq wakinkuna niyan?

• ¿Imanirtaq mañakunantsik manaraq yachakur qallarnin?

• ¿Imaraq yanapamäshun Biblia ninqanta alli käyinapaq o mayanapaq?

• Yachakunapaq utilizanqantsik Bibliachö churanqantsik marcakunaqa, ¿imanötaq yanapakun?

• ¿Imanirtaq precisan Diospa Palabrampita yachakur alli pensanantsik?

• ¿Imatataq ruranantsik yachakunqantsikwan?