Mayutam patsa ushakäratsin

Unëpita patsëmi autoridäkunaqa Diospa sirweqninkunata yanapayashqa (Esd 6:1-12; Est 8:10-13). Kanan witsampis wakin autoridäkunaqa yanapakuyashqam, Diospa sirweqninkunata Diablu sufritsiptin (Rev 12:16). Salvakoq Diosnintsik Jehoväqa, mëtsika kutim autoridäkunata utilizashqa, sirweqninkunata llapan chikeqninkunapita salvanampaq (Sl 68:20; Pr 21:1).

Sitsun Diosta sirwinqëkirëkur carcelarëkanki o sufrikanki, ama qonqëtsu Jehoväqa yanapashunkim (Ge 39:21-23; Sl 105:17-20). Y yarpë, Diosqa manam qonqanqatsu pëta sirwinqëkirëkur imëkapa pasanqëkipita, y tsarakunqëkiqa creikoqkunatapis yanapanqam (Flp 1:12-14; Rev 2:10).

CORËA NACIONCHÖ WAWQINTSIKKUNA CARCELPITA YARQUYAN NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Imanirtaq Corëa nacionchöqa wawqikuna mëtsika watakunapa carcelaräyarqan?

• ¿Imanirtaq autoridäkunaqa wawqikunata libri jaqiyarqan?

• ¿Imanötaq juk nacionkunachö carcelarëkaq wawqintsikkunata yanapashwan?

• ¿Imanötaq libri kënintsikta alli utilizashwan?

• ¿Pitaq alabashqa kanman wawqintsikkunata autoridäkuna libri jaqiyanqampita?