Nunakuna rurayanqanta ama qatishuntsu

23:1-3

Unë witsan juk nuna juiciuchö kaptinqa, manam juezkuna ni qayatsiyanqan testïgukuna mana kaqpita tumpar acusayänantsu karqan. Tsëtam Diosnintsik sirweqninkunata cläru mandarqan. Juezkunaqa llapankunatam igualpa juzgayänan karqan y manam nunakuna niyanqanta cuentaman churarllatsu pitapis acusayänan karqan. Kanan witsan nunakunaqa pëkunanö imatapis ruranapaq o pëkuna pensayanqannö pensanantsiktam munayan. Tsëmi kallpachakunantsik wakinkuna rurayanqanta mana qatinapaq y tsëtam Bibliachöqa nimantsik (Ro 12:2).

¿Imanirtan allitsu kanman...

• ... nunakuna wakinkunapaq mana allita parlayaptin o wasankuna rimayaptin wiyaräkunqantsik?

• ... wakin nunakunanölla vistikunqantsik o altsapäkunqantsik?

• ... mëpita kayanqanrëkur, ima costumbriyoq kayanqanrëkur o waktsa kayanqanrëkur nunakunata mana allipa rikëqa?