29 DE ENËRUPITA 4 DE FEBRËRUYAQ

BIBLIAPITA ALLI YACHAKUNAPAQ

1. Job pasanqankunapitaqa, ¿imatataq yachakuntsik?

(10 min.)

Jehovä pensanqankunataqa manam llapanta entiendita puëdintsiktsu, tsëtam cuentachö katsinantsik (Job 42:1-3; w10 1/10 päg. 11 pärrk. 4-6).

Jehovä y sirweqninkuna consejamashqaqa kushishqam chaskikunantsik (Job 42:5, 6; w17.06 päg. 25 pärr. 12).

Mana allikunapa pasëkarpis sirweqninkuna sirwir sïguiyaptinqa Jehoväqa bendicinqam (Job 42:10-12; Snt 5:11; w22.06 päg. 25 pärrk. 17, 18).

Jobwan warminmi jirkachö kushishqa këkäyan. Jobmi wayinta y animalninkunata makinwan señalëkan. — Jehoväqa Jobtam bendicirqan mana dejëpa sirwinqampita.

2. Imakunata yachakunqantsik

(10 min.)

Job 42:7. Jobpa kiman amïgunkunaqa, ¿pipaqtan mana allita parlëkäyarqan, y tsëqa imanötan yanapamantsik noqantsikpita burlakuyaptin? (it-1-S päg. 377 pärr. 5).

Respuesta
Kë semäna Bibliata leyir, ¿yachakurqunkiku Jehovä imanö kanqanta, imanö yachatsikunëkipaq kaqta o imatapis masta?

Respuesta

3. Bibliata leyi

(4 min.) Job 42:1-17 (th 11 kaq yachatsikï).

ALLI YACHATSIKUNAPAQ

4. Parlapar qallanëkipaq

(3 min.) WAYIN WAYIN YACHATSIKUR. Mana religionyoq nunawan o warmiwan parlar (lmd 5 kaq yachakunapaq kaqchö 3 kaq).

5. Bibliapita yachatsinëkipaq

(5 min.) lff “13 kaq yachakunëkipaq” neqchö 6, 7 kaqwan y “Wakin ima niyanqan” neqwan yachatsikuy (lmd 11 kaq yachakunapaq kaqchö 4 kaq).

6. Juk wawqim këta yachatsikamunqa

(4 min.) Imd neq follëtuchö “Masllata musyanapaq A” neqchö 2 kaq. Patsaqa manam imëpis ushakanqatsu (th 13 kaq yachatsikï).

DIOSNINTSIKTA ALLI SIRWINAPAQ

7. Jehovä kuyakoq kanqanta rikäyänampaq jukkunata yanapashun

(15 min.) Wiyaqkunapis parlakarayämunqam.

“Jehovä Diospa markanmi kuyakoq kë ima kanqanta rikätsiyämashqa” neq videupita fötu. Mimiwan mamäninmi hospitalchö këkaq juk panita wëtankunawan watukaq ëwayashqa.

¡Kuyakoq Diosta adorëqa alläpa shumaqmi! (1Jn 4:8, 16). Kuyakoq kaptinmi pëwan amïgu këta munantsik y manam imapis pëpita rakimänantsikta permitinantsiktsu. Sirweqninkunam kantsik y pëqa alläpam kuyamantsik.

Mëchö karpis Jehovänö kuyakoq kanapaqmi kallpachakunantsik, familiantsikchö, wawqi panintsikkunawan y juk nunakunawampis (Job 6:14; 1Jn 4:11). Kuyakoq kashqaqa jukkunatapis yanapanqam Jehoväta reqiyänampaq y amïgun kayänampaq. Peru mana kuyakoq kashqaqa manam Jehovä kuyakoq kanqanta rikäyanqatsu.

Jehovä Diospa markanmi kuyakoq kë ima kanqanta rikätsiyämashqa neq VIDEUTA rikärir, këta tapuy:

Lei y Mimi jutiyoq panikuna pasayanqampitaqa, ¿imatataq yachakuntsik kuyakoq këpaq?

Respuesta

¿Imanötan wawqi panintsikkunata yanapashwan Jehovä pëkunata kuyanqanta musyayänampaq?

Jehovä rikanqannö rikarnin (Sl 100:3).
Kuyëpa y shumaq parlaparnin (Ef 4:29).
Ima mana allipa pasayaptimpis entiendirnin (Mt 7:11, 12).

8. Bibliapita yachakunapaq libru

(30 min.) bt “5 kaq yachakunapaq” pärrk. 1-8 y 43 kaq päginachö recuadru.