‘Cäsukoq këtam yachakurqan’

Jesusqa Teytan Jehovä ninqantam imëpis cäsukoq (Juan 8:29). Tsëqa, ¿imanirtan Bibliachöqa, “imëkata sufrishqa karmi cäsukoq këta yachakurqan” nin? (Heb. 5:8).

Jesusqa imëkapam kë Patsachö këkar pasarqan. ¿Imakunapatan pasarqan? Papänin Josë y mamänin Marïaqa Jehoväta kuyarpis, jutsa ruraqllam kayarqan, peru Jesusqa llapanchömi pëkunata cäsukurqan (Lüc. 2:51). Mandakoq sacerdötikuna y gobernantikunapis imëkata rurarmi sufritsiyarqan (Mat. 26:59; Mar. 15:15). Y hasta alläpa sufritsirmi wanutsiyarqan. Bibliachömi Jesuspaq kënö nin: “Humillakurmi [...] sufrimientu qeruchö wanunqanyaq cäsukoq karqan” (Filip. 2:8). Jesusqa manam ciëluchö këkar tsëkunapaqa pasashqatsu karqan.

Kë Patsachö këkar pasanqankunam Jesustaqa yanaparqan masraq Teytanta cäsukunampaq. Imëkapa pasarnin cäsukoq këta yachakushqa karmi Gobernanti y Mandakoq Sacerdöti këman charqan, tsëmi alli entiendimantsik (Heb. 4:15; 5:9). Jesustaqa, sufrimientukunapa pasar cäsukoq këta yachakushqa kaptinmi Teytan Jehovä masraq valorarqan. Tsënöllam noqantsiktapis Teyta Jehoväqa, imëkapa pasarpis mandakunqankunata cäsukushqaqa masraq valoramäshun (Sant. 1:4).