Manam familiachö respetanakuyannatsu
¿IMANIRTAN FAMILIANTSIKTA RESPETASHWAN?
Familiachö respetanakurqa ollqu kaq, warmi kaq y wamra kaqkunapis kushishqam kawakuyan.
Siete reglas de oro para vivir en pareja neq librum willakun casädukuna rasumpa respetanakurqa, “imatapis kuyakoq karnin rurayanqanta” (traducción de Sonia Tapia Sánchez).
Investigaq nunakunam willakuyan, respetakoq wamrakunaqa imatapis mas confianzawan rurayanqanta, papäninkunawan mas amïgu kayanqanta y imapaqpis alläpa mana yarpachakuyanqanta.
¿IMATATAQ RURANKIMAN?
Respetakoq kayänëkipaq llapan familiëkiwan parlë. Peru tsëpaqqa, allim musyanëki respetakoq kë imanö kanqanta. Tsëpitana apuntë cada ünu imata ruranampaq kaqta y imanö portakuyanqëki mana alli kanqanta. Tsëpitana parlayë respetakoq kayänëkipaq imakunata rurayänëkipaq kaqta.
Puntataqa qammi respetakoq kanëki. Kënömi pensanëki: “¿Pantayanqantaku familiäta imëpis yarpätsï? ¿Pensayanqankunata niyämaptinqa burlaküku? Imatapis parlapäyämaptinqa, ¿manaku cäsupä? Y parlapäyämaptinqa, ¿noqaku masqa parlä?”. Respetayäshunëkita munarqa, qammi puntataqa respetakoq kanëki.
Këtam cuentachö katsinëki: Manam pensanëkitsu pëkuna respetayäshuptikiraq qampis respetanëkipaq kaqta. Tsëpa rantinqa, qammi puntataqa respetanëki pëkuna respetayäshunëkipaq.
Imachö mana acuerdu karpis, respetanakuyänëkim. Manam kënöqa ninakuyänëkitsu: “Qamqa imëpis tsënöllam...” o “qamqa manam imëpis...”. Tsënö ninakurqa llakitsinakuyankim y ichik problëmallapitam mas problëmaman chäyanki.
¿IMATATAQ JEHOVÄPA TESTÏGUNKUNA RURAYÄ?
Jehoväpa testïgunkunaqa familiäkunawan respetanakuyämi. Tsëpaqmi Testïgukunaqa librukunata, follëtukunata y videukunata rurayämushqa. Tsëkunata yachakuyanqämi familiachö respetanakuyänäpaq yanapayäman. Tsë publicacionkunataqa grätisllam tarita puëdinki.
CASÄDUKUNAPAQ: “Ayuda para las familias” neq yachatsikuykunaqa casädu ollquta y casäda warmitapis yanapanmi...
... majan parlapaptin shumaq wiyanampaq.
... cöleraskir mana parlapar mana kakunampaq.
... mana discutiyänampaq.
(Tsë publicaciontaqa tarita puëdinki jw.org päginachömi “Ayuda para las familias” neqchö).
PAPÄKUNAPAQ Y MAMÄKUNAPAQ: “Ayuda para las familias” neq yachatsikuykunaqa papäkunata y mamäkunatapis yanapanmi wamrankunata...
... cäsukoq këta yachatsiyänampaq.
... wayichö yanapakuyta yachatsiyänampaq.
... “por favor” y “gracias” nïta yachatsiyänampaq.
(Tsë yachatsikuykunataqa tarita puëdinki jw.org päginachömi; ashiri “La educación de los hijos” o “Hijos adolescentes” neq yachatsikuykunata).
Tsënöllam Lo que los jóvenes preguntan. Respuestas prácticas (volumen 1) neq libruchöpis apendice neqchö, “Los padres preguntan” neq yachatsikuyta tarita puëdinki.
JÖVINKUNAPAQ: Jw.org päginachömi “Mayorna y wamrallaraq jövinkunapaq” neq yachatsikuyta tarinki. Tsëchö këkaq yachatsikuykuna y videukunam jövinkunata yanapanqa...
... papäninwan, mamäninwan, wawqinkunawan y paninkunawan respetanakuyänampaq.
... papäninkuna mandayanqanta respetayänampaq.
... pëkunaman papäninkuna confiakuyänampaq imata rurayänampaq.
(Jw.org päginachö ashiri “Mayorna y wamrallaraq jövinkunapaq” neqta).
Jw.org päginaqa grätisllam. Utilicëta munarqa, manam pagakunëkitsu ni jutikitapis churanëkitsu.