14 KAQ CANCION
Mushoq Reyta alabëkushun
1. Diospa Gobiernunmi
ciëluchöqa patsakärishqa.
Tukïläya nunakunam
lädunman churakäyan.
Alläpa kushishqam llapan
juk markanölla këkäyan.
Ichikllachönam kë Patsaqa
juk shumaq huertana kanqa.
(CÖRU)
Llapantsik juk kastanölla alabëkushun
Jehovä Diostawan Tsurinta.
Kananqa Jesusnam Rey y Señor
llapantsikpaq tikrashqa.
2. Llapan mana alli rurëkunam
ushakärinqa.
Peru manshu kaqkunaqa
kushishqam kawayanqa.
Juk mushoq salvakoqmi kan,
pëqa Reynintsik Jesusmi.
Alli kawëtam apëkämun
kushishqa kawakunapaq.
(CÖRU)
Llapantsik juk kastanölla alabëkushun
Jehovä Diostawan Tsurinta.
Kananqa Jesusnam Rey y Señor
llapantsikpaq tikrashqa.