Jesus wanunqanta yarpäshun

1. Jehovä, Israel markëkitam

juk achkaspa yawarninwan

kuyakoq, puëdeq, alli ruraq y yachaq

karnin unë librarqëki.

Kuyë Tsurikipis tsënöllam

jutsapita pagakurnin

yawarninta noqakunapaq ramarqan,

tsënöpa librayämänampaq.

2. Kanan paqasmi llapäkuna

ëllurëkäyä Teytallä.

Tsuriki ruranqantam

yarpätsiyäman

kë vïnuwan kë tantaqa.

Jesusqa jutsapa chanintam

kawëninwan pagakurqan.

Sitsun llapantsik

wiyakoq kashun, tsëqa

mana wanushpanam kawashun.

3. Jehovä, llapämi shayämurqö

qamta alabayänaqpaq.

Jesusmi noqakunarëkur

wanurqan

salvashqana kayänäpaq.

Tsëmi Tsurillëki Jesusnö

wiyakoq këta munayä.

Qampa kuyakoq kënikitaqa manam

imëpis qonqalläyäshaqtsu.