6 KAQ YACHAKUNËKIPAQ
¿Pitan llapantapis kamashqa?
“Teyta Dios, qamllam kawatsiyämanki” (Salmus 36:9). ¿Bibliachö tsënö ninqanta creinkiku? Wakin nunakunaqa niyan pipis mana kamamanqantsikta, y imëkapis kikinlla rurakashqa kanqantam. Tsënö kaptinqa, ¿musyashwantsuraq imapaq kawanqantsikta? Peru Jehovä Dios kamamashqantsik karqa, ¿manatsuraq imarëkurpis kamamarqantsik?a Bibliachömi willakun Jehovä Dios llapantapis kamashqa kanqanta. Tsë willakunqan rasumpa o mana rasumpa kanqantam këchö yachakunki.
1 KAQ: ¿Ciëluta y Patsataqa pitan kamarqan?
Bibliachömi nin: “Qallananchöqa, Teyta Diosqa ciëluta y patsatam kamarqan” (Genesis 1:1). Cäsi llapan cientïficukunam niyan ciëluta y Patsataqa pipis kamashqa kanqanta. Diosmi ciëluta, Patsata y tsëchö llapan kaqkunata ‘poderninwan’ kamarqan (Genesis 1:2).
2 KAQ: ¿Imapaqtan Jehovä Diosqa Patsata kamashqa?
Kikin Jehovämi Bibliachö nin: “Patsataqa manam mana kaqllapaqtsu kamarqö, sinöqa nunakuna tsëchö kawayänampaqmi” (Isaïas 45:18). Diosqa Patsata kamashqa nunakuna tsëchö imëpis shumaq y kushishqa kawakuyänampaqmi (leyi Isaïas 40:28, y 42:5). Cientïficukunaqa niyan Patsaqa nunakuna kawayänampaq rurakashqa kanqantam.
3 KAQ: ¿Imanirtan nunakunaqa animalkunapita jukläya kantsik?
Patsata Jehovä kamarqa plantakunata y animalkunatam puntata kamarqan. Tsëpitaran ‘Teyta Diosqa kikin niraqta nunata kamarqan’ (leyi Genesis 1:27). Tsëqa, ¿imanirtan nunakunaqa animalkunapita jukläya kantsik? Kikin niraqta Diosnintsik kamamashqantsik kaptinmi. Tsëmi Diosnintsik Jehovänö kuyakoq kantsik, y nuna mayintsik alli kawakunanta munantsik. Y manam tsëllatsu, Diosta adorëta, juk idiömakunata yachakuyta, müsicata wiyëta y imëkata rikëtam puëdintsik.
MASLLA YACHAKUSHUN
Llapantapis Diosnintsik kamanqampaq Bibliachö willakunqan imanir rasumpa kanqanta, y Diosnintsik kikin niraqta imanir kamamanqantsiktam yachakushun.
4 KAQ: Imëkatapis Diosmi kamashqa
Nunakunaqa imëkatapis rurayashqa Diosnintsik kamanqankunata rikëkurmi, peru Diosnintsiktaqa manam kamanqankunapita agradecikuyantsu. VIDEUTA rikäyë y këpaq parlayë:
¿Imakunatataq nunakuna rurayashqa Diosnintsik kamanqanta rikëkur?
Wayikunaqa kan pipis rurashqa kaptinmi, peru ciëluchö y Patsachö llapan kaqkunataqa, ¿pitan rurashqa? Leyiyë Hebrëus 3:4 ima ninqanta y këkunapaq parlayë:
Diosnintsik kamanqankunapitaqa, ¿imatan mas gustashunki?
¿Llapanta Diosnintsik kamashqa kanqanta creishwantsuraq? ¿Imanirtan creishwan?
¿Musyarqëkiku?
Llapantapis Diosnintsik kamanqanta mas yachakunëkipaqqa, jw.org päginachömi videukunata y leyinëkipaq kaqkunata tarinki. Ashi “¿Kikinllaku rurakashqa?” y “Llapantapis Diosnintsik kamanqampaq ima niyanqan” ninqanta.
“Rasunmi, wayikunaqa kan pipis rurashqa kaptinmi peru llapan imëkatapis ruraqqa Diosmi”.
5 KAQ: ¿Creishwantsuraq llapantapis Dios kamashqa kanqanta?
Genesis librupa qallanan kaq capïtulunchömi willakun Patsata, nunata, animalkunata y plantakunata Diosnintsik kamashqa kanqanta. Tsëchö willakunqanqa, ¿rasuntsuraq o cuentullatsuraq? VIDEUTA rikäyë y këkunapaq parlayë:
Patsata y tsëchö llapan kaqkunata, ¿joqta junaqllachö Diosnintsik kamanqantaku Bibliachöqa yachatsikun?
¿Diosnintsik llapanta kamanqanta Bibliachö willakunqanqa creipaqku? ¿Imanirtan creipaq?
Leyiyë Genesis 1:1 ima ninqanta y këpaq parlayë:
Cientïficukunaqa niyan ciëlutawan Patsataqa pipis rurashqa kanqantam. ¿Pëkuna niyanqannöku Bibliachöpis nin?
Wakin nunakunaqa musyëta munayan Diosnintsik imëkata imanö kamashqa kanqantam. Leyiyë Genesis 1:21, 25 y 27 ima ninqanta y këpaq parlayë:
Wakinqa niyan Diosnintsikqa kurukunallata kamanqanta, y tsë kurukunana puntata pescädukunaman, tsëpitana chakiyoq animalkunaman y nunaman tikrayanqantam, peru ¿Bibliachöqa tsënöku nin? ¿O animalkunata y nunatapis cada ünuta Diosnintsik kamanqantaku nin?
6 KAQ: Nunakunallatam Diosqa jukläyata kamamarquntsik
Nunakunaqa animalkunapita jukläyam kantsik. Leyiyë Genesis 1:26 ima ninqanta y këpaq parlayë:
Diosnintsik kikin niraqta kamamashqantsik kaptinmi kuyakoq y llakipäkoq kantsik. Tsënö kamashqa kanqantsikqa, ¿imatatan Jehoväpita yachatsishunki?
WAKIN IMA NIYANQAN: “Imëkatapis Dios kamanqampaq Bibliachö willakunqanqa manam creipaqnötsu”.
¿Qamqa ima ninkitan?
KËTAM YACHAKURQUNKI
Ciëluta, Patsata y tsëchö llapan kaqkunatapis Jehovämi kamashqa.
¿Yarpankiku?
¿Imatataq Bibliachö nin ciëlupaq y Patsapaq?
¿Kurukunallapitaku Diosnintsikqa animalkunata y nunata kamarqan, o cada ünutaku kamarqan?
Diosnintsik llapan kamanqankunapitaqa, ¿imanirtaq nunaqa jukläya kantsik?
MASTA YACHAKUY
Animalkunata Dios imanö kamashqanta yachakuy.
“¿Imatatan yachakuntsik Teyta Dios kamanqankunapita?” (¡Musyatsikoq!, septiembri 2006)
Diosnintsik llapantapis kamashqanta juk nuna wamranta imanö yachatsinqanta rikë.
¿Bibliachöqa yachatsikunku Diosnintsik kamanqan kurukunallapita nunaman tikranqantsikta? Tsëta yachakuy.
“¿Imanötan Teyta Dios nunakunata, animalkunata y plantakunata kamashqa?” (jw.org päginachö yarqamoq)
Unë tiempu kaq tullukunata tariyanqan y cientïficukuna estudiayanqanqa, ¿imatataq rikätsikun?, ¿imëkapis kikinlla rurakanqantaku, o llapantapis Diosnintsik kamanqantaku? Tsëta yachakuy.
El origen de la vida. Cinco cuestiones dignas de análisis (follëtu)
a Nunakunata Dios imapaq kamanqantaqa 25 kaq yachakunëkipaq kaqchömi yachakunki.