159 KAQ CANCION
Teyta Jehoväta alabashun
1. Ciëluchö këkaq Teytallä,
¿pitan qamnö puëdeq kan?
Alläpa respetëpaqmi
qamqa kallanki Teytallä.
Noqakunaqa llapäpis
jutsa ruraqllam kayä.
Tsënö këkälläyaptïpis
alläpam kuyayämanki.
(CÖRU)
Teyta Jehovä, llapan shonqüwanmi
kuyarniki alabaq.
Qamqa kanki kuyayämaq Teytam.
Tsëmi qamqa imëpis
alabashqa kanëki.
2. Qam munaptikim kawëkä,
tsëmi agradecikullä.
Mëtsëchömi willakushaq
kuyakoq kallanqëkita.
Alläpa kushikuypaqmi
sirwishoqniki këqa.
Llapan kallpäwanmi imëpis
qam ninqëkita rurashaq.
(CÖRU)
Teyta Jehovä, llapan shonqüwanmi
kuyarniki alabaq.
Qamqa kanki kuyayämaq Teytam.
Tsëmi qamqa imëpis
alabashqa kanëki.
3. Qochakuna y pampakuna,
¡ima shumaqmi këkun!
Killa y estrëllakuna,
¡ima shumaqmi chipapan!
Alläpa puëdeq kanqëkim
tsë llapanchö rikakun.
Manam ni pipis ni imapis
qamnö kuyakoqqa kantsu.
(CÖRU)
Teyta Jehovä, llapan shonqüwanmi
kuyarniki alabaq.
Qamqa kanki kuyayämaq Teytam.
Tsëmi qamqa imëpis
alabashqa kanëki.
(Kë textukunatapis rikäri: Sal. 96:1-10; 148:3, 7).