¿Imatataq Biblia yachatsikun?

¿Diospa jutin kantsuraq?

WAKINKUNAQA NIYAN Diospa jutin mana kanqantam. Wakinnam niyan “Dios” o “Señor” jutin kanqanta. Y wakinnam mëtsika jutiyoq kanqanta creiyan. ¿Y qamqa ima ninkimanraq?

BIBLIA YACHATSIKUNQAN

“Qampa jutikiqa Jehovämi, entëru patsa janampaqa qamllam këkanki” (Salmu 83:18 [wakin Bibliakunachöqa 82:19 o 83:19]).

¿IMA MASTATAQ BIBLIA YACHATSIKUN?

• Diosta tukïnöpa qayayaptimpis, pëqa juk jutinmi churakushqa (Exodu 3:15).

• Pï kanqanta pakänampa rantinmi, Diosqa alleq reqinata munan (Hëchus 17:27).

• Diospa jutinta musyanqantsikqa, pëwan amïgu kanapaqmi yanapamantsik (Santiägu 4:8, NTCN).

¿Parlashwantsuraq Diospa jutinta?

¿IMA NINKIMANRAQ?

• Awmi

• Manam

• Itsapis

BIBLIA YACHATSIKUNQAN

“Llutaqa manam Jehovä Diosnikipa jutinta parlankimantsu” (Exodu 20:7). Diospa jutinta mana respetashpa utilicëmi mana alliqa (Jeremïas 29:9).

¿IMA MASTATAQ BIBLIA YACHATSIKUN?

• Jesusqa Diospa jutinta musyarqanmi y utilizarqanmi (Juan 17:25, 26).

• Jutimpa mañakunatam Diosqa munan (Salmu 105:1).

• Diospa jutinta nunakuna qonqayänantam chikeqninkunaqa munayan (Jeremïas 23:27).