“Patsachöqa alli kaqta ruraq nunakunallam täräyanqa”

Cäsi llapantsikmi mana alli rurëkunata y nunakunata alläpa sufritsiyaqta rikarquntsik. Tsëkunaqa, ¿imëllapis ushakanqatsuraq?

Bibliam tsëta willakun y tsë pasamashqa imata ruranapaq kaqtapis. Rikärishun Salmus librupa 37 kaq capïtulun kë tapukïkunata imanö contestanqanta:

Mana alli tratamashqaqa, ¿imataraq rurashwan? (versïculu 1 y 2).
¿Imaraq pasanqa mana allikunata ruraq nunakunata? (versïculu 10).
¿Imaraq pasanqa alli kaqta ruraq nunakunata? (versïculu 11 y 29).
¿Imatataq ruranantsik? (versïculu 34).

Salmus librupa 37 kaq capïtulunmi kënö nin: “Jehoväman shuyäki y mandashunqëkita cumpli”. Tsëta rurarqa kushishqam shamoq tiempuchö kawashun. Jehoväpa testïgunkunaqa kushishqam Bibliapita yachatsiyäshunki y shamoq tiempuchö familiëkiwan shumaq kawakuyänëkipaq imata rurayänëkipaq kaqtapis.

Kë Patsapaq y nunakunapaq Diosnintsik imata munanqanta maslla yachakïta munarqa, ¡Manana wanurmi kushishqa kawakushun! follëtuwan Bibliapita yachakuy, kë follëtutaqa Jehoväpa testïgunkunam rurayämushqa. Jina jw.org/que päginapitam jorqëta puëdinki.