Imanöraq tarinkiman espiritual munekunata
1. ¿Ima espiritual munekunatataq ashikäyan jovin cristianukuna?
1 Jovin cristianu karnenqa quizasmi espiritual munenikita o meta nishqanta tarinëkipaq, Jehová kuyeniki y Jesucristu llapan cristianukunata “puntata ashiyë Diospa reinunta” nenqanmi yanapashunki (Mat. 6:33). Itsa munankiman más Jehovapaq willapäkita, precursor karnin o Reinupita willapäkoqkunata necesitayanqanman yanapakoq ewarnin. Wakinqa quizás pensekayan yanapakoq eweta, Ellukäna Wayikuna rurëman o munëkayan betelita o misioneru keta. ¡Imano shumaq kushikïpaq espiritual kaqta munanqantsik metakuna!
2. ¿Imataq yanapashunkiman espiritual munënikikunata tarinëkipaq?
2 Espiritual munekunata tarinëkipaqqa, qellqekur churemi yanapashunki. La Atalaya del 15 de juliu de 2004 käyitsikorqan: “Espiritual munekunata tarita munarnenqa manash parlakushwanllatsu rurashwanshi. [...] Allim kanman meqan espiritual munenintsikkunatapis papelman qellqashqa y imanopis tarinapaq pensekanqantsikta”. Hina allim kanman raslla tarina espiritual munanqekita ashiqa, y tsemi yanapashunki alli kayirnin wakin espiritual kaqtapis tarinëkipaq.
3. Nirami, meqan raslla espiritual munanqëkitaq yanapashunki bautizakunekipaq.
3 Espiritual muneta raslla tarina: Manaraq bautizakurnenqa, yärpe ima ruranëkiraqtaq pishin bautizakunekipaq. Quizás Biblia yachatsikonqankunata más alleq käyitachi munanki. Tseno kaptenqa churapukë libru Enseña nishqanta estudianekipaq y llapan textunkunatawan ashirnin yachakunekipaq (1 Tim. 4:15). Llapan Bibliatam hina leyinkiman Génesispita hasta Revelacionyaq, betelitakunano y Galaadcho yachakïkaqkuna rurayanqanno. Usharïkurnenqa, yape hina qallanki Bibliata diariu leyirnin (Sal. 1:2, 3). Tseno rurarnenqa allim yachakïkunki. Bibliata estudiekarnenqa qallanëkipaq y ushanëkipaq Jehovata mañakurinki llapan shonqikiwan, y tsenolla hina llapan yachakïkanqekita ruranekipaq.(Sant. 1:25).
4. ¿Huk cristianu betelita y misioneru keta munarqa, meqan raslla tarina espiritual munëkunataraq ashinman?
4 ¿Bautizakushqana karnenqa meqan espiritual munekanqëkitataq ashinkiman? ¿Necesitankiku más alleq yachakita willapäkunekipaq? ¿Puedinkimantsuraq Diospa Palabranta maslla yachakita, willapakoq ewanqekicho alli inshinëkipaq? (2 Tim. 2:15.) ¿Imanotaq más alliyätsinkiman Jehovapaq uryekanqekita? Qampaqno raslla espiritual munanqekita tarinëkipaqqa, alleq churapukë, tseno karqa wakin espiritual munanqekikunatapis tarinkim.
5. ¿Imanotaq yanaparqan raslla tarina espiritual munanqan, huk wawqita Betelcho sirwinampaq?
5 Allim yarqupukushqa: Jehovapa testigunkunapa sucursalninta reqeqshi ewanaq Tony 19 watayoqllaraq kekarnin, tsenash tse hora sirwita munanaq Betelcho. Tseta munarnimpis manaraqshi Diosman dedicakunaqraqtsu ni alleqqa wiyakunaqraqtsu yachakonqankunata. Tseshi Tonyqa churapukanaq Jehová munanqanno kawanampaq y allita rurarnin bautizakunampaq. Kë llapanta rurarirnash churapukanaq puntata precursor auxiliar kanampaq, y tsepeqna regular kanampaq, huk calendariumanshi apuntanaq ime qallarinämpaqpis. Creinkimanku imaraq kushïkorqan, precursor këkaptin Betelman ewanampaq invitariyaptin.
6. ¿Imataq yanapashunkiman espiritual munanqekikunata tarinëkipaq?
6 Qampis espiritual munanqekita tarinkimanmi, puntata llapan Jehová munanqanta rurarnenqa. Llapan “ruranqekita” Jehovata wille mañakurnin y sinchiki raslla más yachakunekipaq (Pro. 16:3; 21:5).