Asamblea de circuitupa mushoq programan

Diosta mana sirwiq nunakunaqa, creyitsimënintsiktam munayan kë munducho mana alli nunakuna mana ushakäyananta, peru Diospa Palabranqa manam tsenotsu nin (1 Juan 2:15-17). Hinamampis rikätsimantsikmi, mana alli kanqanta ‘Patsacho riquezakunata ëlli’. Diospa markanta sinchiyätsinampaqmi, programa asamblea de circuitu 2007 watapaq kepita parlanqa, “Cieluman [...] atska riquezakunata elluyë” (Mat. 6:19, 20).

Kë mundupa qellëninman y cosasninkunaman pensëpaqmi Efesios 2:2 shutitsin “vientupa autoridanin, tse espiritum kanan mana wiyakoqkunapa tsurinkunacho kekan”. Imanomi vientupis llapan Patsacho kekan listu shütanapaq, tsenomi kë “mundupa espiritum” llapan mana Diosta sirwiq nunakunacho kekan (1 Cor. 2:12). Tseno kallpayoq llapanta dominaptinmi ‘autoridayoqmi’ nintsik. Asamblea de circuitupa mushoq programanmi yanapamashun mana ishkinapaq kë mundupa qellënin y cosasninkuna kuyeman, y mana qonqanapaq punta yachakonqantsikkunata (Mat. 6:33). Hinamampis yanapamäshunmi Jehovaman más confianapaq, kanan willapäkushqa tukita nimashqapis y mana allikunata pasashqapis.

Llapan puedinqekita rurë ishkan hunaq tsecho kanekipaq y “imëpitapis más alleq wiyanekipaq” (Heb. 2:1). Yarpänekipaq wallkallacho qellqe, yanapashunekipaq kaqta kawenikicho y willapäkinikicho. Qallanampita ushananyaq tse shumaq programacho karqa, kallpachakushqam y kushishqam yarqunki, ‘cieluman atska riquezakunata ëllurnin’ siguinekipaq.