¿Imataraq qam ninkiman?
1. ¿Wakinnintsikpaqqa ima rurëkunataq sasa?
1 Diospa Palabranta kuyarnimpis, ¿sasaku yachakonqekikunata yarpänëki o mëcho textokuna kanqantapis? ¿Wambrëkikuna Bibliapa preciso yachatsikïninta y wakin yachatsikïninkunatapis alleq yachakuyänanta munankiku? Página 31 titulom “¿Qué respondería usted?” (¿Imataraq qam ninkiman?) cada killa yarqamun ¡Despertadcho!, tsëmi yanapanqa jovenkunata y mayorkunatapis Diospa Palabranta más reqiyänampaq (Hech. 17:11).
2. Imanöraq inshishwan kë titulota “¿Cómo respondería usted?” (¿Imataraq qam ninkiman?).
2 ¿Imanöraq alleq yachakunkiman kë paginapita? Enero de 2006 ¡Despertadchomi! këta willapämarqantsik: ¿Imanirtaq tiempota rakintsiktsu página 31 nenqanta rikärinapaq [...]? Wakin tapukïkunaqa más joven kaqkunatam gustanqa, wakin tapukïkunanam rikätsenqa yarpäyanqanta o mana yarpäyanqantapis Bibliapita alleq yachakïkaqkunata. Kë tapukïpis ‘¿Cuándo sucedió?’ (¿Imëraq pasakorqan?) yanapamäshunmi imë watakunano tukïlaya nunakuna kawayanqanta churanapaq, y Bibliacho willakonqannö pasakonqankunatapis. ‘En este número’ (Kë revistacho) nishqampa tapukïninkunapa respuestantaqa tarinki kikin revistachomi, y wakinkunapatanam tarinki huk paginacho urësenqapa qellqarëkaqta. Leeqtam animayä, revistacho kikinllaraq alleq respuestanta ashinampaq o huk publicacionkunachöpis, manaraq respuestanta rikarnin, tsëpita hukkunawampis parlanampaq yachakonqankunapita. Hina kë tapukïta inshinkimanmi ‘¿Qué respondería usted?’ (¿Imataraq qam ninkiman?) familiëkiwan Bibliapita parlarnin o hukkunawan ëllukarnimpis”.
3. ¿Imanötaq kë paginapita wakin familiakuna yachakuyarqon y mëqantaq qamta más gustashunki?
3 Wakinkunaqa kushikuyanmi página 31 nenqanta inshirnin familiawan yachakuyänampaq. Huk mamam këno nerqan: “Qowäpaq y noqapaqmi alli karqan página 31 ‘Para los niños’ (Wambrakunapaq) nishqanta inshi familiäwan yachakurnin, tsënöpa kima watayoq warmi wambrä kushishqa kanampaq yachakuyanqä hora. Kushishqa kikimpa revistanta rikapar qallëkuptin y respuestakunata tarinqanyaq ashiptinmi, kushishqa rikäräya”. Brasilpita huk papämi këno nin: “Qanchis watayoq wambräwanmi kushishqa yachakuyä página 31 ¡Despertadpita! Moises wambrätam yanapashqa alleq wiyanampaq, Bibliacho textokunata ashinampaq, dibujonkunata y ima watacho pasakonqantapis más käyinampaq”. Puwaq watayoq Ashley shutiyoq wambram këno nin: “Alläpam agradeciku página 31 ¡Despertadcho! yarqamonqampita ‘¿Cómo respondería usted?’ (¿Imataraq qam ninkiman?) Bibliapitam más yachaku”.
4. ¿Imanötaq familiawan yachakurnin kë paginata inshiyankiman?
4 ¿Imanirtaq këta inshinkitsu “¿Cómo respondería usted?” (¿Imataraq qam ninkiman?) familiëkiwan yachakurnin? Más sasa tapukïkunapa respuestankunata tarinëkipaq këkunatam inshinkiman, Índice de las publicaciones Watch Tower o Watchtower Library CD-ROM nishqankunata. Tsënöpam yachatsinki wambrëkikunata kikinkuna respuesta tarïta yachakuyänampaq. Wambrëkikuna hatunna kaptenqa, mañë kë tapukïkunapa respuestankunata ashiyänampaq manaraq familiawan yachakuyaptiki “¿Quién soy?” (¿Pitaq kä?) o “¿Cuándo sucedió?” (¿Imëraq pasakorqan?) nishqankunapita. Tsëpita, yachakuyanqeki hora tariyanqan respuestakunata willakäyämutsun. Papäkuna kë paginata alleq inshiyaptenqa, alläpa allim kanqa wambrankunata yachatsiyänampaq y yanapayänampaq Diospa Palabranta reqiyänampaq llullu kayanqampita patse (2 Tim. 3:15; Deu. 6:7).