“‘Grasias’ nicushun Diosnintsicta”
1 Chunka lepra qeshyayoqkunata Jesus kachakäratsiptin, hukllëllam kuterqan Jesusta agradecikoq. Tsënam Jesus tapurqan: “¿Manacu chuncanpi cachacäyarqonqui[?] ¿Waquincunaqa metaq?” (Luc. 17:11-19.) Kë pasakonqanqa rikätsimantsik, ‘llapan imecapis qomanqantsicpita’, kuyakoq y alläpa alli Teytantsik Jehovata agradecikunapaq, y ichikllapaq mana churanapaqmi (Col. 3:15; Sant. 1:17).
2 ¿Imakunapitataq agradecikushwan? Diospa más hatun qarënin tsurin wanonqampita (Juan 3:16); Jehovata reqenqantsikpita (Juan 6:44); wawqi panikunawan kuyanakonqantsikpita (Sal. 133:1-3), itsa maskunatapis yarpëkanki. Israelitakunaqa paqwëmi Jehová pëkunapaq ruranqanta qonqëkuyarqan, tsënö këqa mana allichi kanman (Sal. 106:12, 13).
3 Agradecikonqantsikta rikätsikushun: ¿Ëkaq leprösokunataq Jesus kachakätsenqampita agradecikuyarqan? Shonqunllachöqa llapanchi agradecikuyarqan, pero hukllaqllam kutïkur agradecikorqan (Luc. 17:15). Kanampis willapäkurninmi agradecikuntsik. Ciëlochö Teytantsik llapan ruramonqampita agradecikurnenqa, shonquntsikpita patsëmi Pëno kuyakoq kashun, tsëmi wakinkunatapis shumaq willapäshun (Luc. 6:45). Dios “alläpa shumaq ruranqampita” y “noqantsikpaq pensanqampita” nunakunata willapashqaqa, Pëta masmi agradecikushun y kuyashumpis (Sal. 40:5).
4 Wakintapis yachatsishun agradecikïta: Wambrantsikkunata y Bibliapita yachakïkaqkunata yanapanapaq imanöpapis tiempota rakishwanmi, pëkunapis agradecikïta yachayänampaq. Teyta mamakuna mëcho tsëchö këkarpis tiempota tariyanmanmi wambrankunata yachatsiyänampaq, Jehová llapan kamanqampita wambrankunawan parlarninnäqa (Rom. 1:20). Bibliapita yachatsikïkarqa kënömi tapukushwan: “Kë yachakonqantsik, ¿Jehová imanö kanqantataq yachatsimantsik?”. Diospita yachakuyanqanmannömi Pëta más kuyayanqa, y nenqankunata rurëta más munayanqa.
5 Kanan ushanan witsanchöqa manam agradecikïta yachayantsu, ni kapuyanqankunatapis shumaqllapaqa rikäyantsu (2 Tim. 3:1, 2). Nunankuna agradecikurnin kuyakïwan willapäkuyaptin, ¡imanöraq Jehová kushikun! (Sant. 1:22-25.)