Diospa Gobiernompita Yachatsikunapaq reunionpaq, ¿imanötaq yachakushwan?
1. ¿Imapaqtaq Diospa Gobiernompita Yachatsikunapaq reunión, y imatataq rurashwan alli yachakunapaq?
1 Diospa Gobiernompita Yachatsikunapaq reunionqa shumaq yachatsikunapaqmi yanapamantsik. Kë reunionchöqa yachatsikayämun Diospa Gobiernompita alli noticiata willakunapaq, Diospa sirveqnin këman chäyänampaq yanapanapaq y mana allikuna ushakäyänan hunaqta willakunapaqmi (Mat. 28:20; Mar. 13:10; 2 Ped. 3:7). Kë precisaq reunionchö alli yachakunapaqqa, puntallapitanam yachakunantsik y tsëchö shumaq comentarita munëkarllanam ëwanantsik.
2. ¿Discursota shumaq wiyakunapaq imatataq ruranantsik?
2 Discurso: Discurso kaptenqa, progrämachömi nin ima publicacionpita rurayänampaqpis. Tsëmi, tsë publicacionta ashïkur yachakunantsik y textokunata leinantsik, hina tsëwan wayin wayin ëwar imanö yachatsikunapaqpis pensanantsikmi.
3. Tapukïkunawan y respuestakunawan yachakunapaq kaptin, ¿imatataq ruranantsik?
3 Tapukïkunawan y respuestakunawan kaptin: Këchöqa qallanampaq y ushanampaqpis manam alläpa unëtsu parlayämun, y Täpakoq revistatanöllam yachakuntsik. Tsëmi pärrafochö más precisaq kaqkunata marcanëki y shumaq comentanëkipaqmi listo këkänëki.
4. ¿Kë discursopaq imanötaq preparakushwan?
4 Wiyaqkunapis parlakarayämunampaq kaptin: Discursotanölla rurayaptimpis tsëchö këkaqkuna parlakuriyänampaqmi discursaq wawqi tapukonqa. Tsëmi precisaq kaqta marcar y textokunata asherqa, wawqi tapukamuptin parlakurinki. Hinamampis wiyakoqkuna parlakuriyänanta tïrarmi shumaq tapukamonqa.
5. ¿Imaraq yanapamäshun demostracionkunapita alli yachakunapaq?
5 Demostracionkuna: Wakin kaq reunionchöqa, discursayämonqan publicacionpitam demostracionta rurayämonqa wayin wayin ëwar imanö yachatsikunapaqpis, tsëpaqqa anciänokunata, yachaq publicadorkunata o precursorkunatam niyanqa. Këpaqqa puntallapitanam imanö rurayänampaq kaqtapis pensarëkashwan. Demostracionta rikärirna, pensë imanö qam yachatsikunëkipaq y markëkichö tukï nunakunata imanö parlapänëkipaqpis. Y demostración rurayänan publicación apëta ama qonqëtsu. Tsëpitana, familiachö Diosta adorayanqëki höra, rikäyanqëkinö demostracionta qamkunapis rurariye.
6. Diospa Gobiernompita Yachatsikunapaq reunionpaq, ¿imanirtaq puntallapitana yachakunantsik?
6 Diospa Gobiernompita Yachatsikunapaq reunionman alli yachakushqallana ëwar y imanö yachatsikayämunanman puntallapitana pensarqa, más kushishqam wiyakushun. Tsëqa huknintsik huknintsikpis kallpata qonakurmi yanapanakushun (Rom. 1:11, 12). Puntallapitana yachakunapaq tiempota horqarqa, wayin wayin ëwanapaq alli yachakushqam kë reunionpita yarqushun (2 Tim. 3:17).