“Queno imepis rurayanqui”
Jesus Wanunqanta Yarpëqa kanqa 5 de abrilmi
1. ¿Imanirtaq Jesus Wanunqanta Yarpänantsik alläpa precisan?
1 “Queno imepis rurayanqui, noqata yarpäyämarni.” (Luc. 22:19.) Kënö nirmi Jesusqa qateqninkunata mandarqan nunakunapaqrëkur wanunqanta yarpäyänampaq. Y wanunqampa valorninwan tukïkunata ruramuptinmi cristiänokunapaqqa alläpa precisan wanunqanta yarpänantsik, y kë wataqa yarpäshun 5 de abrilmi. ¿Imanötaq Jehoväta agradecikunqantsikta rikätsikushwan kanampita patsëna? (Col. 3:15.)
2. ¿Imataq yanapamäshun Jesus Wanunqanta precisaq kanqanta rikänapaq?
2 Alistakushun. Juk precisaq rurë kaptinqa puntallapitanam alistakuntsik. Tsënöllam Jesus Wanunqanta Yarpänapaqpis alistakunantsik, pero manam imëka cösaskunatatsu, sinöqa manaraq wanuptin imakuna pasakunqanta familiantsikwan Bibliata leirnin y tsëkunaman yarpachakurninmi shonquntsikta alistanantsik (Esd. 7:10). Llapan hunaqkuna yachakunapaq follëtochö y calendariochöpis, ima pasakunqankunapaq parlaq versïculokunam rakishqallana këkan. Jina La Atalaya 1 de febrero 2011 revistapa 23 y 24 päginankunachömi juk lista churakämurqan El hombre más grande nishqan libropa mëqan capïtulonkunachöpis ashinapaq.
3. ¿Ima ruranqantsikwantaq rikätsikuntsik Jesus wanunqan alläpa precisaq kanqanta?
3 Yachatsikushun. Jina Jesus Wanunqanta Yarpë noqantsikpaq alläpa precisaq kanqantaqa, rikätsikuntsik mana jaqita yachatsikurninmi (Luc. 6:45). Sábado 17 de marzopita patsëmi, jinantin patsachö nunakunata invitashun Jesus Wanunqan Yarpëman shayämunampaq. ¿Tiempïkita patsätsinkimantsuraq más hörakuna yachatsikunëkipaq o precursor auxiliar kanëkipaq? ¿Imanirtaq Familiachö Diosta Adorana Hörachö tsëpaq parlariyankitsu?
4. ¿Imanötaq yanapamantsik Jesus Wanunqanta Yarpëman ëwë?
4 ¡Jesus Wanunqanta Yarpëman cada wata ëwëqa imanömi yanapëkamantsik! Jehová kuyakoq karnin jukllëlla Tsurinta noqantsikrëkur kachamunqanman yarpëqa kallpatam qomantsik y más kuyanapaqmi yanapamantsik (Juan 3:16; 1 Juan 4:9, 10). Y yanapamantsikmi kikintsikllapaqna mana kawanapaq (2 Cor. 5:14, 15). Jina yanapamantsikmi mëchö këkarpis Jehoväta alabanapaq (Sal. 102:19-21). Awmi, 5 de abril chämunantaqa alläpa kushishqam shuyarantsik “Jesus noqantsicrecur wanonqanta” musyatsikunapaq (1 Cor. 11:26).