‘Ishquella sentabu’

Diospa yachatsikïnin entero Patsaman chänampaqqa yanapakuntsik ëkallatapis qellëta cäjakunaman winarninmi. Pero ¿qellëta alläpa mana tarirqa?

Juk kutim, Jesus rikarqan templochö qellëta winakuyänan cäjakunaman juk waktsalla viuda ishkëlla sentäbuta winëkaqta. Jehoväta kuyarmi ‘wactsa quecarpis cawarcunanpaq tsella quecaponqanta llapanta winarcushqa’ karqan (Mar. 12:41-44). Tsë winanqampaq Jesus parlanqanmi rikätsikurqan viuda winanqanqa Jehoväpaq alläpa välenqanta. Jina punta cristiänokuna rurayanqampitapis yachakushwanmi. Rico o waktsa karpis pëkunapaqqa alläpa kushikïpaqmi karqan ëkallawampis yanapakuyanqan. Macedoniokunapaq parlarmi apóstol Pablu nirqan, “wactsalla quecarpis” ‘elluyanqan [qoriyanqan] qelleta allapa rogacur creyicoqcunaman apayänanpaq’ niyanqanta (2 Cor. 8:1-4).

Tsëmi ëka sentäbullawampis yanapakurqa ama qonqashuntsu Jehoväpaq alläpa välenqanta. Yarpäshun, llapan shonqunwan ‘cushi cushilla ofrendacoqtaqa’ Diosnintsik alläpa kuyanqanta (2 Cor. 9:7).