Alli yachatsikoq kë: yanaqikita yanapë

¿Imanirtaq alläpa precisan? Jesusqa musyarqanmi juk yanaqiwan yachatsikïqa alläpa alli kanqanta. Tsëmi 70 discïpulunkunataqa ishkaq ishkaqta kacharqan (Lüc. 10:1). Yanaqiki yachatsikïkar alläpa sasatanö rikaptin o imatapis nita mana puëdiptinmi yanaparita puëdinki (Ecl. 4:9, 10). Jinamampis kikiki imanö yachatsikunqëkipita o imanö ruranqëkipitapis parlapärita puëdinkim (Prov. 27:17). Y cada punkuchö yachatsikur usharirmi shumaq animarita puëdinki (Filip. 4:8).

¿Imanötaq rurashwan?

Yanaqiki yachatsikïkaptinqa manam juk cösaskunaman pensar këkanëkitsu (Sant. 1:19). Juk versïculuta leyiptinqa, qampis Bibliëkichö qati. Tsënöpam musyanki imanö yanaparinëkipaq kaqta.
Imë höra yanaparinëkipaq kaqta alleq tantiyë (Prov. 25:11). Juk estudiuman yanaqarnin parlakuriptikiqa alläpam kushikunqa. Peru wayin wayin yachatsikïchö parlëkarqa itsa munanqa pëlla parlakurita. Mushoq publicadorllaraq karqa, tapuyaptin imanö contestëta mana puëdiptin yanapariptikiqa alläpachi kushikunqa. Wayin wayin yachatsikïchö, yachakïta munaqkunaman kutir o Bibliapita yachakïkaqkunaman yanaqarninqa manam allitsu kanman parlëkaptin parlëta qochirinqantsik (qechurinqantsik), noqantsiklla mas parlanqantsik ni parlapëkanqanta juk asuntuman tumaratsinqantsik.
Kikiki imanö ruranqëkipita parlapë. Yanaqiki mas alli yachatsikoq kananta munarqa willari imanö ruranampaq kaqta, ama qamllapaqqa katsikïtsu (Prov. 3:27). Itsa kënö nirinkiman: “Shumaqmi parlakuriyarqunki, peru ¿manatsuraq munankiman maslla yanaparinaqta?” o “tsënö pasakuptinqa noqaqa kënömi rurä. . .”. Yarpë, yanaqikiqa alläpam agradecikunqa imanö ruranampaq shumaq parlapärinqëkitaqa, peru qelanäratsinkim ichik imallachöpis pantanqanta nirqa.

Entëru killachö këta rurëta procurë:

Yanaqikiwan yachatsikur usharirqa, itsa nirinkiman yachatsikï höra ninqampita y ruranqampita alläpa alli yanaqi kashqa kanqanta.