Alli yachatsikoq kë: parlëta qallë mëchö këkarpis yachatsikunëkipaq

¿Imanirtaq alläpa precisan? Wayin wayin Diospita yachatsikur ëwarqa, wayinkunachö mana tarirninmi wakinkunawanqa parlëta puëdintsiktsu. Tsënö kaptimpis, cärruchö ëwëkar, doctorpa consultoriunchö këkar, trabäjuntsikchö o estudianqantsikchö jamanqantsik höra, y juk sitiukunachöpis itsa pëkunawan parlarita puëdishwan. Jehoväqa munan llapan nunakuna Gobiernumpita musyayänantam (1 Tim. 2:3, 4). Cäsi imëpis noqantsikmi parlapar qallashwan, tsënöpa Diospita yacharatsinapaq.