Alli yachatsikoq kë: revista leyeqkunapa yachakï munëninkunata mas miratsishun
¿Imanirtaq alläpa precisan? Mëtsikaqtam revistantsikkunata leyi gustayan, peru Bibliapita yachakïtaqa manam munayantsu. Itsa religionyoqna kar o estudiayänampaq tiempunkuna mana kaptin. Tsënö kaptimpis, revistantsikkunata seguïdu leyirninqa, itsa Diospa Palabrampita yachakïta munayanqa (1 Pëd. 2:2). Itsa kawëninkunachö imallapis pasakuptin, mëqan yachatsikïllapis shonqunkunaman chärinman. Mana jaqipa watukarnin y raslla parlaparninqa imapaqpis yarpachakunqantam musyashun, tsënöpam noqantsikman mas markäkayämunqa. Tiempuwanqa, itsa Bibliapita yachakur qallëkuyanqa.
Entëru killachö këta rurëta procurë:
Pikunapaq revistankuna cada killa jaqipunëkipaq kaqta qellqë. Y tsëllaraq yarqamoq revistakunata jaqipï y shamoq killachö yarqamoq revistakunata apapunëkipaq äni.