¿Imanötaq reunionkunachö alli parlakurinapaq preparakushwan?

Reunionchö alli parlakurinqantsikqa congregaciontam sinchiyätsin (Ro 14:19). Jina kikin parlakoqtapis yanapanmi (Pr 15:23, 28). Tsëmi, reunionchöqa juk kutillapis parlakurita tïranantsik. Rasumpa kaqchöqa, atska respuestakunatam preparakunantsik, tsënöpa juk pärrafuchö mana asignamashqapis, wakin kaq pärrafuchö parlakurinapaq.

¿Imatataq rurashwan alli parlakurinapaqqa?

• Entiendinapaqnölla, cläru y rasllam parlakurinantsik. Y treinta segundus o mënusllachömi rurëta puëdintsik.

• Mas alliqa kanqa entiendinqantsikpita parlakurinqantsikmi.

• Manam juk parlakaramunqantaqa yapë nishwannatsu.

¿Imanötaq parlakurishwan puntata asignaramashqaqa?

• Raslla y precïsunllata parlakurishun.

¿Imatataq rurashwan tapukïpa respuestanta parlakarayämushqana kaptinqa?

• Yachakïkanqantsikta maslla entienditsikoq citashqa textupita parlakurishun.

• Yachakïkanqantsik kawënintsikchö imanö yanapamanqantsikta parlakurishun.

• Yachakïkanqantsikta kawënintsikchö imanö ruranapaq kaqta willakurishun.

• Yachakïkanqantsikpaqnö juk experienciata willakurishun.