Alli Yachatsikoq Kë: Alleq preparakunampaq estudiantikita yachatsi

¿IMANIRTAQ PRECISAN? Estudiantintsikkunaqa alleqmi preparakuyänan, tsënöpa Bibliapita yachatsinqantsikta alleq entiendiyänampaq y mana qonqayänampaq. Tsëqa ras bautizakuyänampaqmi yanapanqa. Y bautizakurirpis, reunionkunapaq y yachatsikoq yarquyänampaqmi preparakur sïguiyänan. Tsënöpam mäkoq mäkoq këkäyanqa (Mt 25:13). Alleq estudiayänampaq shumaq yachakuyanqan y tsëta rurarnin sïguiyanqanqa, alli kawakuyänampaqmi yanapanqa. Tsëmi yachatsir qallanqantsikpita patsë shumaq preparakuyänampaq yanapanantsik.

¿IMANÖTAQ RURASHWAN?

• 

  Puntataqa qammi rurënikiwan yachatsinëki (Ro 2:21). Cada preparakurnin estudiantikita imanö yachatsinëkipaq kaqman pensë (km 11/15 päg. 3). Preparakurnin markanqëki librïkita rikäratsi.

• 

  Preparakunampaq animë. Mas seguïduna Bibliapita yachëkätsirninqa, preparakunan alläpa precisanqanta y yanapakunqanta niri. Preparakunampaq tiempunta imanö patsätsinampaq kaqta niri. Wakin wawqikunaqa, preparakï alläpa yanapakunqanta rikätsiyänampaqmi alli preparakushqa librunkunata estudiantinkunata qoyan. Preparakunqampita felicitäri.

• Preparakïta yachatsi. Estudiantinkunata imanö preparakïta yachatsiyänampaqmi, wakin publicadorkunaqa yachatsiyanqan hörakunapita juk tiemputa rakiyan.