Pascua fiestaqa manam Jesus Wanunqanta Yarpëwan igualtsu, peru imanö rurayanqampitaqa yachakïtam puëdintsik. Apostol Pablum Jesusta igualatsirqan juk achkastawan kënö nirnin: “Cristuqa ofrendanömi wanutsishqa kashqa” (1Co 5:7). Punkukunaman achkaspa yawarninta churayanqanqa kawëninkunatam salvarqan y tsënöllam Jesuspa yawarnimpis nunakunapa kawëninta salvan (Ex 12:12, 13). Jina Pascua fiestachö achkaspa tulluntaqa manam ni juktapis pakiyaqtsu. Y Jesuspatapis manam ni juk tullunta pakiyarqantsu, tsë witsanchö nunakuna ras wanuyänampaq tullunkunata pakïkäyäpuptimpis (Ex 12:46; Jn 19:31-33, 36).