Diospa sagrädu toldu wayinchöqa conträtu baulmi mas väleqqa karqan

25:9, 21, 22

Diospa sagrädu toldu wayinchöqa, conträtu baulmi israelïtakunapaqqa mas väleq karqan. Y querubinkunapa chowpinchö këkaq pukutëqa, Teyta Dios tsëchö këkaq cuentam karqan. Jutsapita Pagakuyänan Junaqchöqa, sacerdötikunapa mandakoqninmi alläpa santu cuartuman yëkurir pishtashqa törupa y cabrapa yawarninta baulpa tsapänanman pilchitseq. Tsënöpa jutsankunapita perdonta chaskiyänampaq (Le 16:14, 15). Israelïtakunapa tiempunchö sacerdöti tsënö ruranqanqa rikätsikun, jutsantsikrëkur wanunqampita Mandakoq Sacerdötintsik Jesucristu Diospa puntanchö noqantsikpaq mañakuyta puëdinqantam (Heb 9:24-26).

Noqantsikrëkur Jesus wanunqampita ima bendicionkunata chaskinapaq kaqtam kë textukuna rikätsikun:

TEXTUKUNA

• 1Jn 1:8, 9

• Heb 9:13, 14

• Ro 6:23

BENDICIONKUNA

• Mana wanushpa kawëta puëdinqantsikta

• Jutsantsikkunapita perdonashqa këta puëdinqantsikta

• Alli concienciayoq këta puëdinqantsikta

Kë bendicionkunata chaskinapaq, ¿imatatan ruranantsik?