Rikäshun mayor panikunata mamatanö y shipashkunatana panintsiktanö

Bibliachöqa nimantsik mayor wawqi panikunata teytatanö mamatanö rikänapaq y jövin kaqkunatana wawqi panintsikkunatanö (leyi 1 Timoteu 5:1, 2). Y masqa ollqukunam panikunata respëtuwan rikäyänan y tratayänan.

Juk wawqiqa manam panikunata enamorëpa parlapanmantsu ni penqakatsinmantsu (Job 31:1). Y soltëru wawqikunapis casakuyta mana munëkarqa manam soltëra panikunata enamorëpa parlapanmantsu, tsëta rurarqa panikunatam alläpa llakitsinqa.

Panikuna parlapäyaptinmi anciänukunaqa shumaq respëtuwan wiyayänan, y masqa mana allikunapa pasëkäyanqanta willayaptin. Y masraqmi soltëra panikunaqa yanapayänanta wanayan o miñishtiyan (Rut 2:8, 9).

WAWQI PANINTSIKKUNATA IMËPIS KUYËKÄSHUN: VIUDAKUNATA Y TEYTANNAQKUNATA NEQ VIDEUTA RIKÄRIR, KË TAPUKUYKUNATA CONTESTË:

• 

  ¿Imanötan wawqi panikunaqa pani Myint-ta yanapayarqan?

• 

  Pani Myint-ta wawqi panikuna yanapayanqanta rikäyanqanqa, ¿imanötan vecïnunkunata yanapashqa?

• 

  Wawqi panikuna kuyakoq kayanqanqa, ¿imanötan yanapashqa pani Myintpa wamrankunata?

Congregacionchö panikunapaq yarpachakunqantsiktaqa, ¿imanötan rikätsikushwan?