DIOSNINTSIKTA ALLI SIRWINAPAQ

Kushishqa kawakushun neq mushoq libruwan y follëtuwanmi Diospita nunakunata yachatsishun

Kananqa juk mushoq libruwan y follëtuwanmi Bibliata yachatsikushun, y tsëqa kushikuypaqmi. Jehovätam mañakuntsik nunakunata yachatsinapaq y pëta sirwiyänampaq yanapëkamänapaq (Mt 28:18-20; 1Co 3:6-9). ¿Imanötan kë libruta y follëtuta utilizashwan?

Kananqa jukläyanam nunakunata Bibliapita yachatsishun. Tsëmi pitapis yachatsinapaq alistakunqantsik höra y yachatsikunqantsik höra këkunata cuentaman churanantsik:a

Yachatsinëkipaq kaqta llapanta leyi y tapukuyninkunaman pensë.
“Leyi” neq kaq textukunata leyiyë y imata yachatsikunqanta entienditsi.
Videuta rikärir, libruchö o follëtuchö yurinqan tapukuyta rurë.
Cada yachatsinëkipaq kaqta llapanta ushëta tïrayë.

Diospita yachatsikur tsë mushoq follëtuta munatsikushun, tsënöpa yachakuyta o mana yachakuyta munayanqanta musyanapaq (rikäri 16 kaq päginachö, “¿Imanötan Kushishqa kawakushun neq follëtuwan pitapis parlapar qallashwan?” neq recuadruta). Tsë follëtuta yachakur usharir mas yachakuyta munaptinqa, libruchö 4 kaq yachakunampaq kaqpita yachakur qallayë. Pitapis mëqan kaqwan estudiëkatsirqa mushoq libruwanna yachakuyanëkipaq niri. Qammi “Yachakunëkipaq” neqpita mëqan kaqwampis qallayänëkipaq kaqta akranki.

Tsë wawqillam warminwan, “Kushishqa kawakushun” neq follëtuwan tsë jövinllata wayinchöna Bibliata estudiëkätsiyan.

KUSHIKUYÄMI BIBLIAPITA YACHAKUYTA MUNANQËKITA NEQ VIDEUTA RIKÄRIR, KË TAPUKUYKUNATA CONTESTË:

¿Imatatan Bibliapita yachakuykaqkunaqa mushoq libruwan yachakuyanqa?
¿Imanirtan kë videuta rikätsinëki tsëraq Bibliapita yachakur qallëkaqkunata?
¿Imakunata rurayänampaqtan Bibliapita yachakuykaqkunata nirinkiman? (Rikäri 16 kaq päginachö, “Imata yachakunampaq y ruranampaq kaq” neq recuadruta).

a NÖTA: “Masta yachakuy” neqpita yachatsinëkipaqqa qammi decidinëki, tsënö karpis preparakunqëki höraqa llapantam yachakunëki. Tsënöpam Bibliata estudiëkätsinqëki nunata mëqan mas yanapanampaq kaqta musyanki. Tabletchö o celularchö tsë libruta o follëtuta katsirqa, tsëchö këkaq videukunata y llapan yachakunampaq kaqtam rikëta puëdinki.

IMATA YACHAKUNAMPAQ Y RURANAMPAQ KAQ
	MËPITA MËYAQ	IMATA YACHAKUNAMPAQ KAQ	IMATA RURANAMPAQ KAQ
1	1-12	Bibliachö ninqankuna imanö yanapakunqanta y Bibliata qellqatseqta mas reqinampaq kaqta.	Bibliata leyinampaq, alli preparakunampaq y reunionkunaman ëwanampaq nï.
2	13-33	Teyta Dios imëkata ruramunqankunata y imanö sirwinantsikta munanqanta.	Yanapë jukkunata Diospita parlapänampaq y manaraq bautizakur yachatsikoq yarqunampaq.
3	34-47	Sirweqninkuna imanö kawayänampaq kaqta Dios munanqanta.	Yanapë Jehoväman mañakurnin sirweqnin kanampaq äninampaq y bautizakunampaq.
4	48-60	Diosnintsik kuyamänapaq imata ruranapaq kaqta.	Ima alli y ima mana alli kanqanta musyanampaq y Diosnintsik munanqannö kawar sïguinampaq yanapë.