Ima alli o mana alli kanqanta musyanapaq kallpachakushun

Juk cörreq nuna alli cörrinampaqqa alliran kallpachakunan y preparakunan, tsënöllam noqantsikpis ima alli o mana alli kanqanta alli musyanapaq y alli decidinapaqqa kallpachakunantsikran (Heb 5:14). Wakinkuna rurayanqanta rurëqa mas fäcilmi kanman, peru kikintsikmi alli pensëkur imatapis alli decidinantsik. Imata ruranqantsikpitam Teyta Diosqa cada ünuta cuentata mañamäshun (Ro 14:12).

Atska watakunapana bautizakushqa karpis, manam pensashwantsu imatapis alli decidinapaq kaqta. Tsëmi imatapis alli decidinapaqqa Teyta Jehoväman, Palabran Bibliaman y markanmanmi confiakunantsik (Jos 1:7, 8; Pr 3:5, 6; Mt 24:45).

“ALLI CONCIENCIAYOQ IMËPIS KAYË” NEQ VIDEUTA RIKÄRIR, KË TAPUKUYKUNATA CONTESTË:

• 

  Emmaqa, ¿imatatan decidinan karqan?

• 

  ¿Imanirtan pitapis imata ruranampaq o mana ruranampaq kaqta nishwantsu?

• 

  ¿Imatatan juk wawqiwan warmin Emmata consejayarqan?

• 

  ¿Imatan Emmata yanaparqan alli decidinampaq?