¡Chikinakuyqa ushakärinqam!
Kikintsik chikikoq këta dejashqa karpis, manam jukkuna imanö kayanqanta o imata pensayanqanta cambiëta puëdintsiktsu. Y mëtsikaqmi chikinakuy kanqanrëkur sufriyan. ¿Imaraq chikinakuytaqa ushakätsinqa?
Chikinakuytaqa Jehovä Diosllam ushakätsinqa, y Palabran Bibliachömi tsëta ruranampaq nin (Proverbius 20:22).
DIOSQA CHIKIKOQ KËMAN CHÄTSIKOQKUNATAM USHAKÄTSINQA
1. DIABLUTA. Pï më chikinakuyanqampitaqa Satanas Diablum culpayoq. Diosmi Satanasta y llapan chikikoqkunata ushakätsinqa (Salmus 37:38; Romänus 16:20).
2. DIABLU DOMINANQAN NUNAKUNATA. Teyta Diosmi gobiernukunata, mana alli religionchö mandakoqkunata y më tsëchö negociukunata ushakätsinqa. Pëkunam nunakuna mas chikinakuyänampaq culpayoq kayan, ambiciösu kayan y nunakunapitam provechakuyan (2 Pëdru 3:13).
3. JUTSA RURAQ KANQANTSIKTA. Bibliachömi willakun llapantsikpis jutsayoqllana yurinqantsikta, tsëmi pensënintsikchö y shonquntsikchö mana alli rurëkuna kan (Romänus 5:12). Y tsënöllam chikikoq këpis shonquntsikchö këkan. Peru Teyta Diosmi yanapamäshun shonquntsikpita chikikoq këta chipyëpa jipinapaq, y jutsapitapis librinam kashun (Isaïas 54:13).
BIBLIACHÖQA WILLAKUN CHIKINAKUY MANANA KANAMPAQ KAQTAM
1. NUNAKUNATAQA MANAM SUFRITSIYANQANATSU. Ciëlupitam entëru Patsata Diospa Gobiernunllana gobernamunqa y manam imëpis ushakanqatsu (Daniel 2:44). Juk nacionpita o juk color kayanqampitaqa manam chikinakuyanqanatsu, y kanan tiempu sufreqkunapaqmi Teyta Dios justiciata ruramunqa (Lücas 18:7).
2. YAMËNAM KAWAKUSHUN. Guërrakuna, maqanakuy y chikinakuy manana kaptinmi pipis sufrinqanatsu (Salmus 46:9). Patsachöqa llapankunam yamëna kawakuyanqa, tsëmi pipis mantsapakur kawanqanatsu (Salmus 72:7).
3. ALLILLANAM KAWAKUSHUN. Llapan nunakunam rasumpa kuyakoq kayanqa (Mateu 22:39). Manam imapis sufritsimäshunnatsu, ni mana alli pensëkuna o yarpëkuna kanqanatsu (Isaïas 65:17). Chikinakuy chipyëpa ushakäriptinqa, llapan nunakunam ‘alli pasakïchö [o yamëna] kawakuyanqa’ (Salmus 37:11).
¿Tsënö kawakuyqa gustashunkimanku? Kanan witsampis mëtsikaq nunakunam entëru Patsachö mana chikinakushpa kawakuykäyan, y pëkunaqa Jehovä testïgunkunam kayan. Tsënöqa kawakuyan Diospa Palabran Bibliachö consëjukunata cäsukurmi (Salmus 37:8). Juk nacionpita o juk costumbriyoq kayaptimpis juk familianömi kuyanakur kawakuyan (Isaïas 2:2-4).
Jehoväpa testïgunkunaqa kushishqam yachatsiyäshunki, juk nacionpita o juk color kanqëkirëkur chikiyäshuptiki imata ruranëkipaq kaqta. Bibliapita yachakunqëkim yanapashunki ichikllapa ichikllapa chikikoq këta dejanëkipaq y kuyakoq kanëkipaq. Y jukkuna mana alli tratayäshuptiki o chikiyäshuptikipis pëkunata mana chikinëkipaq y shumaq parlapänëkipaqmi yanapashunki. Tsëkunam yanapashunki mas kushishqa y wakinkunawan mas alli kawakunëkipaq. Y yanapashunkim Dios kë Patsata gobernamur chikinakuyta chipyëpa ushakätsimuptin imanö kawakunëkipaq kaqta (Salmus 37:29).