Alli yachakunapaq

Jehovä imanö kanqampita maslla yachakuy

Bibliata leyirninqa yachakuykanqantsikta entiendinapaqmi, Diospa sirweqninkunata dirigeqkuna rurayämunqankunata estudianantsik. Y manam janan jananllaqa leyinantsiktsu, sinöqa Jehovä Dios imanö kanqanta musyëta munarmi. Tsëta rurarqa masmi kuyashun. Y yachakurirqa kënö tapukuy: “Kë yachakunqäqa, ¿imatataq Jehoväpita yachatsiman?”.

Këllaman pensarishun: allichi kanman Jehovä Diosnintsik kuyakoq, yachaq, justiciata ruraq y puëdeq kanqampita maslla yachakunqantsik. Peru Jehovä imanö kanqampitaqa maskunatam yachakuyta puëdintsik. Tsëkunataqa, ¿mëchötan tarishwan?

Índice de las publicaciones Watch Towerchömi Jehovä imanö kanqanta juk listachö cincuentapitapis masta tarinki. Tsëpaqqa, “Jehová” neqman yëkurir “Cualidades por nombre” neqta ashiri. Tsë listachö katsinqëkipita masta yachakur leyi (peru idiömëkichö mana kaptinqa, Guía de estudio para los testigos de Jehová neqman yëkuy, tsëpitana “Jehová” neqta ashi y “Cualidades de Jehová” neqman yëkuri).