¿Imanirtaq Jehoväpa testïgunkuna nirnin reqiyäman?

Bibliachöqa clärum nin Diospa jutinqa Jehovä kanqanta (Exodu 6:3; Salmus 83:18). Y musyanqantsiknöpis, testïgu nirqa reqiyan pitapis defendeqta o llapan musyanqanta willakoqtam.

Noqakunaqa kamakoq Yayapa jutin Jehovä kanqantam willakuyä, y rasumpa kaqtam pëpaq parlayä, tsëmi Jehoväpa testïgunkuna nirnin reqiyämänanta munayä (Apocalipsis 4:11). Jinamampis, nunakuna rasumpa kaqta musyayänampaqmi Bibliapita yachatsikur puriyä, y Jehovä Dios munanqannö portakïtam procurayä (Isaïas 43:10-12; 1 Pëdru 2:12).