Nöta

c Wakin yachaq nunakunam niyan, tsë nunakunaqa Jehovällatana sirwiyänampaq änikushqa kayanqanta (Nüm. 6:1-21). Moises chaskinqan Ley välinqan witsanmi tsëtaqa änikuyaq, peru tsë tiempupaqqa manam tsë Leyqa välirqannatsu. Tsë nunakuna Jehoväta änikuyanqanta cumpliyanqantaqa, capazchi Pabluqa mana allitanötsu rikarqan. Tsëchi gastunkunata paguëta y pëkunawan templuta ëwëtaqa, mana allitanötsu rikarqan. Tsë nunakuna imata änikuyanqantaqa manam musyantsiktsu. Tsënö kaptimpis, jutsankunapita perdonashqa kayänampaq animalkunata rupatsiyänan kaptinqa, capazchi Pabluqa pëkunawan rurayanqanwan acuerdutsu kanman karqan. Diosllatana sirwiyänampaq änikoqkunaqa, atska kutichömi tsënö rurashqa kayarqan. Tsënö kaptimpis, Jesus wanushqa kaptinmi tsëkunata rurayanqanqa välirqannatsu. Pablu ruranqampita llapanta mana musyashqapis, manachi concienciampa contranqa imatapis ruranmantsu karqan.