1 Samuel
31 Filisteu soldädukunam israelïtakunawan pelyëkäyarqan.+ Tsëmi filisteu soldädukuna venciyaptin, israelïtakunaqa qeshpir ëwakuyarqan. Filisteukunaqa Guilboa+ jirkachömi mëtsikaqta wanutsiyarqan. 2 Saultawan tsurinkunatam qatikachäyarqan, y taripëkurmi Saulpa+ tsurin Jonatanta,+ Abinadabta y Malki-Süata wanutsiyarqan. 3 Tsëpitam filisteu soldädukunaqa Saulta maslla atacayarqan, y arcuta manejaq soldädukunam Saulta rikëkur flëchawan chëkatsiyarqan.+ 4 Tsënam Saulqa yanapaqnin soldäduta nirqan: “Espädëkiwan wanuratsimë. Manam munätsu penqëninkunachö mana señalakushqa nunakuna+ wanutsiyämänanta”. Tsënö niptimpis yanapaqnin soldäduqa mantsarmi wanutsita munarqantsu. Tsëmi Saulqa espädanwan kikinlla tuksikurirqan.+ 5 Saul wanushqa kanqanta+ rikëkurmi, yanapaqnin soldädupis kikinlla espädanwan tuksikur wanuskirqan. 6 Tsë junaqmi Saulwan kiman tsurinkuna, escüdunta puritseq soldädu y llapan sirweqninkuna* wanukuyarqan.+ 7 Y israelïta soldädukuna qeshpir ëwakushqa kayanqanta y Saulwan tsurinkuna wanushqa kayanqanta musyaskirmi, Jezreel pampachö y Jordan mayu* kuchun pampachö täkoq* israelïtakunaqa, markankunapita qeshpir ëwakuyarqan.+ Y filisteu nunakunaqa tsë markakunaman ëwëkurmi täkuyarqan.*
8 Waränin junaqnam filisteu soldädukunaqa, wanushqa israelïtakunapa väleq cösasninkunata apakuyänampaq ëwayarqan. Y Guilboa+ jirkachömi Saultawan kiman tsurinkunata wanushqata tariyarqan. 9 Saulpa peqantaqa o umantaqa roquyarqanmi, y pelyachö utilizanqan cösasnintapis qotutsiyarqanmi. Tsëpitanam entëru Filistëa markakunaman y santunkunapa templunkunaman+ willakuyarqan.+ 10 Saul pelyachö utilizanqan cösasninkunataqa Astoret santunkunapa templunmanmi apayarqan, y ayantanam Bet-San+ markapa perqanman clavëkuyarqan. 11 Y Jabes-Galaad+ markachö nunakunam musyariyarqan filisteu soldädukuna Saulta tsënö rurayanqanta. 12 Tsëmi tsë markapita llapan soldädukuna paqaspa ëwayarqan. Y Bet-San markapa perqankunapitam Saulpa y tsurinkunapa ayankunata bajaratsir Jabes markaman kutitsiyarqan, y tsëchömi rupatsiyarqan. 13 Tullunkunataqa+ Jabes+ markachö këkaq tamariscu niyanqan jatun planta chakinmanmi pampayarqan, y qanchis junaqpam imatapis mikuyarqantsu.