“¡Rikë! ¡Pëmi akranqä kaq sirwimaqnï, kuyë Tsurï, pëpitam alläpa kushikü! Pëmanmi santu espïritüta churashaq, y pëmi llapan nacionkunata alleq cläru rikätsinqa alli kaqta rurë ima kanqanta. Manam plëtunqatsu ni sinchipa parlanqatsu, ni precisaq cällikunachö pipis wiyanampaq parlanqatsu. Manam laqtsakashqa shoqushta pakirinqatsu, ni qoyëkaq mëchata upiratsinqatsu, llapan mana alli rurëkunata altsar ushanqanyaq. Rasumpa kaqchöqa, nacionkunam jutinman markäkur shuyaräyanqa” (Mateu 12:18-21; Isaïas 42:1-4).

“Manam plëtunqatsu ni sinchipa parlanqatsu, ni precisaq cällikunachö pipis wiyanampaq parlanqatsu” nir Isaïas musyatsikunqanqa, ¿imanötaq cumplikarqan? Qeshyëkaqkunata kachakätsir y supëkunata qarqurnin pë pï kanqanta pitapis mana willakuyänampaq mandanqanchömi (Marcus 3:12). Pëpaq llutanta parlaqta wiyar pï kanqanta nunakuna musyayänantaqa manam munarqantsu.