6 KAQ TAPUKUY
¿Imatataq Mesïaspaq Biblia puntallapitana willakurqan?
BIBLIA WILLAKUNQAN
“Belen Efräta marka, [. . .] qampitam voluntänïta ruraq Israel nunakunapa gobernaqnin kanqa”.
CUMPLIKANQAN
“Tsëpitanam Herödis gobernanqan witsan Judëa provinciachö këkaq Belenchö Jesus yurinqanta musyar, estrëllakunata rikëkur willakoq nunakuna Jerusalenman shayämurqan”.
BIBLIA WILLAKUNQAN
“Röpäkunatam rakipänakuyan, y röpäkunata apakuyänampaqmi sortiayan”.
CUMPLIKANQAN
“Jesusta qeruman clavëkurmi soldädukunaqa cada ünupaq röpanta chuskuman rakiyarqan [. . .]. Rurin kaq röpanqa, umapita urayaq awashqa karmi costürannaq karqan. Tsëmi kikinkunapura kënö ninakuyarqan: ‘Ama rachishuntsu, sinöqa pï apakunampaq kaqta rikänapaq suertita jitashun’”.
BIBLIA WILLAKUNQAN
“Teyta Diosmi llapan tullunkunata cuidëkan, manam ni jukllëllatapis pakiyänanta permitishqatsu”.
CUMPLIKANQAN
“Peru Jesusman chärirqa, wanushqana kanqanta rikarmi, chankankunata pakiyarqannatsu”.
BIBLIA WILLAKUNQAN
“Jutsata ruranqantsikpitam tuksir ushayarqan”.
CUMPLIKANQAN
“Juk soldädu costillanchö lanzawan tuksïkuptinmi, jinan höra yawarwan yaku yarqamurqan”.
BIBLIA WILLAKUNQAN
“Tsënam pëkunaqa treinta yuraq pläta qellëta pagayämarqan”.
CUMPLIKANQAN
“Tsënam döci apostolninkunapita Jüdas Iscariöti jutiyoq kaq, mandakoq sacerdötikunaman ëwar kënö tapurqan: ‘¿Imatataq äniyämanki Jesusta traicionanäpaq?’. Tsënam pëkunaqa treinta yuraq pläta qellëta äniyarqan”.