“Juk yüguman Dios juntanqantaqa . . .”

Juk nuna divorciakïta munarqa, divorciu papeltaraq ruranan precisanqantam Moises qellqanqan Leychöqa mandakoq. Tsënöpam pipis raslla divorciakïtaqa puëdeqtsu. Tsënö këkaptimpis Jesus kawanqan witsan pushakoq religiösukunaqa, nunakuna imallapitapis ras divorciakuriyänantam permitiyaq (nwtsty nota de estudio para Mr 10:4: “certificado de despedida”; nwtsty notas de estudio para Mr 10:11: “se divorcie de su esposa” y “comete adulterio contra ella”). Peru casädu kawakïtaqa kikin Jehovä patsätsinqantam, Jesusqa Marcus 10:2-12 textuchö cläru rikätsikurqan. Casädukunaqa “juk ëtsallanam” tikrariyan, tsë ninanqa manam imëpis rakikäyänantsu. Tsëmi Mateu libru ninqannöpis, divorciakïtaqa puëdiyan majan rakcha rurëman ishkishqa kaptinlla (Mt 19:9).

Kanan witsanqa, Jehoväta mana sirweq mëtsikaq nunakunam casädu kawakïtaqa fariseukuna rikäyanqannölla rikäyan y manam Jesus rikanqannöqa. Tsëmi ima problëmallapis kariptinqa, raslla divorciakuriyan. Peru rasumpa cristiänukunaqa casakuyanqan junaqchö äninakuyanqantam cumplita tïrayan. Y problëmakuna kaptimpis, Bibliapa consëjunkunata cäsukurmi raslla altsariyan. Kuyakï y respetanakïqa familiachö yanapakunmi neq videuta rikärir, kë tapukïkunata contestariyë:

• 

  ¿Imanötaq casädu kawënikichö Proverbius 15:1 textu ninqanta cäsukunkiman, y imanirtaq tsëta ruranëki precisan?

• ¿Imanötaq Proverbius 19:11 textu yanapashunkiman problëmaman mana chänëkipaq?

• Casädu kawëniki peligruchö kaptin, raslla divorciakïman pensanëkipa rantinqa ¿imakunataraq tapukunkiman?

• ¿Imanötaq Mateu 7:12 textu yanapashunkiman alli maja kanëkipaq?